A20ko porrota bizkarrean, gauerdian ekingo diote alderdiek kanpainari
Abenduaren 20ko porrota bizkarrean dutela, gauerdian ekingo diote berriro alderdi politikoek botoa eskatzeari. 00:00etan abiatuko da ekainaren 26ko hauteskunde orokorren kanpaina, eta hilaren 24ra arte iraungo du.
Sei hilabete eskas igaro dira hauteslekuekin izandako azken hitzordutik, eta, hala, abenduko bozen bigarren itzuli gisa hartu dute indar politikoek. Estatuan, Unidos Podemosek PSOE gaindituko ote duen da zalantza nagusia. EAEn, berriz, Unidos Podemosen eta EAJren arteko lehia estua aurreikusi du EITB Focus-en inkestak. Nafarroan, azkenik, Geroa Baik eta EH Bilduk ordezkaritza lortuko duten dago dudan.
CIS inkesta etxeak egindako azken inkestaren arabera, Alderdi Popularrak irabaziko lituzke hauteskundeak. Zalantza oraingoan Podemos eta Izquierda Unida alderdiek bat eginda lortuko duten emaitza da. Ikusmin handia dago koalizioa PSOEri aurrea hartzeko gai izango ote den, eta hauteskundeen osteko negoziazioetan ezkerraren eta eskuinaren arteko dikotomia itzuliko ote den. CISen arabera, koalizioak 12 eserlekuko aldea aterako lioke PSOEri.
Abenduan ez bezala, oraingoan koalizioan aurkeztuko dira IU eta Podemos. EFE
Abenduko ziurgabetasunaren aurrean, oraingoan argi dago indar politikoek gobernua osatzeko negoziatu beharko dutena. Hortik abiatuta egin dituzte mezu nagusiak: Rajoyk fidagarritasuna eskaini du, Sanchezek aldaketarako bermea, Iglesiasek PPren alternatiba bakarra dela adierazi du, eta Riverak elkarrizketarako giltzarria dela defendatuko du.
Kanpainako gastuak murrizteko akordiorik lortu ez duten arren, merkeagoa egiteko konpromisoa hartu dute alderdi guztiek, eta, besteak beste, kaleetan ohi baino publizitate gutxiago ikusiko da. Hedabideetan, berriz, areagotu egingo dute euren presentzia, eta datorren astelehenean, hilaren 13an, izango da lau hautagai nagusien arteko eztabaida, lehen aldiz.
Alderdien egutegiaren arabera, Euskadira Sanchezek eta Iglesiasek egingo dute bidaia kanpainan zehar. Nafarroara, berriz, Rajoy joango da.
Lehen postua lortzeko norgehiagoka estua, EAEn
Euskal Autonomia Erkidegoan (EAE), Gasteiz aukeratu dute kanpaina abiatzeko ia alderdi guztiek, bertan egon bailiteke lehia biziena. Hala, Arabako hiriburuan hasiko dute kanpaina Unidos Podemosek (19:00), EAJk (21:00), PSE-EEk (20:00) eta PPk (19:00). Ekitaldiotan, alderdietako buruzagi ezagunenek hartuko dute parte: Nagua Alba Podemos Euskadiko idazkari nagusia, Iñigo Urkullu lehendakaria, Patxi Lopez lehendakari izandakoa, eta Alfonso Alonso jarduneko ministroa eta lehendakari gaia. EH Bilduk, berriz, Irun aukeratu du kanpaina hasteko, eta Arnaldo Otegi Lehendakaritzarako hautagaia izango da bertan.
Euskal alderdi nagusiek horrela abiatu zuten kanpaina abenduan. EiTB
Alderdi bozkatuena zein izango den ez ezik, ordezkari gehien lortzen dituena nor izango ote den jakiteko ere ikusmina dago EAEn. Abenduaren 20ko bozetan Podemos Euskadi izan zen alderdi bozkatuena 316.000 botorekin, baina EAJk eskuratu zituen eserleku gehien (6). Ezker Anitzarekin eta EQUOrekin koalizioa osatuta, diputatu kopuruan jeltzaleak gainditu ditzakeela uste du Unidos Podemosek. Horren aurrean, Euskal Agenda hobekien defendatuko duen alderdia dela argudiatuz ekingo dio kanpainari EAJk.
Abenduko hitzorduan boto kopuruan eta ordezkaritzan atzera egin zuela jakitun, aldaketa handiak egin ditu zerrendetan EH Bilduk. Euskadiko sozialistak eta 'popularrak' ere abenduaren 20ko galera eteten ahaleginduko dira, hurrenez hurren, 90.000 eta 70.000 boto inguru galdu baitzituzten. Ciudadanosek ez zuen ordezkaririk lortu abenduaren 20an, eta Araban diputatu bat eskuratzen saiatuko da oraingo honetan.
EITB Focus makroinkestaren azken alearen arabera, Unidos Podemos koalizioak lortuko lituzke boto gehien EAEn; bigarrenak, EAJk, baino % 3,4 gehiago. Hala ere, eserleku-kopuruan berdinduta egongo lirateke koalizioa eta EAJ, biek seina ordezkari eskuratuko bailituzkete. PSE-EEk, EH Bilduk eta PPk bina eserleku eskuratuko lituzkete. Soziometroaren arabera, berriz, koalizioak bototan zein eserleku kopuruan gaindituko luke EAJ (7 vs 5).
Nafarroa
Nafarroan ere lehia bizia aurreikusi dute bost diputatuak eta lau senatariak eskuratzeko borrokan. Iruñea izango dute abiapuntu alderdi guztiek. Geroa Bairen ekitaldian, Uxue Barkos Nafarroako presidenteak hartuko du parte.
Abenduaren 20ko hauteskundeetan bina diputatu lortu zituzten UPN-PP koalizioak eta Podemos-Ahal Duguk, bosgarrena PSNrentzat izan zen, eta Kongresuan zuten eserleku bakarra galdu zuten Euskal Herria Bilduk eta Geroa Baik. Lehenengo hirurek emaitzak hobetu edo mantentzea izango dute helburu; beste biek, ordezkaritza berreskuratzea.
Ohi bezala, tarte berezia eskainiko dio EiTB Taldeak hauteskunde kanpainari.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.