Eudelek aintzat hartzen du gastu-arauaren 'kortsea' malgutuko duen 'edozein neurri'
Eudel Euskadiko Udalen Elkarteko presidente Imanol Landak "ongietorria" eman dio "Madriletik gastu-arauaren bidez inposatutako kortsea" gainditzeko laguntza eman dezakeen edozein neurriari; izan ere, EAEko Udalak "onbideratuta" daude, eta inoiz ez dira ados egon Aurrekontu Egonkortasunaren eta Jasangarritasunaren Legearekin.
Radio Euskadiri egindako adierazpenetan (Europa Pressek jaso ditu adierazpen horiek), Landak Espainiako Gobernuak iragarritako erabakiaz hitz egin du; hain zuzen ere, PSOEko Pedro Sanchez buru duen Gobernuak gastu-araua erreformatuko du, xede izanik gastua malgutzea eta Udalek gehiago erabili ahal izatea euren superabita.
Testuinguru horretan, Landak, Getxoko alkatea bera, nabarmendu du euskal Udalek beti erakutsi dutela ez daudela ados "Aurrekontu Egonkortasunaren eta Jasangarritasunaren Legeak ekarritako kortse erraldoiarekin": "Inoiz ez gara ados egon horrekin; izan ere, Euskadiko Udalak ondo kudeatuta eta onbideratuta daude", adierazi du. Gerora, gehitu du euskal administrazio publikoaren zorraren % 2 dutela Udalek, zorra horren zenbaketa orokorra kontuan izanik.
Horrela, aitortu du "ongietorria" ematen diotela "Madriletik inposatutako kortse hori gainditzeko laguntza eman dezakeen edozein neurriri". Hala ere, azpimarratu du euskal Udalek foru-erregimena dutela, eta, hortaz, Estatuko gainerako erregimenarekin alderatuta, malgutasun handiagoa izaten dute.
"Kortse hori indargabetzen bada, hobeto; izan ere, inoiz ez dugu behar izan, eta beti egin izan dugu oinarrizko hastapen baten alde, alegia, Europa mailan aintzat ezagututa dagoen udal-autonomiaren alde", gehitu du.
Udal Legearen garapen-maila
Eusko Jaurlaritzak 2016an onartu zuen Udal Legearen garapen-mailaz galdetu diotenean, Landak esan du lege hori gauzatzea "mugarria" izan zela euskal Udalentzat, "konpondu gabeko arazoa" baitzen.
Landaren iritziz, oraingo erronka da lege hori "inplementatzea eta garatzea"; hori dela eta, Eudel ahalegintzen ari da "garapen-ahalmen guztiak bultzatzen".
"Erronka da bere garapena bultzatzea; hori ez dago bakarrik Udalen esku, gainerako instituzioek ere ardura dute zeregin horretan, eta horretarako elkarrekin lan egin beharko dugu, instituzio guztiek", gehitu du.
Azkenik, Landak nabarmendu du nola Eudelen "udal-gestioan ardura duten sentsibilitate politiko guztiek duten ordezkaritza", EH Bilduko ordezkariak barne.
"Hori lehen aldiz gertatzen da. Komunean zer dugun bilatzen dugu; adibidez, udal-autonomiaren defensa. Alkateek, ideología gorabehera, asko dugu komunean; izan ere, egunez egun ditugun zailtasunak berdinak izaten dira", amaitu du.
Zure interesekoa izan daiteke
Chivitek, Esparzari: "Gauza bat da arazoak egotea, eta bestea, osasun sistemaren egoera larria izatea"
UPNk eskatuta, Nafarroako Parlamentuko Foru Araubidearen Batzordean osasun sistemari buruzko azalpenak eman ditu Maria Chivite Foru Erkidegoko presidenteak. Osasunbidean "hobetzeko gauzak" badirela aitortu arren, egoera ez dela larria ziurtatu du. Javier Esparza UPNko parlamentariak, aldiz, behin eta berriz esan du egoera "oso larrian" dagoela osasungintza publikoa.
Feijook ez du zentsura-mozioa baztertzen, baina Gobernuaren bazkideei "pausoa emateko" eskatu die
Alderdi Popularreko presidentearen iritziz, "orain arte ikusi gabekoa da" Espainiako une honetako egoera politikoa. Bere ustez, 2018an PP Gobernutik bota zuten alderdiek "arrazoi gehiago dute orain" zentsura-mozioa babesteko.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.
EH Bilduk ere babestuko du Gipuzkoan zerga turistikoa ezartzea
EAJk eta PSEk EAEko hiru lurraldeetarako Elkarrekin Podemosekin lortutako akordioarekin haren onarpena bermatuta zegoen.
Espainiako Gobernuak uste du "juridikoki posible" dela Trebiñun erreferenduma egitea, baldin eta legezko urrats guztiak ematen badira
Angel Victor Torresek Mikel Legarda EAJren diputatuaren galderari erantzun dio Kongresuko Osoko Bilkuran. Gobernuak Trebiñuko enklabeko udalek hala eskatuz gero, Araban sartzeko erreferenduma baimenduko ote duen galdetu dio Legardak.
Imanol Pradalesek azalpen “azkar eta gardenak” eskatu dizkio Zapaterori, eta EH Bilduk zuhurtzia eskatu du, Plus Ultra auziaren aurrean
Lehendakariak azalpenak eskatu dizkio Jose Luis Rodrigez Zapatero Espainiako presidente ohiari, Plus Ultra auzian inputatu ondoren, eta errugabetasun-presuntzioa errespetatzeko beharra azpimarratu du. Bestalde, EH Bilduk, Nerea Kortajarenaren bidez, zuhurtzia eskatu du eta ohartarazi du horrelako auziek “zurrunbilo” politiko eta mediatikoak sor ditzaketela.
Nor da nor Plus Ultra auzian?
Auzitegi Nazionalak Jose Luis Rodriguez Zapatero Espainiako Gobernuko presidente ohia egitura antolatu baten "buruan" kokatu du. Haren helburua, epailearen arabera, bertako eta nazioarteko erakundeetan eragitea eta hirugarrenen zein sarearen beraren aldeko etekin ekonomikoak lortzea zen.
Pradalesek eta Clavijok Europako migrazio-itunean "zer esana" izatea eskatu dute
Lehendakariak eta Kanarietako presidenteak Espainiako Gobernuari idazki bat bidaltzea erabaki dute, ekainaren 12an indarrean sartuko den Migrazio eta Asilorako Europako Itunaren jarraipen-, finantzaketa- eta ebaluazio-mekanismoetan parte hartzea eskatzeko.
Kortajarenak kritikatu du orain hiru urte EH Bilduk Munduko Futbol Txapelketaren inguruko zalantzak agertu zituenean proiektua "munduko onena" zela
Jose Luis Rodriguez Zapateroren inputazioaren aurrean zuhurtziaz aritzea hobe dela nabarmendu du, behin eta berriz, Nerea Kortajarena EH Bilduko legebiltzarkideak Euskadi Irratian egin dioten elkarrizketan.
Albiste izango dira: Pradalesen eta Clavijoren arteko batzarra Gasteizen, Zapateroren inputazioa eta Vladimir Putin eta Xi Jinping bilduko dira, Pekinen
Gaurkoan Orain-en albiste izango direnen laburpena, bi hitzetan.