EAJk irabaziko lituzke A10eko hauteskunde orokorrak EAEn, 7 ordezkari lortuta
EAJk irabaziko lituzke azaroaren 10eko hauteskunde orokorrak Euskal Autonomia Erkidegoan, botoen % 32,6 eskuratuta, apirileko bozetan baino puntu bat gehiago. Emaitza horiekin, zazpi eserleku izango lituzkete jeltzaleek Madrilgo Kongresuan, egun baino bat gehiago. Bizkaian aterako luke EAJk zazpigarren diputatu hori, Elkarrekin Podemosen kaltetan.
Nafarroan, NA+ izango litzateke lehen indarra, botoen % 28,5ekin, aurreko hauteskundeetatik puntu eskas galduta. EH Bilduk ia bi puntu egingo luke gora Foru Erkidegoan, eta eserlekua lortuko luke koalizio abertzaleak.
Gaur kaleratu den XVI. EiTB Focus inkesta inkestaren emaitzak dira, astebete barru egingo diren hauteskundeei begira. EAEko eta Nafarroako boto-emaileei, besteak beste, boto-asmoari buruz eta ordezkari politikoen inguruan duten iritziari buruz galdetu zaie. Urriaren 28tik 30era egin zen galdeketa EAEko herritarren artean, eta urriaren 25ean Foru Erkidegokoen artean.
Boto-asmoa EAEn
EAEko emaitzei dagokienez, EAJk erraz irabaziko luke, botoen %32,6 jasota. Jeltzaleen ondoren, PSE-EE (%19,7) litzateke indar bozkatuena, eta, sozialistengandik oso gertu, hirugarren lekuan, EH Bildu legoke (% 18,3), A28ko bozetan baino bi puntu gehiago lortuta. Bi taldeok launa diputatu izango lituzkete. Laugarren tokian, Elkarrekin Podemos egongo litzateke (% 14,9), eta boto kopuruan hiru puntuko jaitsiera izango luke. Bosgarren indarra PP litzateke. Eta atzetik, C’s, VOX eta Mas Pais leudeke, ordezkaritzarik gabe.
Hiru lurraldeetan irabaziko lituzke hauteskundeak EAJk. Araban izango luke gorakadarik handiena, aurreko bozekin alderatuta: botoen % 25,6 jasoko lituzkete jeltzaleek lurralde horretan, eta, atzetik, lau puntura, PSE-EE izango lukete, zertxobait behera eginda. EH Bildurentzat litzateke hirugarren lekua, bi puntu eta erdiko gorakadarekin. Hiru taldeok eserleku bana eskuratuko lukete. Elkarrekin Podemosek kolokan izan dezake bere ordezkari bakarra, PPren mesedetan.
Bizkaian ere, jeltzaleak nagusi (% 35,2), ia puntu bat gora eginda eta lau eserleku lortuta, aurrekoetan baino bat gehiago. Bigarren tokian, eta alde handiarekin, PSE-EE legoke, bi ordezkarirekin. Elkarrekin Podemos litzateke Bizkaiko hirugarren indarra, eta bitik batera jaitsiko litzateke bere ordezkari kopurua. EH Bildu litzateke laugarren taldea, hori ere, ordezkari batekin.
Galdeketaren arabera, Gipuzkoako lehen indarra ere EAJ litzateke (% 31,3), eta bigarrena, EH Bildu (% 25,5), eta biek bina diputatu izango lituzkete Kongresuan. PSE-EEk eta Elkarrekin Podemosek eutsi egingo liokete lurralde honetako ordezkariari, alderdi moreak hiru puntu pasako jaitsiera izango badu ere.
Hautagaien inguruan duten iritziari buruz ere galdetu zaie herritarrei inkesta honetan, eta, 1etik 10era, notarik altuena Aitor Esteban jeltzaleak eta Mertxe Aizpurua EH Bilduko hautagaiak jaso dute, 6,9 eta 6 puntu, hurrenez hurren. Elkarrekin Podemoseko Juantxo Lopez de Uralderi, batez beste, 5a eman diote boto-emaileek, eta Patxi Lopez sozialista eta Mari Mar Blanco popularra ez dira erdiko langa horretara iritsi.
Botoa aurreko alderdi berari emango dioten galdetuta, EAEko herritarren % 71k baietz erantzun dute, eta % 11,8k aldatu egingo omen dute.
Boto-asmoa Nafarroan
Aurreko hauteskunde orokorretan bezala, NA+ koalizioak jasoko lituzke boto gehien (% 28,5), puntu eskas behera egingo lukeen arren. Bi eserlekuei eutsiko lieke UPNk, PPNk eta Ciudadanosek Foru Erkidegoan osatutako taldeak. PSN litzateke bigarren indarra, aurrekoetan lortutako emaitza bertsuarekin, baina bi ordezkaritik bat galduta. Unidas Podemosek mantendu egingo luke Nafarroako eserlekua, eta EH Bildurentzat izango litzateke sozialistek galdutako diputatua. Ezker abertzaleko koalizioak ia bi puntu egingo lituzke gora.
Azkenik, inkestak utzitako datuei erreparatuta, abstentzioa % 32,6koa litzateke batez beste Araban, Bizkaian eta Gipuzkoan, eta % 29koa Nafarroan.
Fitxa teknikoa
EAEn bizi diren 1.200 pertsonak (Arabako 400, Bizkaiko 400 eta Gipuzkoko 400) parte hartu dute Gizakerrek EiTBrentzat egindako inkestan.
La= ±% 2,83, konfiantza-maila % 95, p=q=0'5, EAEko datuetarako.
Inkesten % 24,3 euskaraz egin dira, eta gainerako % 75,7ak, gaztelaniaz. Inkesta egiteko hautatutako udalen populazio-tamainagatik haztatutako erabateko emaitzak dira.
Landa-lana 2019ko urriaren 28tik 30era bitartean egin zuten, elkarrizketak telefonoz eginez.
Nafarroan 400 herritar elkarrizketatu dira; horietatik % 8 euskaraz, eta % 92 gazteleraz.
La= ±% 4,90, konfiantza-maila % 95, p=q=0'5, Nafarroako datuetarako.
Inkesta egiteko hautatutako udalen populazio-tamainagatik haztatutako erabateko emaitzak dira.
Landa-lana 2019ko urriaren 25ean egin zen, elkarrizketak telefonoz eginez.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.