Arrimadasek indartsu ikusten du bere burua, Ciudadanos gidatzeko moduan
Ines Arrimadas Ciudadanosek Kongresuan duen bozeramaileak "indartsu, ausart eta egoerak eskatzen duen mailan" ikusten du bere burua alderdi horren lidergoa bere gain hartzeko. Dena dela, oraindik ez duela bere hautagaitza aurkeztuko jakinarazi du, kontuan hartu behar diren "epe batzuk bete behar baitira".
"Nire egunerokoan, egoera zail bat dagoen guztietan aurrerapauso bat eman dut. Ausarta izango naiz", azpimarratu du Arrimadasek, Albert Riverak dimisioa eman eta astebetera telebistan egindako elkarrizketa batean.
Testuinguru horretan, alderdiaren lidergoa bere gain hartuz gero aldaketa batzuk egitea gustatuko litzaiokeela esan du, "hainbat gauza hobetu behar direlako". Alabaina, azaroaren 10eko hauteskunde orokorretan jasandako porrotaren inguruan onartu duen akats bakarra Ciudadanosen estrategia politikoari buruzkoa izan da: "Ezin da boto-emailea nahastu, eta Sanchezi ez geniola gure babesa emango argi utzi genuen arren, legealdiaren azken astean ez genuen egoera politikoa konpontzeko irtenbidea behar bezala azaldu".
Gainera, agertoki polarizatuetan, "zentroko alderdiek beti emaitza txarragoak" lortzen dituztela esan du Arrimadasek, "hautesleak azkarrago desmobilizatzen direlako", horren arabera. Hala, Pedro Sanchez buruzagi sozialistak "agertoki polarizatu bat nahi zuen", ziurtatu du.
Bestalde, Arrimadasek esan du Rivera ordezkatzeko "babes zabala" duela, eta, Ciudadanoseko zuzendaritzaren irizpide nagusiari jarraiki, PSOEren eta Podemosen arteko koalizio gobernu bat ez babesteko erabakia berretsi du. Ildo horretatik, PSOE, PP eta Ciudadanosen arteko "akordio sendo bat" egitearen alde egin du, Riverak hauteskunde-kanpainan babestu zuen bezala.
Horregatik, Ciudadanosen bozeramaileak azpimarratu duenez, Sanchezek Podemosekin itunik egiten ez badu soilik abstenituko dira, "ez dugulako nahi Podemosek gobernatzea, ezta nazionalista guztien esku dagoen gobernu bat ere".
Hauteskunde orokorretako emaitzei dagokienez, Arrimadasek adierazi du bere alderdiak "gehiegizko prezioa" ordaindu duela bozetan: "Kennedy hil dugula dirudi, guri ez digute barkatu".
Horren esanetan, A10ean galdu zituzten 2,5 milioi botoetatik milioi bat abstentziora joan ziren, 200.000 PSOEra eta gainerakoak "egoera desblokeatzeko ezer egin ez duten beste bi alderdi nagusietara (PP eta Vox)".
Ondorioz, epe laburrera begira "alderdia sendotu" nahi duela esan du, baina helburu hori lortzeko prozesua ez da martxoaren bigarren astera arte hasiko, orduan egingo baita primarioetara aurkeztuko diren hautagaien artean zuzendaritza berria aukeratuko duen ezohiko batzarra.
Bestalde, Riverak gutun bat bidali dio militantziari, eta, autokritikarik egin ez badu ere, harro agertu da Ciudadanosen geratu den taldeaz, elkarrekin lortu dutenaz eta "hain beharrezkoa den proiektu hau inspiratzen duten balioez".
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".