PSOEren zuzendaritzak ERCrekin adostutako ituna berretsi du, baina 'ez erreferenduma'
PSOEren Zuzendaritza Federalak ERCrekin adostutako akordioa berretsi du ostiral honetan. Jose Luis Abalos PSOEko Antolakuntza idazkariak Espainia osoan galdeketa bat egitea baztertu du. Zentzu horretan, "erreferendum bat ez da izango", argi utzi nahi izan du. Aldebiko mahaiak "arrakasta" izatea espero du.
Gobernu arteko aldebiko mahaian ixten dituzten akordioen inguruko galdeketa Katalunian bakarrik egitea defendatu du Abalosek; izan ere, bi exekutiboei soilik eragingo die.
Galdeketa "ez da autodeterminazio erreferendum bat", ziurtatu du idazkari sozialistak, eta independentziak ez du tarterik.
Hala ere, gobernu arteko mahaian proposamen hori eztabaidatzeko aukera izango dela onartu du buruzagi sozialistak, baina horrek "ez du onartuko dugunik esan nahi. Gure jarrera aski ezaguna da, Konstituziotik at ezer ere ez".
Espainiako lurralde osoak kontsultan parte hartzea baztertu du Abalosek, "erkidegoaren esparruko gaiak direlako, eta ez dituzte besteek bozkatu behar".
"Errealitate politikoak etengabe eraikitzen ari dira, edozein neurri aurrera ateratzeko gehiengoak beharrezkoak dira, eta parlamentarismoak une oro aginduko du", zehaztu duenez.
Aldebikotasuna ordenamendu juridikoaren parte dela errepikatu du Abalosek, eta erkidego autonomo guztiak horrela garatzen dira. "Orain arte praktikan jarri ez izana beste kontu bat da", erantsi du.
Bestalde, gobernu arteko negoziazio mahaian Konstituzioa "muga" izango denik ukatu du Marta Vilalta ERCko bozeramaileak, "legeak demokraziari eta herritarren borondateari egokitu behar baitira, eta ez alderantziz".
"Legeak aurrera ez egiteko aitzakia edo lurralde ala herri baten aurrerabidea ezin dezakete mugatu", adierazi du bozeramaile errepublikarrak Catalunya Radion.
Konstituzioa negoziazioan "muga bat" izan daitekeela galdetu diotenean, "joko zelaia, marko legala, ordenamendu juridiko demokratikoa dela identifikatu dugu; Konstituzioaz haratago doa, zuzenbidearen printzipio demokratikoak direlako, baita nazioarteko zuzenbidearenak ere (…) Demokrazia eta herritarren borondatea unean uneko marko legalen gainetik daude", erantzun du.
Dena den, Pedro Sanchezen inbestiduran ERCren abstentzioa bermaturik dagoela ziurtatu du Vilaltak.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.