Araba giltzarri, Voxek Legebiltzarrean eserleku bat lor dezan U12ko hauteskundeetan
Voxek ordezkari bat lor lezake Eusko Legebiltzarrean igande honetan egingo diren hauteskundeetan. Eskuin muturreko alderdiak legebiltzarkide bat lortuko luke Araban hogeita hirugarren EiTB Focus inkestaren arabera. EiTB Taldearen makroinkestak boto-asmoaren inguruan galdegin dio euskal gizarteari.
EiTB Focusen datuen arabera, EAJk hauteskundeak irabaziko lituzke eta orain lau urte lortutako emaitza hobetuko luke lau ordezkari gehiagorekin. Jeltzaleek 31 eta 32 eserleku artean lortuko lituzkete. EH Bilduk bigarren indarra izaten jarraituko luke eta ordezkari bat gehiago lor lezake, 18 edo 19 lortuta. PSE-EE izango litzateke hirugarren indarra eta ordezkari bat edo bi gehiago lor litzake, 10 edo 11raino. Elkarrekin Podemos-IUk indarra galduko luke; hiru legebiltzarkide galdu eta 8 lortuko lituzke. PPren eta Ciudadanosen arteko koalizioak ere atzerakada handia jasango luke eta hiru ordezkari gutxiago lortuko lituzke, bost denera.
EiTB Taldearen inkestaren arabera, EAJren eta PSE-EEren arteko koalizioak gehiengo osoa izango luke Legebiltzarrean. Daturik txarrenak lortuta ere, gehiengo osoa izango luke koalizioak, 41 legebiltzarkiderekin. Ezkerreko alderdien arteko hirukoak, berriz, ez luke gehiengorik lortuko, EH Bilduk eta PSE-EEk eserleku bat izango bailukete jokoan Gipuzkoan.
Igande honetan egingo diren hauteskundeetarako % 61,1eko parte-hartzea aurreikusi du EiTB Focusek.
Lurraldekako datuak.
Datuak lurraldez lurralde aztertuz gero, Voxek ordezkaritza lortuko luke lehen aldiz Eusko Legebiltzarrean. Araban lotuko luke ordezkaria, eta EAJrekin lehiatuko luke azken aulkia. EAJk gehiengoa izango luke; 9 eta 10 eserleku artean lortuko lituzke. EH Bildu izango litzateke bigarren indarra lurralde horretan, bost legebiltzarkide izaten jarraituko bailuke. PSE-EEk ordezkari bat gehiago lortuko luke. Elkarrekin Podemos-IUk bost puntu eta eserleku bat galduko lituzke Araban, eta PPren eta Ciudadanosen arteko koalizioa bosgarren lekuan geratuko litzateke, hiru aulkirekin.
Bizkaian, EAJk hamabigarren ordezkaria eskuratuko luke. EH Bilduk emaitzak hobetu lituzke; boto-asmoa hobetuko luke, eta lurralde horretan bost ordezkari izaten jarraituko luke. PSE-EEk gaur egun dituen hiru aulkiei eutsiko lieke. Elkarrekin Podemos-IUk eserleku bat galduko luke, eta PPren eta Ciudadanosen arteko koalizioak orain lau urte lortutako ordezkariari eutsiko liokete. Bizkaiko azken eserlekua EAJk eta EH Bilduk lehiatuko lukete.
Gipuzkoan ere, EAJ izango litzateke lehen indarra, EiTB Focusen arabera. Eserleku bat gehiago lortuko luke eta hamarrera igo. EH Bilduk 8 eta 9 ordezkariren artean lortuko lituzke, eta PSE-EEk, 3 eta 4ren artean. Elkarrekin Podemos-IUk ordezkari bat galduko luke, PPren eta Ciudadanosen arteko koalizioak bezala. EH Bilduk eta PSE-EEk lehiatuko lukete lurralde horretako azken aulkia.
Liderren balorazioa
Eusko Legebiltzarrerako 2016ko hauteskundeetan ordezkaritza lortu zuten alderdien hautagaien inguruan ere galdegin die EiTB Focusek herritarrei. Iñigo Urkulluk eta Maddalen Iriartek gainditu dute bosteko langa: lehenak 6,15eko emaitza lortu du eta bigarrenak 5,48koa. Idoia Mendia, Miren Gorrotxategi, Jose Ramon Becerra eta Carlos Iturgaiz bostetik behera geratu dira.
Uztailaren 12ko hauteskundeak COVID-19 gaixotasunak baldintzatuta egingo dira. Hori dela eta, posta bidezko botoak nabarmen egin du gora. EiTB Focusek aukera hori baliatu duten herritarrei galdetu die ea zergatik egin duten aukera horren alde. Galdetutakoen % 46,6k esan dute oporretan egongo direlako eman dutela posta bidez botoa, eta % 32k gaixotzeko beldurra erabili dute argudio nagusitzat.
Fitxa teknikoa
EAEn bizi diren 1.200 pertsona (400 Araban, 400 Bizkaian eta 400 Gipuzkoan).
La= ±% 2,83, konfiantza-maila % 95, p=q=0´5, EAEko datuetarako.
Lurralde, udalerri, sexu eta adinaren arabera geruzatutako zorizko lagina.
Inkesten % 25,3 euskaraz egin dira, eta gainerako % 74,7, gaztelaniaz.
Inkesta hori egiteko hautatutako udalen populazio-tamainagatik haztatutako erabateko emaitzak dira.
Landa-lana 2020ko ekainaren 30ean eta uztailaren 1ean egin zuten, telefonoz elkarrizketak eginez. Galdeketen batez besteko iraupena 3 minutu eta 38 segundokoa izan zen: motzenak 3 minutu iraun zuen, eta luzeenak, 7 minutu.
Zure interesekoa izan daiteke
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.
Nafarroako Gobernuak larrialdiko 2. maila ezarri du eklipsea dela eta
Foru Gobernuak Larrialdietarako Aholku Batzordea ere eratu du, eta 1.165 kidek osatutako segurtasun-dispositiboa jarriko du martxan.
Ertzaintzako sindikatuek agenteen aurkako erasoak gaitzetsi dituzte, bitarteko gehiago eskatuz
ErNE, Euspel eta Sipe sindikatuek salatu dutenez, polizia bati eraso egitea ezin da "normal" bihurtu. Hortaz, "babes instituzionala" eta lantaldea indartzea eskatu dute.
Bilboko aireportuak ausazko kontrolak egiten dizkie Italiatik datozen bidaiariei, gorabeherarik gabe
Neurria larunbat honetan aktibatu da, eta irailaren 7ra arte iraungo du, Italiako Gobernuak Espainiatik datozen bidaiarientzako Schengen eremua bertan behera uzteko dekretuari erantzuteko.