Itxaso Atutxa: “Sanchez ez da konturatzen ez duela gehiengo absoluturik”
Garrantzitsuak diren gaiak barne hartzen dituzten lege-dekretuak baieztatu behar dira gaur Espainiako Kongresuan, hala nola maskararen erabileraren derrigortasuna aire zabalean. Horren harira, Euskadi Buru Batzarreko presidenteak ez du argitu nahi izan EAJk horiek babestuko dituen ala ez.
Itxaso Atutxak Radio Euskadiko Boulevard Informativo saioan aitortu duenez, "desadostasunak handiak dira", eta deitoratu du Pedro Sanchez "lege dekretuen bidez" gobernatzen ari dela, "nahiko gogorra izaten ari delako, salbuespenezkoa izan beharko lukeelako eta ez direlako malguak egoera ezberdinetara egokitzeko". Zentzu horretan, salatu du Sanchez ez dela konturatzen ez duela gehiengo absoluturik.
"Malgua izateko eta elkarrizketarako gaitasuna hobetzeko" eskatu dio Atutxak Sanchezi, baina gainerako legegintzaldian babesa ematen jarraitzearen alde egin du. Buruzagi jeltzalearen esanetan, "legealdia osoa izatea espero dugu; mantentzea interesatzen zaigu". Izan ere, nabarmendu duenez, "Estatuko Gobernuaren egonkortasunak egonkortasuna ekartzen du lurralde guztietara". Halaber, onartu du ez dela erraza izango, "batez ere gehiengo absolutua ez duela kontuan hartzen ez bada"; era berean, azpimarratu du Gobernuan egindako azken aldaketak zailtasun erantsiak direla, "badirudielako bete ez diren akordioak gogoratu beharko direla".
Estatutu berriaren eztabaidaren harira, EBBko presidenteak gogoratu du aurreko legegintzaldian egiteke gelditu zen lana dela, eta deitoratu du "ematen duela beste gai batzuei denbora gutxiago eskainiko diegula". Pandemia lehentasunezkoa dela azpimarratu du, baina tematu da esanez pixkanaka normaltasuna berreskuratu beharra dagoela. Edukiari dagokionez, "adituek eta alderdiek emandako argudioek bat egin zuten dokumentu batekin eta EH Bilduren beste proposamen batekin amaitu zen", eta koalizio horrekin lan egitea "oso zaila" dela esan du. "Oinarrien akordio batera iritsi gara, eta gero adituen lanean norabidea aldatu dugu". Aldiz, "EAJn Elkarrekin Podemos-IUrekin duen ulermena" eskertu du, "hemen, erabakitzeko eskubideari buruzko jarrera ezberdina duelako".
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".