Herrien autodeterminazio demokratikorako mekanismo bati buruzko eztabaida abiatu dute Europar Batasunean
ERC, Junts, EAJ eta EH Bilduko eurodiputatuek, Europako beste indar independentista batzuekin batera, ekimena aurkeztu dute EBn, zehaztasun lege bat aztertzeko, Kanadako legedia eredu hartuta. Quebec eskualdearen bi independentzia erreferendum ahalbidetu ditu araudi horrek.
Europar Batasunaren baitan gatazka independentistak konpontzeko eta prozesu horiek legalki bideratzeko "tresna instituzionala" aurkeztu dute François Alfonsi Korsikako eurodiputatuak eta Chris McManus Sinn Feineko ordezkariak, besteak beste.
"Legetik at ez da ezer posible, baina legearekin bakarrik ez dira gatazkak konpontzen", esan du Izaskun Bilbao EAJko eurodiputatuak. Bilbaoren ahotan, Batasuna "balioen bihotzetik" sendotu nahi du proposamenak, "borondatezko" batasunean eta "aniztasunean" oinarrituz.
Clara Ponsati Juntseko ordezkariak aldarrikatu duenez, afera independentisten aurrean EBren erantzuna "demokrazia gehiago eskaintzea" izan behar du, "ez gutxiago".
"Lurraldetasun gatazken konponbide baketsuan eredu izanaz aurrera egin behar du Batasunak", nabarmendu du. Horregatik, Estatu kide batek barne gatazka bat aitortzen ez duenean, Europako blokeari inplikazioa eskatu dio Ponsatik.
Pernando Barrena EH Bilduko eurodiputatua autodeterminazioaren inguruan marko legal bat zehazteko mekanismo baten beharrean fronte komuna egiteagatik zoriondu da.
Europako Etorkizunaren Konferentzian proposamena aurkeztuko dute. Estrasburgok hartuko dituen eztabaidak izango dira. Ondoren Europako Batzordeak erreformak aztertuko ditu.
Horrela, sinatzaileek gaia EBren itunetan jasotzea nahi dute, "Europako erakundeak erronka globaletara egokitzeko eta herriak hobeto ordezkatzeko".
EBk marko zehatz baten barruan status politikoaren inguruko herritarren adierazpen askatasuna bermatu behar duela uste dute eurodiputatuek. Horregatik, zehaztasuna beharrezkoa da, bozketa bat bermatu, fede onez negoziatzeko betebeharra eta negoziazioak errazteko markoak izatea.
Zure interesekoa izan daiteke
Nafarroako ikastolek uste dute oraindik badagoela "negoziatzeko tarterik" hezkuntza itunen inguruan
Nafarroako Parlamentuak UPNren lege-proposamena eztabaidatuko du ostegun honetan, ikasgelak aldatzeko irizpideak finkatzea helburu duena.
Pradalesek uste du Vatikanora egindako bisitarekin Euskadiren eta Egoitza Santuaren arteko harremana indartu egin dela
Imanol Pradales lehendakariak Leon XIV.a aita santua agurtu du Vatikanoko audientzia orokorrean, eta, ondoren, ia ordubetez bildu da Pietro Parolin Estatu idazkariarekin. "Balio sinboliko eta instituzional handiko topaketa izan da, Euskadiren eta Egoitza Santuaren arteko harremana sendotzeko aukera" ematen duela ziurtatu du.
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".
Chivitek bere "zintzotasuna" jarri du "berme" gisa: "Inork ez du nire jardunean deliturik aurkitu, ezta aurkituko ere"
Nafarroako Gobernuko presidenteak agerraldia egin du Nafarroako Parlamentuko ikerketa batzordean, eta azpimarratu du bere gobernuan ez dagoela ustelkeriarik.
Pradalesek aita santua Euskadira gonbidatu du, eta "Gernika" lanarekin eta euskararekin lotutako opariak eman dizkio
Eusko Jaurlaritzak oparien balio sinbolikoa nabarmendu du, memoria historikoa, bakearen defentsa eta kultura- eta hizkuntza-aniztasunaren babesa aldarrikatzen baitute.
Geroa Baik akordioa bultzatu nahi du sozialistekin, itunpeko ikastetxeetako ikasgelak ixtea saihestu eta hezkuntza sistema soseguz berrantolatzeko
Unai Hualde, Geroa Bairen Nafarroako Parlamentuko Presidenteak aitortu du tentsio handia sortu duela PSNren eta Geroa Bairen artean, Hezkuntza kontseilariak ikasgelak ixteari buruz egindako iragarpenak, batez ere ikastolak ahulduko dituelako. Geroa Baik ikasgelarik ez ixteko eta hezkuntza sistema soseguz berrantolatzeko denbora eskatu dio alderdi sozialistari. Bihar bozkatuko dute Foru Gobernuan UPNk itunpeko ikastetxeak blindatzeko aurkeztu duen lege proposamena, eta, hori bozkatu beharrik ez izateko, biharko bozketaren aurretik gobernuko taldeen artean akordioa lortzea nahi du Hualdek.
Albiste izango dira: Pradales lehendakariaren eta Leon XIV.a aita santuaren arteko bilera, Trumpen bidaia Txinara eta "Enarak" dokumentalaren estreinaldia ETB1en eta ETBONen
Orain-ek gaur landuko dituen albiste nagusien laburpena.
Pradales lehendakaria Leon XIV.a aita santuarekin bilduko da gaur, Vatikanoan
Imanol Pradales lehendakariak audientzia orokorrean parte hartuko du, Leon XIV.a aita santuak gonbidatuta. Eusko Jaurlaritzaren arabera, balio handiko bilera izango da, eta Euskadik nazioartean duen presentzia instituzionala indartuko du.
Otxandianok euskararen gaian berdinen arteko negoziazioa egin dadila eskatu du, eta Olanok erantzun du prozesuan ados jar daitezkeela
EH Bilduk Enplegu Publikoaren lege proposamenak parekotasunez negoziatzea eskatu dio EAJri. Jeltzaleek, ordea, edukiei dagokionez elkarrengandik oso urrun ikusten ditu bi proposamenak.
Uxue Barkosek ukatu egin du bere agintaldian ustelkeriarik izan zela, eta zirutatu du ez duela Cerdanekin sekula negoziatu
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko ikerketa batzordean.