Marlaskak ukatu egin du Sarerekin elkarrizketa "klandestinoak" egin izana
Fernando Grande-Marlaska Barne ministroak ukatu egin du Sarerekin elkarrizketa "klandestinoak" egin izana, eta Guardia Zibilaren txostenaren inguruan "gezurrak" zabaltzea egotzi die PPri eta Voxi. Angel Luis Ortiz Espetxe idazkari nagusiarekin hartu-emana jasotzen du txostenak.
7/2014 legearen erreforma bidez presoek askatasuna azkarrago lortzeko egitasmorik ez dagoela nabarmendu du Marlaskak. Barne Ministerioak "ez du ezer ezkutatzeko", espetxe politikan "gardentasun osoz" ari delako hasieratik, gaineratu du.
Espetxeetako ordezkarien elkarrizketak preso kolektibo guztiekin etengabeak direla esan du Grande-Marlaskak Kongresuko kontrolerako saioan, baina horrek ez du legearen aplikazioa baldintzatzen.
Gainera, "Guardia Zibilaren txostenaren zein puntutan edo orrialdetan egiten zaion erreferentzia lege urraketari" esateko eskatu die Espainiako ministroak PPri eta Voxi.
Azken bi egunetan bezala, Guardia Zibilak Auzitegi Nazionalari igorritako txostena izan du hizpide Marlaskak. ETAko preso ohiei egindako harreren inguruko auzian, Joseba Azkarraga Sareko bozeramailearekin, Julen Arzuaga legebiltzarkidearekin eta Angel Luis Ortiz Espetxe idazkari nagusiarekin izandako elkarrizketak eta bilerak jasotzen ditu txostenak.
"Barne ministro honekin espetxe legea betetzen da", adierazi du ministroak. Legea "ez da negoziatu, ez da negoziatzen ari eta ez da negoziatuko", azpimarratu du.
Espetxe politikan "erabateko gardentasuna" dagoela esan du Marlaskak, presoak hurbiltzen direnean biktimen elkarteei jakinarazten diotelako. Gogorarazi duenez, Jose Maria Aznarren gobernuak ETAko 575 preso lekualdatu zituen, erakunde armatua oraindik aktibo zegoenean.
Erakundeekin elkarrizketa "normala" kriminalizatzea arbuiatu du Sarek
Bestalde, Sarek salatu egin du alderdiekin eta erakundeekin elkarrizketa "normala kriminalizatzea", elkarrizkearen helburua "benetako bake eta elkarbizitza lortzea" izan arren.
Dagoeneko "existitzen ez den ETA" batekin "akordioak" bilatzen ari direla zabaldu nahi izatea arbuiatu du sare herritarrak. Presoen eskubideen alde kalean mobilizazioak aktibatzeko lanean "guztiz normalak" diren harremanak eta kudeaketak direla defendatu du Sarek, "aldarrikapenak erakundeei, alderdiei, sindikatuei… helarazteko".
Azkenik, Sarek Joseba Azkarraga Eusko Jaurlaritzako sailburu ohiaren "jazarpena" salatu du; izan ere, haren datu pertsonalak argitaratu dituzte txostenean, tartean telefono mugikorraren zenbakia, eta "mezuen eta deien bidez" mehatxuak eta irainak jasotzen ari dela salatu dute.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.