Sanchez: "Begi bistakoa da Espainiako Gobernuaren komunikazioen segurtasunean hutsegitea egon dela"
Pedro Sanchez Espainiako Gobernuko presidentearen iritzian, "begi bistakoa da Espainiako Gobernuaren komunikazioen segurtasunean hutsegitea egon dela", eta horren aurrean, exekutiboak "legea bete du, delituzko ekintzak justiziaren aurrean salatu eta gardentasunez jokatu du".
Paz Esteban CNIren zuzendariaren kargugabetzeari buruz galdetu dio Cuca Gamarra PPko bozeramaileak, eta ihardestean gogor egin du Sanchezek Alderdi Popularraren kontra. Nabarmendu duenez, "gobernu honek ez ditu diru publikoa, Estatuko segurtasun indarrak eta inteligentzia zerbitzuak delituzko ekintzak estaltzeko eta arerio politikoak legez kanpo jazartzeko".
Sanchezek "ordezkapen" gisa definitu du Estebanen kargugabetzea, eta PPren ustelkeria kasuak gogora ekartzeko baliatu du.
Sanchezek gogorarazi duenez, "ustelkeriagatik zigortutako gobernu bakarra PPrena da" eta deitoratu du Alderdi Popularra gaur-gaurkoz den "zorigaiztoko eskuina". Espainiako gobernuburuaren hitzetan, egungo exekutiboa "ez da perfektua, baina lapurrak ez daude bertan PPren gobernuarekin gertatzen zen bezala".
Bozeramaile "popularra"k galderan salatu duenez, Paz Estebanen kargugabetzeak agerian utzi du "independentistek agintzen" dutela, bazkideek "errudun" bat eskatzen ziotelako eta Sanchez eskaera horren aurrean "esanekoa" izan delako. Gamarraren ustez, Sanchezek "bazekien" inteligentzia zerbitzuak zertan ari ziren "aginduak presidenteak sinatzen dituelako" eta berari ematen dizkiotelako azalpenak.
Edmundo Bal Ciudadanoseko bozeramaileak ere Estebanen kargugabetzeaz galdetu dio Sanchezi, baina bigarren horretan ere PPren ustelkeriak kasuak aipatzeko baliatu du erantzuna presidenteak. Azaldu du Espainiako Gobernuak ez dituela "delituak estaltzen" eta horregatik Auzitegi Nazionalak eskatutako Kitchen auziko informazioa desklasifikatu dute. "Horri esker, Barne ministro ohia auzipetuta dago, baita Segurtasunerako Estatu idazkaria zena ere".
Roblesek "legezko ekintzak" defendatu ditu berriro
Gabriel Rufian ERCren bozeramaileak CNIrekin "harro eta pozik" ote dagoen itaundu dio Margarita Robles Defentsa ministroari, eta berea "patriotismo toxikoa" dela leporatu. Izan ere, horren esanetan, "ez gara patriotagoak gertatutakoa estaltzeagatik". Hala, egungo jarrera "GALi aurre egiten zion epaile aurrerakoia zenekoarekin" aldatu du buruzagi errepublikarrak. Rufianen ustez, Robles da espioitzaren "erantzule nagusia hura egiteagatik edo horri aurre ez-egiteagatik".
Erantzunean, Roblesek azpimarratu du CNIren zuzendariak frogatu zuela egindako espioitzak "legezkoak" eta "arrazoituak" izan zirela sekretu ofizialen batzordean, eta batzorde horretan jasotako dokumentazioa begiratu ote duen galdetu dio Rufiani. "Dokumentazioa begiratu ez baduzu, edo hori egiteko asmorik ez bazenuen, zerbaitengatik izango da", erantsi du.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.