PSOE, PP, C's eta Voxek Diputatuen Kongresuan hizkuntza koofizialetan hitz egin ahal izatea errefusatu dute
PSOE, PP, Vox eta Ciudadanosek Diputatuen Kongresuan eta batzorde parlamentarioetan hizkuntza koofizialetan hitz egin ahal izateko, Ganberako araudia aldatzea errefusatu dute.
Eztabaidan, Valentzia, Galizia, Katalunia eta Euskal Herriko diputatuek hizkuntza propioa erabili dute Kongresuko presidentearen aurrean. Tribunan katalanez, galegoz eta euskaraz hitz egin dute; nahiz eta batzuei minutu batzuk eman, Ganberako presidenteak gehienei hitza kendu die.
Ganberan eta batzorde parlamentarioetan hizkuntza koofizialetan hitz egin ahal izateko, Kongresuko araudia aldatzea proposatu dute ERCk, EAJk eta Talde Anitzak. Ekimena gaur eztabaidatu eta bozkatu dute.
ERCko diputatua gaztelaniaz hasi da hitz egiten. Herrialde berean gaztelania inposatzea eta ama hizkuntzan hitzaldi bat eman ezin izatea anomalia bat dela defendatu du. Berehala, katalanez hasi da berba egiten, "Espainia anitzaren hipokresia" salatzeko, "gaztelania bakarrik existitzen delako".
Alfonso Rodriguez de Celis Kongresuko Mahaiko lehen presidenteordeak diputatuari bi aldiz kargu hartu dio, eta azkenean tribunatik jaitsi da. JxCAT, BNG eta CUPeko diputatuekin gauza bera gertatu da.
PDeCAT, EAJ eta EH Bilduko bozeramaileek, aldiz, argudioak aldi berean itzultzea erabaki dute. Horrela, hizkuntza ofizialak "ikusezinak" izatea eta Kongresuan esaldi laburrak soilik onartzea kritikatu du Mertxe Aizpurua EH Bilduko ordezkariak.
"Espainiako hizkuntzak direla diotenek, baina izateko ezer ere egiten ez dutenak", kritikatu ditu Jose Agirretxea EAJko diputatuak, "gaztelaniaren nagusitasuna" nahi dutelako.
Zure interesekoa izan daiteke
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.