Albiste izango dira: A21eko hauteskundeen ondorengoa, Liburuaren Eguna, eta EAEko Barne Produktu Gordina
Honako gai hauek hartuko dituzte gaur, 2024ko apirilaren 23an, hedabideetako lerroburu nagusiak:
- A21eko hauteskundeen ondorengoa: Eusko Legebiltzarreko hauteskundeen ondotik, gutxienez bi hilabete igaroko dira Eusko Jaurlaritza berria osatu eta lehendakari berria aukeratu arte. EAJk PSE-EErekin duen gobernu akordioa berritzearen alde egin du. Horretarako bi hauteskunde programak uztartu nahi ditu, gobernu programa bakarra osatzeko. Euskal sozialistek nabarmendu dute euren printzipioak eta programa gidari izango dituen gobernu akordio baten alde lan egingo dutela. Bi alderdien artean gehiengoa osoa dute, 75 eserlekutik 39 lortuta.
- Liburuaren Eguna: San Jurgi egunarekin bat eginez, Liburuaren Eguna ospatuko da gaurko egunez, han eta hemen. Bilbon Pedro Ibarretxe kalean jarriko dute liburu azoka, Albia lorategian eta Justizia Auzitegiaren artean, 09:00etatik 21:00etara. Besteak beste, Jon Arretxe, Galder Reguera, Txani Rodriguez, Javier Sagastiberri, Juan Infante, Toti Martinez de Lezea eta Elena Fernandez idazleak sinatzen egongo dira. Donostiari dagokionez, liburu azoka 09:15etik 20:00etara egongo da zabalik, Gipuzkoa plazan.
- EAEko Barne Produktu Gordina: EAEri dagokion urteko lehen hiruhilekoko Barne Produktu Gordinaren datua argitaratuko du Eustat Euskal Estatistika Institutuak. Azken datuen arabera, 2023an % 1,8 igo zen eta 16.000 lanpostu baino gehiago sortu ziren.
Albiste gehiago politika
Semper: "EAJ jabetzen hasi da PSOEk botata utziko duela edozein unetan"
PPko bozeramailearen arabera, "Euskadin etorkizunerako aukera, aritmetikoa, PSE Bildurekin joatea da, EAJren aukera albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.