Frankisten bandoko biktimak Oroibidea datu-basean sartzeko UPN, Vox eta PP taldeen mozioa atzera bota dute
Nafarroako Parlamentuak atzera bota du frankisten bandoko biktimen izen-abizenak Oroibidea datu-basean —1936ko gerrako eta frankismoko errepresioari buruzko Nafarroako Gobernuaren dokumentazio gunea— sartzeko UPNk, PPk eta Voxek aurkeztutako mozioa. Gainerako taldeen kontrako botoekin geratu da bertan behera eskaria.
Mozioaren defentsan Iñaki Iriarte UPNko bozeramaileak azaldu duenez, Oroibideak "sistematikoki baztertzen ditu Errepublikak kontrolatutako lurraldean errepresioa jasan zuten nafar guztiak". UPN errepresaliatuen datu base horrekin bat datorrela azpimarratu du, eta "memoria politika integratzaileagoak" eskatu ditu. "Frankismoa diktadura bat izan zen", aitortu du Iriartek, eta milaka pertsona gerrara joatera behartu zituzten, ideiekin bat egin ala ez.
PPNk eta Voxek ekimena babestu dute. Talde ultraeskuindarretik, Maite Nosti bozeramaileak "errespetua" eskatu du bi aldeetako errepresaliatuentzat, eta 80 urte geroago "gorroto eta errebantxismo hori ahaztu beharko genukeela" gaineratu du.
Gainerakoak, aurka
Gainerako talde parlamentarioek mozioaren aurka bozkatu dute. Bere txandan, Inmaculada Jurio PSNko parlamentariak mozioaren asmoa "duintasunaren aurkako atentatua" dela esan du, eta "biktima bakoitzari beharrezkoa den espazio bereizia" ematearen alde agertu da.
EH Bildutik, Arantxa Izurdiagak zehaztu du Espainiako Gerra Zibilean "garaileak eta garaituak" izan zirela, eta lehenengoek "biktimak omendu" zituztela, monumentuak egin zizkietela eta Eliza Katolikoak horietako batzuk beatifikatu zituela. "Asimetria horrekin amaitzeko politika publikoak egin behar direla uste dugu. Tratamendua oso desberdina izan da, eta horregatik politika publikoekin jarraitu behar da ahanzturan egon diren biktimak aitortzeko".
Bestalde, Mikel Asiain Geroa Baiko bozeramaileak ohartarazi duenez, UPNren mozioak "tranpa du jatorrian, Oroibidea ez den zerbait bezala aurkezten duelako"; izan ere, "ez da Gerra Zibilaren eta Frankismoaren artxibo digitala, matxinatuen biktimen artxibo digitala baizik".
Zurekin Nafarroako Miguel Garridok ere argi eta garbi adierazi du administrazioek legeak egiten dituztela "erreparaziorik jaso ez duten biktimentzat". "Zergatik ez ditugu legeak egiten egunero jasaten dugun kale indarkeriaren biktimentzat? Inork ez duelako justifikatzen. Ez da legerik behar, denok ulertzen baitugu biktimak direla", gehitu du.
Zure interesekoa izan daiteke
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.
Espainiako Gobernuak hesi bat jarri du Ceutan, mugako morruan
Auzitegi Gorenak ebatzi zuen "mugako elementuak" gainditzen dituztenak bakarrik itzul daitezkeela heldu eta berehala. Hesia jarrita baldintza hori bete nahi dute.
Milaka migratzaile Marokora itzuli dira jada, Ceutara masiboki iritsi ondoren
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.