Sanchezek uztailaren 9an agerraldia egitea proposatu du, baina bazkide gehienek lehenago izatea nahi dute
Bestalde, PPk aste honetan bertan izatea nahi du. Espainiako Gobernuak azaldu duenez, uztailaren 9a da Sanchezek libre duen lehen data, dagoeneko nazioarteko hainbat konpromiso dituelako agendan; zehazki, NATOren goi-bilera ekainaren 24an eta 25ean eta Europako Kontseilua 26an eta 27an.
Pedro Sanchez Juntseko ordezkariekin bildu da gaur. Argazkia: EFE
Talde parlamentario sozialistak Pedro Sanchez Espainiako Gobernuko presidenteak uztailaren 9ko osoko bilkuran agerraldia egitea proposatu du Kongresuko Bozeramaileen Batzordean, besteak beste, Koldo auziari buruz hitz egiteko. Hala ere, bazkide parlamentario gehienek lehenago izatea nahi dute. PPk, aldiz, beste bilera bat eskatu du presidentearen agerraldia aste honetan bertan izan dadin.
Parlamentuko iturriek jakitera eman dutenez, Espainiako Gobernuak azaldu du uztailaren 9a dela Sanchezek libre duen lehen data, eta dagoeneko agendan nazioarteko hainbat konpromiso dituela. Agerraldi horretan, presidenteak Koldo auziari buruzko azalpenak emango ditu, baina baita NATOk ekainaren 24an eta 25ean eta Europako Kontseiluak ekainaren 26an eta 27an egindako goi-bilerei buruzkoak ere.
Miguel Tellado PPko bozeramaileak prentsaurrekoan adierazi duenez, bere taldeak aste honetako osoko bilkuraren gai-zerrenda aldatzea proposatu du, Espainiako gobernuburuak agerraldia egin zezan osteguneko saioa amaitu ostean, baina PSOE, EH Bilduren babesarekin, aurka agertu da.
Telladok eskerrak eman dizkie Vox, ERC, Podemos, EAJ eta Juntsi proposamenarekin bat egiteagatik, EH Bilduren jarrera gaitzetsi du eta Sumarren "epelkeria" deitoratu du.
Veronica Barbero Sumarreko bozeramaileak azaldu duenez, Espainiako Gobernuko presidente batek agenda lepo izan dezake, "egun batetik bestera aldaketak egiteko aukerarik ematen ez diona", baina ez luke hiru aste behar "presidenteak berak eskatu duen eta herritarrak zain dauden" agerraldi bat egiteko.
EAJk, bere aldetik, agerraldia "ahalik eta lasterren" egitea nahi du. Jeltzaleek ulertzen dute Sanchezek aste honetan inbestidurako bazkideekin bilera-sorta duela, eta PPk ez duela bere agenda markatu behar, baina ez datoz bat gobernuburuaren azalpen publikoak uztailaren erdialdera ematearekin.
X sare sozialean zabaldutako mezu batean, Gabriel Rufian ERCko bozeramaileak ironiaz esan du Sanchezek ezin duela "berehala" agertu nazioarteko konpromisoengatik, eta Espainiako Gobernuan "nazioarteko agenda hori betetzen jarraitzeko presidente izaten jarraitu behar duela ulertu beharko lukete".
Sanchez Parlamentuaren kontroletik ihes egiten duen "gaizkilea" dela esan du Telladok. Azaldu duenez, Bozeramaileen Batzordearen ezohiko bilera bat eskatu dute, Koldo auziari eta joan den astera arte PSOEko Antolakuntza idazkari izan zen Santos Cerdanen ustezko inplikazioari buruzko osoko bilkura berezi eta monografiko bat behartzen saiatzeko.
Prentsaurrekoan, Patxi Lopez Behe Ganberako bozeramaile sozialistak defendatu du uztailaren 9a dela presidentearen agendan eskuragarri dagoen lehen eguna, datozen asteetan NATOren goi-bilerara, Europako Kontseilura eta ekainaren 30etik uztailaren 3ra Sevillan egingo den Garapenerako Finantziazio Biltzarrera joan behar delako.
Hala ere, Kongresuko gainerako talde parlamentarioek PPk eskatutako ezohiko bozeramaileen batzordean bestelako borondatea adierazten badute, PSOEk haiekin eztabaidatuko duela esan du.
Politikari buruzko albiste gehiago
Lehendakariak baztertu egin du Cerdan auziak EAJ-PSE gobernuari eragitea: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak Cerdan auziak Euskadin izan ditzakeen ondorioez galdetu diotenean.
"Sanchezen aldetik, irmotasun, gardentasun eta azkartasun handiagoa behar da"
Lehendakariaren ustez, Espainiako legegintzaldia "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: "Akordio batzuk zabaldu izana gustatuko litzaidake"
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabaltzea, batez ere aurrekontuen arloan". Gainera, lehendakariak kritikatu du zenbait unetan gobernukideek publikoki erakutsi dituztela desadostasunak. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.
Nafarroako Gobernua akusazio partikular gisa aurkeztuko da ‘Koldo auzian’
Foru Gobernuko iturriek azaldu dutenez, Maria Chivitek dagoeneko iragarri duen ikuskaritza hirukoitzaren baitan hartutako erabakia da, “gardentasuna” bermatzeko neurri gehigarri gisa.
Rufianek, Sanchezi: ''Zin egizu hau ez dela PSOEren 'Gurtel auzia'''
PSOEren 'Gurtel auzia' ez dela ziurtatzeaz gain, Gabriel Rufian ERCren bozeramaileak Sanchezi eskatu dio inplikatutako enpresen aurka egitea eta "ustelkeriatan dabilen oro bizi osorako inhabilitatzea". "Ezkerrak ezin du lapurtu", adierazi du.