Transferentzien Batzordea, azken orduan akordioa lortzeko zain
Transferentzien Batzorde Mistoa bihar da biltzekoa. Aurretik, transferentzien eskualdaketa sinatzeko "beharrezko bermeak" betetzen ote diren aztertuko dute lehendakariak eta sailburuak. EITBk jakin duenez, "akordio batera iristeko etengabeko harremanak" izaten ari dira, eta "aurrerapausoak" eman dira.
EITBk jakin duenez, Imanol Pradales lehendakariak eta Maria Ubarretxena Gobernantza, Administrazio Digital eta Autogobernuko sailburuak datozen orduetan erabakiko dute Eusko Jaurlaritzaren ordezkaritza bihar biltzekoa den Tranferentzien Batzorde Mistora joango den ala ez. Lehendakariak eta sailburuak bilera egingo dute transferentziak "behar bezalako bermeekin" gauzatzeko baldintzak betetzen diren aztertzeko.
Eusko Jaurlaritzako iturriek EITBri baieztatu diotenez, egunotan etengabeko harremanak izaten ari dira bi aldeak, "akordio batera iristen saiatzeko". Helburua "eskualdaketak ostiral honetan sinatzea" da eta "erlojupean" lanean ari dira "proposamenak trukatzen". Horrez gainera, elkarren jarrerak gerturatzea lortu dutela aitortu dute.
Pradalesek eta Ubarretxenak izango duten batzarrera "akordioaren zirriborro" batekin iristea espero dute, erabaki bat hartu ahal izateko.
Hasiera batean, bi aldeek abenduaren 29rako ezarri zuten Batzorde Mistoa biltzeko data, baina atzeratu egin behar izan zuten, uztailean lortutako akordio politikoak "osorik eta leialki gauzatuko zirela ziurtatzeko bermerik ez zegoelako". Desadostasun nagusiak Gizarte Segurantzaren alorrean zeuden.
Azken aste honetan zehar, hitzartutako bost transferentziak gauzatzeko zailtasunei buruz ohartarazi dute Eusko Jaurlaritzako EAJren sailburuek. Horrela, Ubarretxena sailburuak berak Batzordea Mistoaren bilera "kolokan" zegoela ohartarazi zuen, eta Ibone Bengoetxea lehendakariordeak egoera "kezkagarritzat" jo zuen.
Egoera horretan, asteazken honetan Aitor Estebanek ohartarazi duenez, EAJren "jarrera aldatu" egingo da, Sanchezek "sinatuta eta adostuta dagoena" betetzen ez badu.
Hala ere, bigarren lehendakariorde eta Ekonomia, Lan eta Enplegu sailburu Mikel Torres sozialistak uste du akordioa gaur bertan itxi ahal izango dela, arratsaldeko azken orduan, eta ostiralean batzarra egiteko moduan izango direla. Bere ustez, Sanchezen eta EAJren arteko harremana ona da oraindik.
Zure interesekoa izan daiteke
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.
David Sanchezek ukatu egin du kontratazioetan eragin izana: "Ez daukat horretarako ahalmenik"
Badajozko Lurralde Auzitegian egiten ari diren epaiketan, David Sanchezek, Pedro Sanchez Espainiako Gobernuko presidentearen anaiak, ukatu egin du kontratazioetan eragin izana; ez Badajozko kontserbatorioko koordinatzaile gisa berak lortu zuen lanpostuan, ezta Luis Carrero lagunari esleitu ziotenean ere. "Ez dut horretarako ahalmenik, ezta informazio administratiborik ere", esan du.
Estebanek eta Anduezak bien arteko desadostasunen kontua arindu eta Jaurlaritzaren batasuna goraipatu dute
Desadostasunak gorabehera, EAEko erakunde nagusietan koalizioa osatzen duten bi alderdietako buruzagiek azpimarratu dute bat eginda lan egiten dutela "herria aurrera ateratzeko".
UCOk Tubos Reunidosen Bilboko egoitza miatu du
Erregistroa hamar orduz luzatu da. Leire auziaren sekretupeko pieza baten barruko jarduketa bat da, eta Santiago Pedraz Auzitegi Nazionaleko epailearen aginduz egin dute.
UCOk PSOE seinalatu du Leire Diezen sarearen ordainketa guztien "jatorri" gisa
Atestatuan, Guardia Zibilaren Unitate Zentral Operatiboko agenteek ustezko ordainketetako batzuk xehatu eta hainbat adibide jarri dituzte.
2027ko aurrekontuak aurkezteko izapideak abiatu ditu Espainiako Gobernuak
Elkarrizketarako "eskuzabaltasuna, erantzukizuna eta konpromisoa" eskatu dizkie Espainiako gobernuburuak Kongresuko taldeei, eta bereziki zuzendu zaie Euskal Herriko eta Kataluniako alderdi independentistei eta nazionalistei.