Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Alberto Nuñez Feijoo, PPko burua, gaur Kongresuan. Argazkia: EFE
Tentsioa maila gorenean egon da gaur ere Diputatuen Kongresuan. Pedro Sanchez Espainiako Gobernuko presidenteak agerraldia egin du Behe Ganberan, bere gertukoei eta PSOE alderdiari eragiten dioten auzi judizialen inguruan hitz egiteko. Urtea hasi zenetik, bigarren aldiz eman ditu azalpenak, ustelkeria politikoarekin lotutako kasuei buruzko saio monografikoan.
Sanchezen agerraldiaren ondoren, gainerako talde politikoetako eledunek hartu dute hitza banan-banan, eta aurreikusi zitekeen bezala, Alberto Nuñez Feijoo PPko buruaren txanda iritsi denean giroa erabat gaiztotu da.
Feijook gogor hitz egin du Sanchezen aurka, eta "antolatutako ustelkeria sistema" baten buru izatea egotzi dio. "Zu zara ustelen arteko lotura politikoa (..) Zu zara ustelkeria", esan dio.
Legealdia "ahituta" ikusten du buruzagi popularrak eta, haren hitzetan, egungo giro politikoa "normaltasun demokratikoarekin bateraezina" da. Horregatik, hauteskundeak berehala deitzeko eskatu du.
EH Bildu
Bere aldetik, Mertxe Aizpurua EH Bilduko eledunak garbi esan du bere koalizioak ez duela inolaz ere hauteskundeak aurreratzea erraztuko. PPri eta Voxi ez diotela "alfonbra gorria" jarriko azaldu du.
Hori esan ondotik, Sanchezi eskatu dio "paralisi egoera" atzean utzi eta PPk eta Voxek "antolatutako ofentsiba politiko, judizial eta mediatikoari aurre" egiteko.
Halaber, adierazi du orain Gobernuaren kontra ari den "sistema hori" bere garaian PSOEk eraikitakoa dela. "Sozialistek hamarkada askotan eraikitako arkitektura politikoa da", esan du.
Aizpuruaren arabera, ezker abertzaleak aspaldi utzi zion "kasualitateetan sinesteari", tartean polizia indarrak eta epaile espainiarrak daudenean.
EAJ
Bestalde, Maribel Vaquero EAJren Kongresuko bozeramaileak PPri egotzi dio jeltzaleekin "obsesioa" izatea, besteak beste, Tubos Reunidos enpresak jasotako laguntzen harira zabaldutako informazioak aipatuta. "Inor ez bada zuengana hurbiltzen, zuek zarete gogoeta egin behar duzuenak, eta ez gu", esan du.
EAJri azalpenak eskatzen ari direnei Vaquerok azaldu die bere alderdiak "Euskadiren alde lan" egiten duela, "industriaren eta enpleguaren iraunkortasunaren alde".
Zure interesekoa izan daiteke
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, legearen aplikazioari eta eraginkortasunari jarraipen bateratua egitea ere adostu dute bi taldeek.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.