Eguneko Titularrak
2025/06/09 - 09:01
Sindikatuek elkarretaratzeak egingo dituzte, Osakidetzako hautaketa-prozesuetako "kaosa" salatzeko
Mobilizazioak 11:00etan izango dira ospitaleetan, eta 13:00etan Lehen Mailako Arreta ematen duten zentroetan.
2025/06/08 - 23:27
"Torturapean egindako autoinkulpazioetan" oinarritutako zigorrak berrikusteko eskatu du Pernando Barrenak
EH Bilduren eurodiputatuak ontzat jo du torturatutakoek —Pernandok berak, tartean—pairatutakoa aitortzeko Nafarroako Gobernuak zabaldutako bidea, eta torturapean egindako autoinkulpazioetan oinarritutako epaiak berrikusi behar direla azpimarratu du.
2025/06/08 - 22:02
GHFk janaria banatzeko sistema berriak probatuko ditu, azken egunetan 126 hildako izan ondoren
Palestinako miliziek "tranpa mortaltzat" jo dute egungo sistema; Israelek, berriz, azpimarratu du Hamasek laguntza humanitarioa jasotzea saihesteko modu bakarra dela.
2025/06/08 - 22:02
Gizon bat atxilotu dute Beasainen, emakume bati sexu-erasoa egitea leporatuta
Erasoa goizaldean gertatu da. Tabernak dauden zonalde batetik gertu lagun batekin hitz egiten ari zela, atzetik joan zaio gizona, eta sexu-erasoa egin dio. Goierriko Itaiak deituta, dozenaka lagun elkartu dira Beasainen erasoa salatzeko.
2025/06/08 - 21:45
Pedro Sanchezen kontrako pintaketak egin dituzte Lasarteko PSE-EEren egoitzan
Kanpoaldeko pertsianan, Pedro Sanchezen aurpegia marraztu dute, eta "korruptoak", "traidoreak" eta "txakurrak" idatzi. PSE-EEk "onartezina" eta "elkarbizitzaren kontrako erasoa" dela adierazi du, eta "intolerantziarekin" eta "gorrotoarekin" lotu du.
2025/06/08 - 21:10
Diaz Ayusoren ustez, diktadurak ''pixkanaka'' sartzearen adibide da EHUk gaztelaniazko siglak kendu izana
Isabel Diaz Ayuso Madrilgo PPko eta Madrilgo Erkidegoko presidenteak ohartarazi duenez, "diktadurak poliki-poliki sartzen dira, pixkanaka, itxuraz kalterik eragin gabe", eta horren adibide gisa jarri du, besteak beste, EHUk izen ofizialetik gaztelaniazko siglak kendu izana.
2025/06/08 - 21:08
Guardia Nazionala Los Angelesen da jada immigrazio sarekada jendetsuaren aurkako protestak baretzeko
AEBko Guardia Nazionala Los Angeles hirira iristen hasi da igandean, Donald Trump presidenteak agindutako immigrazio sarekada masiboen aurkako protestak baretzeko.
2025/06/08 - 20:57
Israelgo Defentsa ministroak, Greta Thunbergi: "Buelta eman ezazue, ez zarete-eta Gazara iritsiko"
Askatasunaren Ontzidia Gazako kostaldera irits ez dadin "beharrezko neurri guztiak" hartzeko agindu dio Katzek Armadari. "Israelgo Estatuak ez dio inori Gazako itsas blokeoa urratzen utziko", ohartarazi du. "Israelek eraso egiten badigu, beste gerra krimen bat izango da", diote ekintzaileek.
2025/06/08 - 19:31
Egoera "oso larrian" jarraitzen du Miguel Uribe Kolonbiako presidentegaiak
Ospitaleko arduradunek aditzera eman dutenez, senataria zainketa intentsiboetara eraman dute, eta oraindik ez dago pronostiko zehatzik. Bien bitartean, Uriberen aldeko kontzentrazioak egiten jarraitzen dute jarraitzaileek ospitalearen sarreran.
2025/06/08 - 19:22
Eskola Txikien handitasuna jai-giroz aldarrikatu dute gaur Ezkio-Itsason
Gipuzkoako Eskola Txikien festa ederraz gozatu dute bertaratu diren ehunka lagunek. Han izan da Begoña Pedrosa Hezkuntza sailburua ere, eta 60 milioiko inbertsioa iragarri du eskola txikien azpiegituretarako. Zizurkilgo eskolak jaso du datorren urtean jaia antolatzeko lekukoa.
2025/06/08 - 17:14
Deiadar Mendien Egunaren XX. edizioa ospatu dute Oizen
Bizkaiko bost menditatik (Oiz, Gorbeia, Kolitza, Ganekogorta eta Sollube) Batzar Nagusirako egin ohi zuten deia gogoratzeko, adarren soinua izan da entzungai berriro gaur. Tradizio honek XIV. mendean du jatorria.
2025/06/08 - 16:33
Oscar Lopez: ''Feijooren urduritasuna ulertzen dut, VOXek eta Ayusok jan egiten dute''
Oscar Lopez Tranformazio Digitalerako eta Funtzio Publikorako ministroak ironiaz erantzun die Ayuso eta Feijooren adierazpen polemikoei.
2025/06/08 - 16:02
Gipuzkoako eskola txikien jaia ospatu dute Ezkio-Itsason
Eskolek herri eta auzo txikietan duten garrantzia erdigunean jarri nahi izan du jaiak. Aurtengoa 36. edizioa izan da, eta giro bikaina izan dute Ezkio-Itsason.
2025/06/08 - 16:00
Raul Incertis, Gazan diharduen anestesista: ''Mutilazioak ikusten ditugu jaioberrietan eta nerabeetan''
Mediku valentziar hau Khan Yunis hiriko Nasser ospitalean ari da lanean. Hunkituta eta etsita salatu duenez, "munduko zauritu kopururik handiena dute orain Gazako ospitaleek".
2025/06/08 - 16:00
Arabako ijitoen komunitateak eraikitako Melledes kontzejuak 25 urte bete ditu
Urte luzez, baldintza kaxkarretan bizi izan ziren ijitoak Gasteizen: lehenik txaboletan, ondoren barrakoi itxurako etxebizitzetan. Azkenean, baina, utzita zegoen Melledes kontzejua hartu, eta guztiz eraberritu zuten.
2025/06/08 - 15:55
Pernando Barrena: ''Torturaren fenomenoak aitortza instituzionala izateak garrantzi handia du''
Pernando Barrena EH Bilduko eurodiputatuak ontzat jo du Nafarroako Gobernuak torturatutako pertsonak (Barrena bera, tartean) aitortzeko zabaldutako bideari, eta torturapean jasotako autoinkulpazioetan oinarritutako epaiak berrikusi behar direla azpimarratu du.
2025/06/08 - 14:51
Feijook demokraziaren aurrean "errenditzeko" eskatu dio Sanchezi, eta hura ordezkatzeko prest agertu da
Milaka lagun bildu ditu PPk Madrilen, "Mafia ala demokrazia" lelopean Sanchezen gobernuaren aurka egin duen mobilizazioan.
2025/06/08 - 14:31
Hiru pertsona ikertzen ari dira Arabako Errioxan adingabe bati egindako sexu-erasoagatik
Horietako bi adingabeak dira, eta jada deklaratu dute epailearen aurrean. Hirugarrena, gaztea hori ere, ez dakite non dagoen.
2025/06/08 - 13:52
Israelek Asad Abu Sharia hil du, Palestinako Mujahidinen Mugimenduko buruzagia
Israelek urriaren 7ko "sarraskiaren buruetako bat" izatea egozten dio, eta Shiri, Ariel eta Kfir Bibas familiaren bahiketan eta hilketan zuzenean parte hartu izana. Bitartean, janari-banaketek aktibo jarraitzen dute, nahiz eta batzuetan istiluak eta hildakoak ere sortu.
2025/06/08 - 13:32
Uda giroa bueltan da, 30 ºC-tik gorako tenperaturekin
Asteartea asteko egunik beroena izango da, batez ere barnealdean. Hala ere, asteazkenetik aurrera aldaketa egongo da, tenperaturak behera egingo baitu. Horrela, aste bukaera epela izango dugu.