Eguneko Titularrak
2025/06/03 - 20:17
Egoera terminalean zegoen haur bati lanalditik kanpo lagundu zion medikuari babesa adierazi dio Monica Garciak
"Edozein profesionalek pazienteei azken unera arte laguntzen die, ahal duen guztia egiten du eta beharrezko baliabide guztiak jartzen ditu", adierazi du Monica Garciak, Espainiako Gobernuko Osasun ministroak.
2025/06/03 - 19:59
Krimeako zubian lehergailuz egindako erasoa aldarrikatu du Ukrainak
Ukrainako Segurtasun Zerbitzuak (SBU) astearte honetan ziurtatu duenez, Krimeako penintsula eta Errusia kontinentala lotzen dituen Kerch zubiaren zimenduak kaltetu ditu operazio berezi batean. Ur azpian jarritako 1.100 kilo lehergai leherrarazi ditu.
2025/06/03 - 19:55
Osasun Itunak akordioa lortu du 24 ildo estrategikoetako 22tan, eta "azken fasean" sartu da jada
Alberto Martinez sailburuak "historiko"tzat jo du akordioa. Sailburua Itunaren Mahaiaren bederatzigarren bileraren buru izan da gaur, Gasteizko Europa Jauregian. Bilera horretan, zortzi dokumentu berri onartu dira.
2025/06/03 - 19:47
''24/7 laguntza-egitura bat egongo da kasu konplexuetan''
Osakidetzak zainketa aringarrietako pediatriako kasu konplexuak egituratuko ditu, "osasun-langile bat haur baten etxera joaten denean, zergatik doan jasota eta erregistratuta gera dadin" eta "dagozkion ordainsari ekonomikoak edo librantzak izan ditzan", sailburuak adierazi duenez.
2025/06/03 - 19:22
Espainiako Poliziak bi pertsona atxilotu ditu Bilbon eta Basaurin, jihadismoaren aurkako operazio batean
Era berean, bi miaketa egin dituzte jihadismoaren aurkako ikerketa horrekin lotuta. Atxilotuak Madrilera bidean dira, Auzitegi Nazionalaren esku uzteko. Ikerketa sumario-sekretupean dago.
2025/06/03 - 19:19
Trebiñu Araban sartzea bultzatuko duen mahaia eratu dute hiru talde politikotako zinegotziek
EAJ-PNV, EH Bildu eta Trebiñuko Agrupación Independiente taldeetako kideak arituko dira ekimen honetan, baina beste alderdiei gonbidapena luzatu diete "egoera politiko eta administratibo zaharkitu" horrekin amaitzeko. Erakunde guztiekin hitz egin eta herritarren parte-hartzea bultzatu nahi dute.
2025/06/03 - 18:49
''Etikoki beti iruditu zaigu ezin genituela haurrak eta eskatzen zuten familiak arreta hori eman gabe utzi''
Jesus Sanchez Pediatriako Zainketa Aringarrien buruak adierazi duenez, bai Ospitaleak bai Osasun Sailak bazekiten lan-ordutegietatik kanpo zerbitzua ematen zutela. "Taldeek beti erabaki dute erantzukizunak beren gain hartzea", gaineratu du.
2025/06/03 - 18:29
Gizon bat hil eta beste bat oso larri zauritu da San Adrianen, ibilgailua errepidetik aterata
Ezbeharra bart gertatu da, NA-134 errepidean, 21:33 aldera. Ibilgailua errepidetik irten eta hormigoizko areka batekin talka egin zuen. Hildakoa 50 urteko gizonezko bat da, eta 33 urteko beste bat Nafarroako Unibertsitatea Ospitalera eraman dute anbulantzian, oso larri.
2025/06/03 - 16:32
Euskadik KAIA ekimena jarri du martxan, 27,5 milioi eurorekin, klima-aldaketari aurre egiteko
Eusko Jaurlaritzak bost proiektu pilotu garatuko ditu Zarautzen, Bakion, Gasteizen, Bilbon eta Txingudin, egokitzapen klimatikoa helburu hartuta. Europar Batasunak Euskadi eredugarritzat jo du arlo horretan.
2025/06/03 - 16:24
Osakidetzak 24 ordura luzatuko ditu etxeko zainketa aringarri pediatrikoak
Protokolo berriaren helburua da lan ordutegitik kanpoko arreta espezializatua aitortu eta arautzea, langileek bidezko ordainsariak jasotzea eta gaixoentzako asistentzia jarraitua eta antolatua bermatzea.
2025/06/03 - 16:10
Mitxel Lakuntza ELAko idazkari nagusi aukeratu dute berriro
Halaber, ELA sindikatuak datozen lau urteetarako lan ildoak ezartzen dituen ponentzia onartu du, eta helburu gisa jarri ditu sindikalismo feministarantz bidea egitea eta bere jarduna esparru sozial eta politikoetara zabaltzea.
2025/06/03 - 15:49
Gure Eskuk larunbaterako deitu duen mobilizazioan parte hartzeko deia luzatu du EH Bilduk
'Herri libre bat. Euskal Herriak erabaki' lelopean datorren larunbatean Bilboko kaleetan egingo den mobilizazio nazionalera joateko deia egin die EH Bilduk euskal herritarrei.
2025/06/03 - 15:44
''Maitaro'', ikasleek ospitaleratze luzeko pazienteei konpainia egiteko programa
Susana-Cristina binomioa 2024aren amaieran Donostia Ospitalean abian jarritako programa honen barruan sortutako bikoteetako bat da. Susanak hiru hilabete daramatza ospitalean, eta Cristina Lanbide Heziketako ikaslea da. Programa erakargarria da, eta lehen minututik konektatu dute elkarrekin.
2025/06/03 - 15:40
Mitxel Lakuntza ELAko idazkari nagusi aukeratu dute berriro, % 90,37ren babesarekin
Halaber, ELA sindikatuak datozen lau urteetarako lan ildoak ezarriko dituen ponentzia onartu du, eta helburu gisa jarri ditu sindikalismo feministarantz bidea egitea eta bere jarduna esparru sozial eta politikoetara zabaltzea.
2025/06/03 - 15:05
Araba Euskaraz jairako antolakuntzan gorabeherak eragin ditzake Gasteizko lorezainen grebak
Gasteizko lorezainen grebak ekainaren 15ean ospatzeko den ikastolen aldeko Arabako jaian eragina izan dezake antolatzaileek adierazi dutenez, baina "jaia ospatu ospatuko dela" argi utzi dute.
2025/06/03 - 14:44
Alberto Martinez: 'Osasun Ituna ekainean errealitate bihurtzeko itxaropentsu gaude'
Alberto Martinez Osasun sailburuak berretsi du ziur dagoela Osasun Ituna akordioarekin itxi daitekeela hilabete hau amaitu baino lehen, baita desadostasun handieneko gai baten inguruan ere, hala nola lankidetza publiko-pribatua osasun sistema publikoan.
2025/06/03 - 14:31
EAJk eta PSE-EEk etxebizitza-eraikuntza bizkortzeko lege-proposamena erregistratu dute
Zehazki, sei lege aldatuko dira eskaintza zabaltzeko, lurzoruak mobilizatzeko, prozedura-kopurua murrizteko eta izapideak bizkortzeko. Aitor Esteban (EAJ) eta Eneko Andueza (PSE-EE) Eusko Jaurlaritza osatzen duten bi alderdien buruzagien arabera, "laster ikusiko dira" neurrien ondorioak.
2025/06/03 - 13:29
Prezipitazio handiak aurreikusi dira Araban eta Nafarroan datozen orduetarako
Ordubetean 15 milimetroko prezipitazioak eta ekaitzak izan daitezkeela ohartarazi dute, eta txingorra eta haize-bolada bortitzak edo oso bortitzak izan daitezkeela.
2025/06/03 - 13:27
Wildersen eskuin muturrak Herbehereetako koalizio Gobernua utzi du
PVV alderdiak eta eskuineko beste hiru alderdik koalizio Gobernua osatu dute pasa den udatik, baina PVVk gobernua uztea erabaki du, asilo politiken inguruko ikuspegi-aldeak direla eta. Dick Schoof Herbehereetako lehen ministroak dimisioa aurkeztu du, eta PVVren erabakia "arduragabetzat" jo du.
2025/06/03 - 12:58
Jaurlaritzak Añanako gatzagan egin du Gobernu Kontseilua
Izan ere, Ingurumenaren Mundu Eguna dela eta, bertan egin dute Gobernu Kontseilua Imanol Pradales lehendakariak eta sailburuek. Ondoren, Maria Ubarretxena Eusko Jaurlaritzaren bozeramailea eta Mikel Jauregi Industria sailburua hedabideen aurrean agertuko dira.