Eusko Jaurlaritza

Eskabideak aurkezteko epea 2026ko azaroaren 10eko 14:00ak arte egongo da zabalik. euskadi.eus atarian eman behar da izena.

Urteko hirugarren hiruhilekoan izandako igoera eraikuntzaren eta zerbitzuen bilakaera positiboan oinarritu da, Eustat Euskal Estatistika Institutuaren arabera. 

Ildo horretatik, Cebeken iritzia errespetatzen duela adierazi du Eusko Jaurlaritzak, baina uste du "egokiena" Espainiar Estatuan ezartzen den soldata-igoerari buruzko oinarrizko araudia betetzea dela.

Finantzen Euskal Kontseiluak baieztatu du zerga bidezko diru bilketa aurreikusi baino % 1,1 handiagoa izango dela aurten. 2027ari begira, 22.681 milioi euro biltzea aurreikusi dute. 

Udalerriak bi lege-irizpide betetzen ditu bizitegi-merkatu tentsionatu izendatzeko, eta horri esker alokairuen prezioen gainean mugak aplikatu ahal izango dira. Los Ochos eraikinetako familiak esperantzaz daude prozesuari dagokionez; izan ere, etxearen jabea den funtsak etxebizitzak erostea ala kontratuak amaitzen direnean bertan behera uztea eskaini die.

Imanol Pradales lehendakariak adierazi du "erabat errespetatzen" duela EAJren barne prozesua eta gogorarazi du Ibone Bengoetxea lehen lehendakariorde eta Kultura eta Hizkuntza Politikako sailburuak "Eusko Jaurlaritzaren parte izaten jarraitzen duela". Gainera, eskerrak eman dizkio Javier Hurtado Turismo sailburuari azken bi urteetan egindako lanagatik. 

Eusko Jaurlaritzaren bozeramaile eta Gobernantzako, Administrazio Digitaleko eta Autogobernuko sailburuak esan du "azken urteetako esperientzia" kontuan hartuta, "ahots propioa" edukitzea funtsezkoa dela.

EITBk kontsultatutako iturrien arabera, eta baieztapen ofiziala faltan, PSE-EEko presidentea izango da Turismo sailburua, Hurtadok Gobernua utzi beharko baitu hauteskunde orokorretara aurkezteko.

Orain arte biktimen elkarteek egin duten lana Jaurlaritzak zuzenean egingo du aurrerantzean. Covitek eta AVTk gogor kritikatu dute erabakia.

Eusko Jaurlaritzako Turismo, Merkataritza eta Kontsumo sailburuak kargua utzi egin beharko du hauteskunde orokorretan diputatu hautatzen badute, bi karguak bateraezinak baitira.

PPren kritiken aurrean, Euskadin Arma Zurien Erabilera Prebenitzeko Ekintza Plana defendatu du Zupiria sailburuak Eusko Legebiltzarrean. Hala ere, "beharrezkoa bada" berrikusteko prest agertu da.

Transferentziak bideratzeko orduan etxebizitza-krisia arintzeko onartutako dekretuekin izandako "azkartasun eta ausardia" bera izateko eskatu dio lehendakariak Espainiako Gobernuari. Pradales EH Bilduri ere zuzendu zaio, eta "Estatutua betetzea eskatzeko" exijitu dio, "Espainiako Gobernuaren erabakiak babesten dituen gogo berarekin".

Nerea Melgosa Ongizate, Gazteria eta Erronka Demografikoko sailburuak Radio Euskadin egindako elkarrizketa batean adierazi duenaren arabera, "garrantzitsua da politika publikoak egitea pertsonen arazoak konpontzeko, ez sortzeko, ezta egurtzeko ere". Era berean, kezkatuta agertu da migratzaileen ezohiko erregularizazio prozesuan dabiltzanek urtebete dutelako lana aurkitzeko. 

Bingen Zupiria Eusko Jaurlaritzaren Segurtasun sailburuak uste du ona dela erakundeak kritikatzea, erakundeen jokabidea kritikatzea, baina "oso arriskutsua" dela erakundeen zilegitasuna auzitan jartzea. PPk posta bidezko botoen inguruan zabaldu dituen zalantzen harian mintzatu da sailburua.

Erakunde eta alderdi politikoetako ordezkariak, eragile sozial, kultural eta akademikoetakoak eta Imanol Pradales lehendakaria izan dira Gernikan, Jose Antonio Agirreren gobernuaren 90. urtemuga omentzeko. Pradalesekin batera, Ibarretxe, Urkullu eta Lopez eta Jesus Maria de Leizaola, Carlos Garaikoetxea eta Jose Antonio Ardanza lehendakarien senideak izan dira omenaldian.

Garai hartako gobernua gogoan, azpimarratu du "askatasuna, demokrazia eta justizia soziala" zituela oinarri, eta bere ekintza politikoa "irakaspen" garrantzitsua izan zela Euskadirentzat: "Euskal gizartea ez da inposaketatik eraikitzen, ezberdinen arteko etengabeko elkarrizketatik baino".

1936ko urriaren 7an sortu zen lehen Eusko Jaurlaritza, Jose Antonio Agirre lehendakaria buru. 90 urteren buruan, urteurrena ospatzeko ekitaldi nagusia egingo dute Gernika Batzar-etxean, eta Imanol Pradales lehendakaria buru izango da. Lehen gobernu hura eta haren ondorengoen aldeko omenaldia izango da, eta 1936tik gaurdainoko haria ez dela eten plazaratzeko. 

Gaurkoan Orain-en albiste izango direnen laburpena, bi hitzetan.

"Jakina, epeek baldintzatzen dute transferentzien eskualdaketa. Gure aldetik gogor lan egin dugu, eta legegintzaldi honetan 14 transferentzia lortu ditugula nabarmendu behar dugu. Akordiorik gabe geratu diren gainerako bost eskumenen kasuan, denborak agintzen du, horixe da agertokia", adierazi du Jaurlaritzaren bozeramaileak.

AZET Bilboko etxebizitza sindikatuak salatu duenaren arabera, bertan 10 urte bizitzen daramatzan baliabide gutxiko emakume bat etxegabetu dute. Sindikatuaren arabera, Alokabideri ordaindu ezin diolako kaleratu dute, eta ez diote bizitoki-aukerarik eskaini. Jaurlaritzak dio pilatutako zorra oso handia dela, eta, negoziatzen ibili arren, ez duela ordaintzeko gaitasun faltarik frogatu.