Gazako Zerrenda
2025/04/01 - 21:48
Hauxe dakigu Rafahko hobi komunean aurkitutako 15 paramedikuei buruz
Martxoaren 23an Palestinako Ilargi Gorriak eta Gazako Defentsa Zibilak 16 paramediku eta erreskatatzailerekin kontaktua galdu zuten Rafahn misio batera zihoazenean, eta horietako 15 hobi komunetik atera dituzte azken egunetan.
2025/04/01 - 00:15
Milaka palestinar behartu ditu Israelek Rafahetik beste behin ihes egitera
40.000 gazatar inguruk Rafah eremutik alde egin behar izan dute gaur, Gazako hegoaldean, Israelgo Armadak hiria eta inguruko eremuak bonbardatu baino lehen lekualdatzeko agindu berriak eman ostean.
2025/03/31 - 23:41
15 kooperanteren gorpuak aurkitu dituzte Gazan, hobi komun batean, Israelek eraso egin ostean
Gurutze Gorriaren eta Ilargierdi Gorriaren Nazioarteko Federazioak eta NBEk salatu dute Israelen eraso batean zauritutakoak artatzera joan zirela eta haiei ere eraso egin zietela. "Langile humanitarioek eta medikuek ez dute inoiz helburu izan behar", aldarrikatu dute.
2025/03/29 - 20:05
Apirilaren 8an udaletxe atarietako bilkuretan parte hartzeko deia egin die Gernika-Palestinak herritarrei
Alderdi, sindikatu eta mugimendu sozialek adierazpen bat sinatu dute, nazioarteari Israelekin harreman komertzialak eta militarrak eteteko eskatuz, bakea lortzeko.
2025/03/25 - 17:41
62 pertsona hil eta dozenaka lagun zauritu dira Israelen bonbardaketen ondorioz
NBEk ohartarazi du ez dagoela leku segururik Gazan babesteko, eta, horregatik, iragarri du zerrendan dituen langileen herena erretiratuko duela.
2025/03/25 - 10:17
'No Other Land' dokumentalaren zuzendarietako bat atxilotu dute Zisjordanian, kolonoek jipoia eman ondoren
'No Other Land' zintan Masafer Yatta eskualdearen okupazioa eta Israel bertan egiten ari den txikizioa erakusten dira. Urtarrilean, dokumental onenaren Oscar saria jaso zuen lanak.
2025/03/25 - 09:45
Hamdan Ballal 'No other land' dokumentalaren zuzendarietako bat atxilotu dute, kolonoek jipoitu ostean
Ballal buruan eta sabelean zaurituta dago, eta ospitalera eramaten ari ziren anbulantzian atxilotu dute soldadu israeldarrek.
2025/03/24 - 15:29
Gazan su-etena berrezartzeko proposamena aurkeztu du Egiptok
Hamasi bahituen egoerari buruzko informazio xehea ematea eskatzen zaio proposamenean, eta trukean, Israelgo Armadako soldaduak Gazako Zerrendatik alde egiten hasiko dira.
2025/03/23 - 21:19
Gazatik alde egin nahi duten palestinarren irteera kudeatzeko agentzia bat sortzea onartu du Israelek
Bestalde, EBren Atzerri Politikako goi ordezkari Kaja Kallasek Israel eta Palestina bisitatuko ditu bihartik aurrera, eta bi herrialde horietako buruekin bilduko da Gazako sarraskiaz hitz egiteko eta su-etenaren nahiz laguntza humanitarioaren beharra azpimarratzeko.
2025/03/23 - 11:55
Gutxienez 35 pertsona hil ditu Israelek bart Gazako hegoaldean egindako erasoetan
Igande honetan, Al-Mawasiko eremu humanitariora joateko agindu die Israelek Rafahko gazatarrei. Kanpalekua, baina, gainezka dago, urik eta argindarrik gabe.
2025/03/23 - 09:29
Salah al-Bardaweel Hamaseko buruzagi politikoa hil da Israelek Gazan egindako aire-eraso batean
Erasoa Al-Mawasiko eremu humanitarioan gertatu da, Gazako Zerrendaren hegoaldean. Buruzagia bere kanpin-dendan zegoen erasoa hasi denean.
2025/03/22 - 22:04
Palestinari babes olatua Donostian, "haritzaren herritik olibondoaren herrira"
Milaka lagun bildu dira Gernika-Palestina herri ekimenak deitu duen martxan, 'Genozidioa stop. Israel, ¡alto el fuego ya!' lelopean eta hainbat alderdi, sindikatu eta erakunde sozialek bat egin dute, baita hainbat pertsona ezagunek ere, batez ere euskal kulturaren arlokoak.
2025/03/22 - 21:44
Gutxienez sei hildako eta dozenaka zauritu Israelek Libano hegoaldean egindako erasoetan
Israelek hamabost bat eraso egin ditu Libano hegoaldeko herrixken aurka, handik Israelgo iparraldera hiru suziri jaurti ostean. Hezbollahk ukatu egin du jaurtiketa horietan parte hartu izana, eta FINULek lasaitasunari eusteko deia egin du.
2025/03/21 - 12:11
Israelek Armadari agindu dio Gazako erasoak eremu gehiagotara zabaltzeko eta leku horiek bereganatzeko
"Hamasek ez baditu bahituak askatzen, Israelgo Defentsa Indarrei aginduko diet Gazako erasoak leku gehiagotara zabaltzeko. Horretarako, gazatarrek beren bizilekuak utzi beharko dituzte, eta segurtasun eremuak ere zabaldu beharko dira, soldadu israeldarrak babeste aldera", esan du ohar batean.
2025/03/20 - 17:50
'Gernika-Palestina' ekimenak Palestinako sarraskia arbuiatzeko deia egin du
Herri-ekimenak larunbatean 17:30ean hasiko den manifestazio nazionalean parte hartzeko deia egin du, Israel egiten ari den genozidioarekin amaitu eta nazioarteko komunitateari eskatzeko "bide guztiak" erabili ditzala hura su-etenera itzultzera behartzeko.
2025/03/20 - 17:33
Israelek lurreko erasoa zabaldu du Gazako Zerrendan, eta 500 hildako baino gehiago utzi ditu hiru egunean
Gazako Gobernuak adierazi duenez, orain arte 591 hildako eta 1.042 zauritu baieztatu dira, eta horietatik % 70 inguru emakumeak, haurrak eta adinekoak dira.
2025/03/20 - 10:17
Israelek 70 palestinar inguru hil ditu Gazan egin dituen erasoetan
"Biktimak erreskatatzeko zerbitzua eteteko aukera dago, mugak itxita badaude", salatu dute Gazako agintariek. Era berean, gaineratu dute Gazako Zerrendan bizi direnek gosetea pairatu dezaketela.
2025/03/19 - 19:34
Israelek lurreko operazio ''espezifikoak'' hasi ditu Gazan
Israelgo Armadaren arabera, helburua "indargetze partzialeko eremu bat sortzea" da. Bertako iturriek, aldiz, Gaza iparraldea hegoaldearekin lotzen duen Salah al Din errepidea blokeatzen ari direla salatu dute.
2025/03/19 - 18:47
Israelgo tropek bonbardaketa gogorrak egin eta Gazan sartu dira, lurreko operazio "espezifikoak" egiteko
Armadaren esanetan, infanteriako brigadetako bat inguruan izango da, "Zerrendan operazioak egiteko".
2025/03/19 - 10:18
Israelen bonbardaketek gutxienez 14 pertsona hil dituzte bart Rafah eta Khan Yunis hirietan
Gazarako adostutako menia hautsi zuen atzo Israelek, eta azken hilabeteotako sarraskirik handiena eragin: 500 palestinar baino gehiago hil zituen; horietatik 130 inguru, adin txikikoak.