Iran

2025/04/18 - 20:41

Iran eta AEB berriro bilduko dira akordio nuklear baten bila

Duela astebete Irango hiriburuan gertatu zen bezala, Abbas Araqchi Irango Atzerri ministroa eta Steve Witkoff Ekialde Hurbilerako ordezkari berezia izango dira bileran.

2025/04/12 - 19:31

AEBk eta Iranek datorren astean jarraituko dute hizketan, Omango negoziazio "positiboaren" ondoren

AEBko eta Irango ordezkariek errepublika islamiarraren programa nuklearrari buruzko negoziazio publikoak hasi dituzte berriro larunbat honetan, zazpi urteko urruntzearen ostean, Donald Trumpek 2018an Ekintza Integralerako Plan Bateratua bertan behera uztea erabaki ostean.

2025/03/16 - 16:49

Irango Guardia Iraultzaileak ohartarazi du Iranen aurkako erasoei erantzungo diela, Trumpek abisua eman ostean

Donald Trumpek Yemengo huthien aurkako erasoa agindu zuen larunbatean, eta talde xiita horri babesa emateari uzteko eskatu zion Teherani. Hezbollahk eta milizia palestinarrek elkartasuna adierazi diete huthiei, eta erasoak gaitzetsi dituzte.

2025/03/15 - 22:21

Trumpek huthien aurkako eraso "erabakigarria" iragarri du eta Irani babesa eteteko eskatu dio

Gutxienez 31 zibil hil eta 101 zauritu ditu AEBk larunbat honetan matxino xiita huthien aurka egindako erasoetan, Sanan, Yemengo hiriburuan.

2025/03/07 - 17:10

Trumpek gutun bat igorri dio Irango buruzagi gorenari akordio nuklear bat negoziatzea proposatzeko

"Negoziatzeko asmoa erakustea espero dut; bestela, militarki esku hartu behar badugu, ikaragarria izango da haientzat", esan du AEBko presidenteak.

2025/03/03 - 22:36

Goi-bilera egingo dute astearte honetan Kairon, Gaza 'Ekialdeko Riviera' bihur ez dadin plana adosteko

Arabiar Ligako 22 herrialdeetako buruzagiak Kairon izango dira astearte honetan, Gazako Zerrenda berreraikitzeko proiektu bat adosteko helburuarekin. Berreraikuntza hori palestinarrak lekualdatu gabe eta Trumpek planteatu zuen resort turistikoaren kutsurik gabe egin nahi dute.

2025/02/27 - 18:40

Abdullah Ocalan Kurdistango Langileen Alderdiaren buruzagiak erakundeko kideei eskatu die KLA desegin dezatela

Orain erakunde kurduko komandanteek Ocalanen mezuari erantzun beharko diote. Kurdistango Langileen buruzagiaren mezuak gatazkarekin amaitzeko beste saiakera bat abiarazi dezake. Kurdistango Langileen Alderdiaren burua biziarteko kartzela-zigorra betetzen ari da Imraliko (Turkia) espetxean.

2025/02/23 - 13:50

Dozenaka mila pertsona elkartu dira Beiruten Nasrallahri azken agurra emateko

Libanoko eta Irango goi-kargudunak ere bertaratu dira Israelek hildako Hezbollahko buruzagiari azken agurra emateko hiletan.

2025/01/17 - 23:25

Putinek eta Pezexkianek Errusiaren eta Iranen arteko akordio estrategikoa sinatu dute

Vladimir Putin eta Masud Pezexkian Errusiako eta Irango presidenteek, hurrenez hurren, Kremlinen sinatu dute akordioa. Agintari errusiarrak antzeko akordioak sinatu ditu azken urteotan Txinarekin eta Ipar Korearekin.

2024/12/08 - 20:55

Jihadistek Damasko hartu eta Errusian asiloa lortu duen Al-Assaden agintea eraitsi dute

Sortaldea Askatzeko Erakundeko (Al-Qaeda ohia) terroristek zuzendutako matxinoek eta Turkiak babestutako errebelde talde batek indarrak batuta, 11 eguneko erasoaldian lortu dute Baxar al-Assad ihes egitera behartzea eta Siriako agintea euren esku hartzea.

2024/12/08 - 18:50

Egonkortasuna ekarriko duen trantsizio baketsua eskatu du nazioarteak Sirian

Abu Mohammad al-Julanik, Baxar al-Assaden agintea eraitsi duen koalizio jihadistaren buruak, garaipena aldarrikatu du Damasko hartu ostean. 13 urteko gerra izan da, milaka heriotza eta milioika herritar erbesteratzea ekarri duena.

2024/12/07 - 10:41

Siriako Armadak atzera egiten jarraitzen du, eta Irango diplomazialariek Damasko utzi dute

Daraa eta Al-Sweida hartu dituzte errebelde edo terroristek, baina Armada egoeraren kontrola berreskuratzen hasi da Homsen eta Haman.

2024/10/26 - 19:12

Israelek "helburu militarrak" bonbardatu ditu Iranen, eta gutxienez lau soldadu hil ditu

"Irango erregimenak Israelgo Estatuaren aurka hainbat hilabetetan egindako etengabeko erasoengatik" egin omen du bonbardaketa. Irango Gobernuak jakinarazi du erasoari aurre egin diola eta kaltea txikia izan dela.

2024/10/20 - 22:30

Israelek Irani erasotzeko prestaketak jasotzen dituen dokumentu klasifikatuak argitara atera dira

AEBko Inteligentzia Zerbitzuko dokumentuak dira, eta Isralen gerra planak jasotzen ditu. Hauxe du titulua: "Aireko Indarrak Iranen aurkako erasoa prestatzen jarraitzen du". AEBk ikerketa abiatu du filtrazioa izan den edo Pentagonoa hackeatu duten argitzeko.

2024/10/18 - 11:07

Iranek eta Hezbollahk "etsaiaren aurkako borrokan" jarraitzea hitzeman dute, Israelek Sinwar hil ostean

Turkiak ohartarazi du Iranen eta Israelen arteko gerra bat hasteko "probabilitate handia" dagoela.

2024/10/13 - 22:18

Iranek bost urtera murriztu die zigorra Mahsa Aminiren kasua argitara eman zuten bi kazetariei

Nilufar Hamidi eta Elaha Mohammadi kazetariei 12 eta 13 urteko espetxe-zigorra ezarri zieten hainbat delitu egotzita, tartean herrialdea ezegonkortzeko Estatu Batuekin kolaboratu izana. Azken delitu horretatik absolbitu ostean murriztu zaie zigorra.

2024/10/13 - 20:25

Bakea nahi duela berretsita, Iranek ohartarazi du "gerrarako prest" ere badagoela

"Ez diogu gerrari beldurrik, baina ez dugu nahi gudarik, bakea nahi dugu, eta horren alde egingo dugu, bai Gazan eta baita Libanon ere", nabarmendu du Atzerri ministroak.

2024/10/08 - 12:34

Israelek ziurtatu du Hezbollahko operazio burua hil duela Beiruten egindako bonbardaketa batean

Gatazka Libanora zabaldu zenetik, 2.000 pertsona baino gehiago hil ditu han Israelgo Armadak, Libanoko Osasun Ministerioak jakitera eman duenez. 1,2 milioi herritarrek euren etxeak utzi behar izan dituzte, erasoetatik ihesi.

2024/10/06 - 22:06

Iranek bertan behera utzi ditu bere aireportuetako hegaldi guztiak

Igandeko 21:00etatik asteleheneko 06:00ak arte ez da hegaldirik izango, "jarduteko arazoak" tarteko.

2024/10/06 - 16:09

Guterresek Ekialde Hurbila "inguratzen duen indarkeria amaitzea" eskatu du

Nazio Batuen Erakundeko idazkari nagusiak Hamasek urriaren 7an Israelen egindako eraso "higuingarriak" gaitzetsi ditu berriro, baina orduz geroztik Israelek egindako eraso etengabeak ere deitoratu ditu.