Lan gatazkak
2025/05/12 - 13:27
Basauriko Bridgestoneko langileek ekoizpena gelditu dute berriro, negoziazioek jarraitzen duten bitartean
Azkenaldian deitu dituzten hiru greba egunetako azkena izango da, eta lan-erregulazioko txostenaren proposamena hobetu ostean iritsi da. Grebarekin bat eginez, langileen batzordeak eta zuzendaritzak bilera egingo dute negoziatzen jarraitzeko.
2025/05/12 - 12:36
Bridgestoneko langile-batzordea: ''Etorkizunerako plan baten eske gaude''
Azkenaldian deitu dituzten hiru greba egunetako azkena dute gaur lantegian. "Kaleratze kopurua gutxitzeko lan-karga handitzea" eskatu du Igor Mena Bridgestoneko langile-batzordeko CCOOren ordezkariak.
2025/05/11 - 18:28
Satse Euskadik erizainen "ezegonkortasuna eta errotazioa" amaitzeko eskatuko du astelehenean Bilbon
Erizainen kolektiboa "nazkatuta" dagoela salatu du, Osakidetzaren aldetik "etengabeko diskriminazioak" pairatzen dituztelako. Eguerdian bilduko dira Osasun Sailaren egoitza aurrean.
2025/05/10 - 13:45
Alderdi politikoek txalotu egin dute Hezkuntza Sailak eta sindikatuek lortutako akordioa
Albiste ontzat jotzen dute, euskal hezkuntza-sistema publikoarentzat ona izango delakoan.
2025/05/10 - 12:09
Sindikatuak: ''Herri gisa bai euskalduntzeari bai inklusioari eragingo dieten neurriak lortu ditugu''
Irakasleen artean gehiengo sindikala duen Steilasek azpimarratu duenez, euren eskaera nagusiak bete dira. Gainerako sindikatuak ere pozik agertu dira akordio horrek baliabide gehiago eskaini eta lan-baldintzak hobetuko dituelako.
2025/05/10 - 11:59
Zer adostu dute sindikatuek eta Hezkuntza Sailak?
Ratioak jaistea, irakastorduak murriztea, hezkuntza publikoa euskalduntzea eta soldaten igoera dira puntu garrantzitsuenetako batzuk.
2025/05/10 - 11:36
Pedrosa: ''Akordio historiko honekin lortu dugu benetan erdigunean jartzea eskola publikoaren hobekuntza''
Gehiengo sindikalarekin bart lortutako akordioa txalotu du Begoña Pedrosa Hezkuntza sailburuak. Adostutakoaren arabera, eskola-orduak 21era murriztuko dira Lehen eta Haur Hezkuntzan, eta 17ra Bigarren Hezkuntzan. Greba deialdiak bertan behera geratu dira.
2025/05/10 - 09:50
Akordioa Hezkuntza Sailak, Steilasek, LABek, Interinok Taldeak, CCOOk eta UGTk lan-gatazka desblokeatzeko
Greba deialdiak, ondorioz, bertan behera geratu dira. Akordioaren arabera, eskola-orduak 21era murriztu behar dira Lehen eta Haur Hezkuntzan, eta 17ra Bigarren Hezkuntzan. Gainera, hezkuntza publikoaren sektorean 800 behargin gehiago jarriko dira lanean. ELAk ez du akordioa babestu.
2025/05/09 - 15:34
Hezkuntza Sailak eta sindikatuek negoziatzen jarraitzen dute, akordio bila
Arratsaldean zehar hartu-emanak izan eta gero, gauean berriro bilduko dira. Steilasek eta CCOOk "aurrerapen txikiak" atzeman dizkiote eskaintzari; ezkorrago agertu dira LAB eta ELA.
2025/05/08 - 21:55
Sindikatuek Hezkuntzaren proposamena errefusatu dute eta beste bat espero dute ostiralerako
Gauzak horrela, sindikatuek datorren astean, maiatzaren 12tik 16ra deituta dauden greba egunei eusten diete. Hezkuntza ez unibertsitarioko 27.000 irakasle daude grebara deituak.
2025/05/08 - 18:35
Bridgestonek 45 kaleratze gutxiago eta 57 urtetik aurretiko erretiroak eskaini ditu Basauriko plantarako
Halaber, urteko 45 eguneko kalte-ordaina eskaini die kalean geratuko diren beharginei.
2025/05/08 - 15:47
ELAk greba deitu du Euskotrenen maiatzaren 21erako
Lan-hitzarmen berriaren negoziazioan "aurrerapausorik ez" dagoela ikusita deitu du lanuztea sindikatu abertzaleak. Europa Ligako finala San Mamesen jokatuko den egunean deitu dute greba, eta trenen, tranbien eta funikularren zerbitzuan izango du eragina.
2025/05/08 - 07:00
Hezkuntza Saila eta sindikatuak berriro bilduko dira gaur, beste bost greba egun deitu berritan
Bilera 15:00etan hastekoa da, baina azken negoziazio mahaiaren hasiera asko atzeratu zen. Lehentxeago, hezkuntzako sindikatuek (Steilas, LAB, ELA eta CCOO) elkarretaratzea egingo dute Eusko Legebiltzarraren aurrean, 11:30ean.
2025/05/07 - 10:45
Hezkuntzako sindikatuak mesfidati, Sailak egin asmo dien proposamen berriaren aurrean
Steilas, LAB eta ELA sindikatuak estu hartu dute Jaurlaritza bileraren deialdia eta proposamenaren gakoak hedabideen bitartez jakinarazteagatik. Are gehiago, LABek aztertuko du negoziazio mahaian parte hartuko duen.
2025/05/05 - 18:15
Bridgestonek enplegu erregulazioko espedientearen baldintzak leundu eta kaleratze-kopurua birpentsatuko du
Kaleratzeagatiko ordaina 27 egunetik 35era igo du, eta aurre-erretiro egitasmo batez negoziatzeko prest dago. Sindikatuak eta enpresa hilaren 8an eta 12an elkartuko dira berriro, eta langileek grebari eutsiko diote.
2025/05/05 - 07:00
Bridgestoneko 300 bat langilek elkarretaratzea egingo dute gaur eguerdian Japoniak Madrilen duen enbaxadan
Astelehen honetan ere langileek greba eguna dute eta, Basauriko langileek 12:00etan egingo dute elkarretaratzea, lantegiko zubian.
2025/04/30 - 22:49
Arriaga Antzokiak Jesus Guridiren ''Mari Eli'' zarzuela aurkeztuko du, BOSekin
BOSeko musikariek greba bertan behera utzi zuten atzo, eta zuzendaritzak beste erakunde batzuk negoziazioan inplikatzeko konpromisoa hartu du. Honi esker, Jesus Guridiren "Mari Eli" zarzuela entzun da gaur arratsaldean Bilboko Arriaga Antzokian.
2025/04/30 - 09:34
Albiste izango dira: Itzalaldiaren ikerketa; BOSeko greba, bertan behera eta Max sarietako izendatuak
Gaurkoan albiste izango direnen laburpena, bi hitzetan.
2025/04/29 - 22:20
BOSek lanuzteak bertan behera utzi ditu, erakundeak negoziazioan inplikatzeko konpromisoa lortu baitu
Adiskidetze-saioan itxi da akordioa, Bilboko Lan Arloko epaitegian. Epaitegian elkar ikusi aurretik, zuzendaritzak eta langile-batzordeak bilera izan dute LHKn, baina ez dira elkarrengana hurbildu.
2025/04/24 - 16:16
Zuzendari eta langileen arteko bilera antzua izan da, eta Bridgestoneko langileek grebari eutsiko diote
Gaur langileek laugarren greba eguna egin dute. Ekoizpena etenda dago Basauriko Bridgestoneren lantegian eta jarraipena erabatekoa izaten ari da enplegu-erregulazioko espedientearen aurkako greba-deialdietan.