Palestina
2025/05/10 - 22:40
Gernika Palestina elkarteak palestinarrak jasaten ari direna salatu, eta genozidioa gelditzeko eskatu du
Gernika Palestina ekimenak Gazako sarraskia salatu du beste behin, eta performance ikusgarria egin dute Gernikan bertan. Antzezpen baten bidez, Israel Palestinan egiten ari dena "genozidioa" dela salatu dute ozen, eta gelditzeko eskatu dute.
2025/05/09 - 19:13
Etsipena Gazan, janari eskasiaren ondorioz
Duela bi hilabete baino gehiago ezarri zion blokeoa Israelek laguntza humanitarioa Gazako Zerrendan sartzeari. Hori dela eta, oinarrizko produktuen prezioek, irinarenak adibidez, gora egin dute, eta horrek gosetea eragin du Gaza osoan.
2025/05/07 - 21:15
Israelek 100 pertsona baino gehiago hil ditu Gazan, ikastetxeak, merkatu bat eta jatetxe bat bonbardatu ostean
Eraso horietako bat Palmira jatetxe thailandiarretik gertu jazo da, Rimal auzoan, Gaza hirian, eta bestea 20 metro eskasera, merkatu baten ondoan. Hildakoen artean Yahya Sobeih kazetaria dago.
2025/05/05 - 23:01
Mikel Ayestaranek Ortega y Gasset saria jaso du Gazan egiten ari den multimedia estalduragatik
ETBko korrespontsalak Kayed Hammed itzultzailearen mezu bat zabaldu du saria jasotzean: "Gazan bonbaz hiltzen ez dena, gosez hiltzen da 2025ean. Guk ondorio bat atera dugu: hobe da misil batengatik hiltzea goseagatik baino, hori da guztia".
2025/05/05 - 22:03
Gazako lurrak okupatzeko plan berri bat onartu du Israelek
Netanyahuk jakinarazi duenez, operazio berrian "gazatarrak lekualdatu egingo ditugu, euren babesagatik". Gainera, laguntza humanitarioa bi hilabetez blokeatuta izan ondoren, Israelek laguntza sartzeko plan bat aurkeztu du, eurek kontrolatuz prozesu guztia. NBE aurka agertu da.
2025/05/02 - 19:11
Erabateko blokeoa mantentzeaz gain, Israel baratzeak suntsitzen eta arrantzaleak hiltzen ari dela salatu dute
"Milaka pertsona hilko dira blokeoa berehala amaitzen ez bada", ohartarazi dute gobernuz kanpoko erakundeek. Gutxienez 60.000 haurrek desnutrizioa dute dagoeneko Zerrendan, eta dozenaka sukalde komunitario eraso eta itxierara behartu ditu Israelek.
2025/04/30 - 00:20
Smotrichek nahi du "ehunka mila" palestinarrek Gaza uztea, Siria "zatitu" eta Hezbollah "desegin"
Hala adierazi du Israelgo Ekonomia ministroak Zisjordanian egindako hitzaldi batean. "Kanpaina hau amaitu egingo dugu Iranen mehatxu nuklearra amaitu, Gaza garbitu eta gure bahituak etxera itzulitakoan, eta Israel indartsuagoa eta aberatsagoa denean", gaineratu du.
2025/04/26 - 22:01
"Erabateko" gatibu trukea eskaini dio Hamasek Israeli, eta bost urteko menia eskatu dio ordainetan
Adierazpen horiek egiten zituen bitartean, Hamaseko ordezkaritza bat Kairora bidean zen. Han, Egiptoko bitartekariek "su eten baterako akordio integral bat" eskaini diote Hamasi.
2025/04/25 - 19:16
Gernikak Auschwitzekin harremana estutu du, eta Steer eta gudariak omendu ditu ekitaldien lehen egunean
Gainera, NBEk konfesio ezberdinetako buruzagi erlijiosoak bildu ditu Bizkaiko hiribilduan, eta ostiral honetan hainbat mahai-inguru egin dituzte adituekin.
2025/04/25 - 07:00
Gernikak 1937ko apirilaren 26ko bonbardaketa faxista oroitzeko ekitaldiak abiatuko ditu gaur
Egitarau instituzionala gaur hasiko da Lizeo Antzokian mahai-inguruekin, George L. Steer, Jose de Labauria eta gudariei omenaldiekin, eta Auschwitzekiko adiskidetasun ekitaldi sinboliko batekin udaletxean. Eguna amaitzeko, Amos Gitai zinemagilearen 'Why War' dokumentala ikusiko da.
2025/04/25 - 00:30
Israelek dagoeneko okupatuta dituen Gazaren inguruko eremuak husteko agindua eman du berriro
Martxoaren 18an Israelek su-etena hautsi zuenetik, 420.000 gazatar baino gehiagok ihes egin behar izan dute indar armatuen erasoen ondorioz, dagoeneko herritarren % 90 desplazatu dituen gatazka armatuan.
2025/04/23 - 18:57
Izquierda Unidak planteatu du Sumar Espainiako Gobernutik ateratzea, Israeli armak erosteagatik
Barne Ministerioak Israelgo Estatuari 15 milioi bala baino gehiago erostea erabaki du, Guardia Zibilarentzat. Antonio Maillo Izquierda Unidako buruzagiak PSOEri leporatu dio Sumarrekin koalizio Gobernuan "krisirik handiena" ireki izana.
2025/04/23 - 00:38
Israelek hondeamakinak eta ura eta zaborra biltzeko kamioiak suntsitu ditu Gazako hainbat tokitan
Defentsa Zibileko lantaldeek gorpuak hondakin artetik ateratzeko eta errepideak garbitzeko erabiltzen zituzten makina horiek. Gazako Defentsa Zibilak salatu duenez, Israel "lan humanitariorako baliabideak suntsitzen ari da".
2025/04/20 - 00:30
Netanyahuk dio Hamasek uko egin diola bahituen erdiak askatzeko proposamenari eta ez duela men emango
"Uste dut bahituak etxera ekar ditzakegula, amore eman gabe. Hori buruan daukadala jokatu dut orain arte. Misioa oraindik ez da amaitu, eta egiteko asmoa dut. Baina amore eman gabe", nabarmendu du larunbat gauean emititu duten aurrez grabatutako mezu batean.
2025/04/17 - 22:08
Israelek zibilak babesten ziren eskola bati eraso dio Jabalian, eta sei pertsona hil ditu
Beste eraso batzuetan, goizaldean, 40 pertsona inguru bizirik erre ditu Israelgo Armadak, tartean 17 haur eta lau emakume, lotan zeuden kanpin-dendak bonbardatuta. Israelek dio Hamaseko arma-kontrabandoko arduraduna eta Jihad Islamikoko beste kide "garrantzitsu" bat hil dituela.
2025/04/17 - 00:45
Israelgo Armadak onartu du atxilotu palestinarren milaka objektu eta diru pilatu dituela
Hatzlacha erakunde israeldarrak 'Haaretz' egunkariarekin batera aurkeztutako informazio eskaerari erantzunez, Armadak azaldu du atxilotuen "milaka objektu" dituela, dirua barne.
2025/04/17 - 00:35
Gazako ikastetxeen % 70ek baino gehiagok eraso zuzenak jasan dituzte
Gainera, Zerrendako eskolen % 88k berreraikuntza edo birgaitze lan handiak behar dituzte.
2025/04/15 - 20:15
Trump Administrazioak AEBko unibertsitateak ditu jomugan
Unibertsitateei eskatu die aniztasun, berdintasun eta inklusio programak ezaba ditzatela, eta sarbidea muga diezaietela "irakaskuntzan baino aktibismoan inplikatuta daudenei". Gainera, dagoeneko Harvard eta Columbiara bideratutako funts federalak izoztu ditu, eskakizunei uko egiteagatik.
2025/04/14 - 21:15
Gernikak bonbardaketa oroituko du, "etsipenaren aurrean, berriz ere itsasargi morala izateko asmoarekin"
Foru hiribilduko Udalak eta NBEk 1937ko apirilaren 26ko eraso faxista gogora ekartzeko ekitaldiak antolatu dituzte. 'Bakearen, gerren amaieraren eta nazioarteko legezkotasunaren errespetuaren aldeko oihua' ekimena abiaraziko dute egitarau barruan.
2025/04/13 - 18:59
Gazan su-etena lortzeko beste saiakera bat egiten ari dira, Egipto bitartekari
Hamasen ordezkaritza bat Kairon dago Egiptoko bitartekariekin su-etenaz solasteko, eta Israelekin bahituak eta presoak trukatzeko aukera aztertzeko.