Metroaren 4. linearen aldeko apustu "sendoa" berretsi eta proiektua aurki egongo dela diote EAJk eta PSE-EEk
Bizkaiko foru gobernua osatzen duten bi taldeek, EAJk eta PSE-EEk, Bilboko metroaren 4. linearekin Bizkaiko Foru Aldundiak duen konpromiso "sendoa eta eztabaidaezina" berretsi dute. Linea horrek zerbitzua emango die Bilboko hegoaldeko auzoei (Irala, Errekalde eta Zorrotza), eta eraikuntza proiektua "hilabete batzuren buruan" prest egongo omen da.
Bizkaiko Batzar Nagusiaren osoko bilkuran, Bilboko metroaren 4. linearekin zerikusia zuen mozio bat aurkeztu du PPk. Alderdi Popularra, baina, bakarrik geratu da proposamenaren defentsan, eta EAJk eta PSE-EEk kontra bozkatu eta EH Bilduk eta Elkarrekin taldeak abstentziora jo dute.
Pablo Gomez-Guadalupe batzarkideak proiektuak jasandako "atzerapen ugariak" salatu ditu. "Oraindik ez dute eraikuntza proiektua onartu, ez dago administrazioen arteko finantzazio hitzarmenik eta 2024ko aurrekontuetan ez da diru partidarik gorde", azaldu du. Hori horrela, mozioan, lanok egiteko egutegi zehatz bat adostea eskatu du, behin erakuntza proiektua onartzen dutenean.
Kritikon aurrean, asmo "elektoralista" izatea egotzi diote PPri EAJk eta PSE-EEk, eta nabarmendu dute oraindik ez dela proiektua bukatu. Unai Lerma EAJren ordezkariak aurreratu duenez, lantzen ari diren diseinuan Bilboko hegoaldeko auzoentzako "konponbidea" lortuko dute, Alonsotegiko bidaiariekin bat egingo du eta Enkarterritik datozenak ere jasoko ditu. "Ibilbide on bat da, aurretik mahai gainean izan direnak baino hobea, trenbidearen inguruan egiturako delako", argitu du.
EH Bilduk eta Elkarrekin Bizkaia taldeak ere atzerapenak kritikatu dituzte, baina PPri auzotarren eskaerak ez jasotzea aurpegiratu diote. Oposizioko bi taldeon iritzian, Irala, Errekalde eta Zorrotzako auzotarren eskaerei "erantzun behar zaie".
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.