Behera egin du EAEn atzemandako positibo kopuruak: 364 kasu, horietako 204 Bizkaian
EAEn, 364 positibo atzeman dituzte azken 24 orduetan PCR proben bidez. Bestalde, Nafarroan beste 61 kasu positibo atzeman zituzten atzo, eta bi pertsona ospitaleratu zituzten COVID-19aren eraginez. Dena dela, ez zen inor hil koronabirusaren ondorioz.
Zehazki, Euskadin baieztatutako kasu berrietako 204 Bizkaian atzeman dituzte, 80 Gipuzkoan eta 65 Araban. Horrez gain, EAEtik kanpo bizi diren 15 pertsonak positibo eman dute azken orduetan.
Halaber, gaitza atzemateko 5.625 PCR egin zituzten atzo, Osasun Sailak ohar baten bidez jakitera eman duenez. Zehazki, ondorengo herri hauetan atzeman dituzte koronabirus kasuak:
Gipuzkoan: Andoain (1), Azkoitia (2), Azpeitia (29), Bergara (1), Donostia (17), Elgoibar (2), Errenteria (1), Getaria (3), Hernani (1), Ibarra (1), Idiazabal (1), Irun (5), Lazkao (1), Mendaro (2), Mutriku (4), Oiartzun (1), Orexa (1), Soraluze (1), Villabona (1), Zarautz (2), Zumaia (1) eta Zumarraga (2).
Bizkaian: Abadiño (1), Zornotza (3), Arrigorriaga (3), Balmaseda (2), Barakaldo (10), Barrika (1), Basauri (3), Berango (2), Bermeo (2), Berriatua (1), Bilbo (96), Derio (3), Durango (5), Elorrio (3), Erandio (3), Etxebarri (2), Galdakao (1), Gernika-Lumo (1), Getxo (26), Larrabetzu (2), Laukiz (1), Leioa (5), Lekeitio (1), Lemoa (1), Lemoiz (1), Markina-Xemein (2), Maruri-Jatabe (1), Mungia (5), Otxandio (1), Plentzia (2), Portugalete (3), Santurtzi (7), Ugao-Miraballes (1), Trapagaran (2) eta Zalla (1).
Araban: Arratzua-Ubarrundia (1), Artziniega (1), Barrundia (1), Laudio (3), Urkabustaitz (1), Gasteiz (56) eta Zuia (2).
Azken orduetan positibo eman duten pertsonen profilari dagokionez, 182 emakumeak dira eta 182 gizonak. Gainera, positibo eman duten gehienek 69 urte baino gutxiago dituzte; batez ere, 20 eta 29 urte bitartean (66 kasu).
Covid-19a duten 37 pertsonak 10 eta 19 urte bitartean dituzte eta 65ek, berriz, 30 eta 39 urte bitartean. Gainera, azken orduetan atzemandako 20 kasutan gaixoek 0 eta 9 urte bitartean dituzte.
Osasun Sailak jakinarazi du, halaber, positibo eman duten 61 pertsonak 40 eta 49 urte bitartean dituztela, 52k 50-59 urte bitartean, 28k 60-69 urte bitartean eta beste 35ek 70 urtetik gora.
1,21 da gaurko R0 indizea (atzo 1,28 zen).
Ospitaleetako egoerari dagokionez, egun 14 pertsona daude zainketa intentsiboetako unitateetan ospitaleratuta, Osasun Sailak eguneroko oharrean emandako datuen arabera.
61 kasu gehiago atzeman dituzte Nafarroan azken orduetan
Bestalde, Nafarroan beste 61 koronabirus kasu positibo atzeman zituzten atzo. Guztira, gaitza atzemateko 1.079 PCR proba egin zituzten Foru Erkidegoan. Dena dela, ez zen inor hil koronabirusaren ondorioz.
Iruñeak eta bere eskualdeak jarraitzen dute kasu berri gehienak biltzen (% 47), jarraian Lizarrako osasun-eremuan atzeman dituzte kasu gehien (% 28), eta, ondoren, Tuterako osasun-eremuan (% 10). Gainerako kasuak (% 15) Nafarroako beste eremu batzuetan banatzen dira.
Baieztatutako kasuen batez besteko adinari dagokionez, 15-29 urteko taldea da nagusi (kasu guztien % 28), eta, jarraian, 45-59 urteko taldea (% 21). Ondoren, 30-44 urte bitarteko adin-tartea dago (% 19) eta 0-14 urte bitartekoa (% 17). Positibo berrien % 12k 60 eta 75 urte bitartean dituzte, eta % 3k, 75 urte baino gehiago. Ildo horretatik, kasu berrien batez besteko adina 36,5urte dira. Generoari dagokionez, kasu berrien % 55 emakumeak dira, eta % 45, gizonezkoak.
Bilakaera epidemiologikoaren ikuspuntutik aztertuta, atzo bi pertsona ospitaleratu zituzten Nafarroan, baina ez zen inor hil COVID-19aren eraginez; beraz, pandemia hasi zenetik, 532 pertsona hil dira Nafarroan koronabirusaren ondorioz.
Bestalde, Nafarroako ospitale sarean 54 pertsonak jarraitzen dute ospitaleratuta, eta horietatik sei zainketa intentsiboetako unitateetan (ZIU) daude eta beste hiru etxean. Gainerakoak, 45 gaixo, ospitaleko geletan daude. Pertsona horiek guztiek positibo eman zuten PCR proba batean, infekzio hori ospitaleratzeko arrazoia izan ala ez.
Azkenik, detekzio goiztiarreko sistemari eta kasu zein kontaktu estuen jarraipenari dagokionez, 1.079 PCR proba egin zituzten atzo osasun sare publikoan. Pandemia hasi zenetik 8.264 positibo baieztatu dituzte guztira (atzo beste 61 kasu atzeman zituzten).
AURRERAPENA
Informazioa osatzen ari gara...
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.