Euskadiko PCR positiboen tasa % 3,6ra jaitsi da, azken bi hilabeteetako txikiena

Euskadin 314 kutsatu berri atzeman dituzte astelehen honetan (aurreko egunean baino 73 gutxiago), egindako PCR proben % 3,6. Halaber, zainketa intentsiboetako unitateetan ospitaleratutakoen kopuruak behera egin du; 55 dira orain, aurreko egunean baino 2 gutxiago.

Eusko Jaurlaritzako Osasun Sailak argitaratutako datuen arabera, 8.519 PCR proba egin dira astelehenean Euskadin, eta 314k eman dute positibo (% 3,6); igandean, berriz, 7.316 PCR proba egin ziren, eta 387 positibo atzeman zituzten (% 5,2). Kutsatuen kopuruak behera egiten jarraitzen du, PCR proben ondoriozko kasu positiboen tasa azken bi hilabeteetako txikiena da Euskadin.

Hala, kutsatze berrien kopurua 167ra igo da Bizkaian (bezperan baino 4 gehiago); 52 kasu izan dira Araban (21 gutxiago), eta 87 atzeman dituzte Gipuzkoan (55 gutxiago). Halaber, 8 kasu izan dira Euskaditik kanpo bizi diren pertsonen artean, aurreko egunean baino bat gutxiago.

EAEn, 33 pertsona ospitaleratu dituzte astelehenean COVID-19aren ondorioz (22, aurreko egunean), eta 55 gaixo daude zainketa intentsiboetako unitateetan, hau da, aurreko egunean baino bi gutxiago. Guztira 341 gaixo daude ospitalean (bezperan baino 19 gutxiago).

Euskadiko intzidentzia epidemiologikoari buruzko bilakaera hemen kontsulta daiteke. Azken orduetan herriz herri zenbatutako positibo berriak azter daitezke, eta pandemia hasieratik atzemandako kasu guztiak eta adin taldeen araberako datuak ageri dira bertan.

R0 indizea, gaixo batek zenbat pertsona kutsa ditzakeen adierazten duena, aurreko egunetan bezala, 1etik behera dago, 0,98an geratu baita.

Azken orduetan positibo eman duten pertsonen profilari dagokionez, 158 emakume eta 156 gizon dira. Gainera, positibo eman duten pertsona gehienek 50 urte baino gutxiago dituzte, eta 69 kutsatu berri baitaude 40 eta 49 urte bitartekoen artean.

COVID-19a duten beste 41 pazientek 20 eta 29 urte bitartean dituzte, eta 40 pertsonak, 30 eta 39 urte bitartean. Gainera, 10-19 urteko haurren artean 37 kasu izan dira.

Era berean, Osasun Sailak jakinarazi du 0 eta 9 urte bitartean positibo eman duten 36 haur, 50-59 urte bitarteko beste 36, 60-69 urte bitarteko 21 eta 70 urtetik gorako beste 24 daudela.

Zahar-etxeetako egoeraren harira, Bizkaiko adinekoen egoitzetako lau erabiltzaile hil dira azken egunetan, eta dagoeneko 51 dira hildakoak koronabirusaren bigarren olatua hasi zenetik, Foru Aldundiak jakinarazi duenez. Aitzitik, positibo kopuruak behera egin du, eta ospitaleratzeen kopuruak, gora.

EAEko egoitzetako adinekoek bisitak jaso eta kanpora joateko aukera izango dute (gertukoenekin bakarrik), ahal dela aire zabaleko espazioetan ibiltzeko, eta betiere COVID-19aren aurrean babesteko neurriak mantenduz.

Bestalde, 260 ikasgela daude itxita, 162 ikastetxetan, baina ikastetxe batek ere ez du aurrez aurreko hezkuntza-jarduera etenda, Hezkuntza Sailak Euskadiko ikastetxeetan COVID-19ak duen eraginari buruz emandako datuen arabera.

2020-2021 ikasturtean, EAEko Hezkuntza Sistemak guztira 17.554 gela ditu. Itxitako ikasgelen kopurua ikasgela guztien % 1,48 da.

Nafarroan bost heriotza, 348 positibo eta 14 ospitaleratze izan dira

Foru Erkidegoan bost hildako izan ziren atzo COVID-19aren ondorioz, 348 positibo berri PCR probekin eta 14 ospitaleratze, Nafarroako Osasun Publikoaren eta Lan Osasunaren Institutuak emandako datuen arabera.

Hildakoak 56 eta 84 urteko bi emakume eta 78, 85 eta 89 urteko hiru gizon dira.

Atzo 3.346 PCR egin zituzten, sistema publikoan proba gehien egin ziren eguna, kutsatuen tasa % 10,4koa izanik.

Nafarroako osasun sare integratuak, alta eta bajen balantzea egin ondoren, 206 gaixo hartzen ditu (bat gutxiago) ospitale eta modalitate ezberdinetan, horietatik 25 zainketa intentsiboetako unitateetan.

Ikuspegi geografikotik, Iruñea eta Eskualdean izan ziren positiboen % 52, eta ondoren Tuterako Eremuan (% 20) eta Lizarrako Eremuan (kasuen % 6). Gainerako positiboak (% 22) Nafarroako beste eremu batzuetan banatzen dira.

Adin-tarteei dagokienez, banaketa oso banatuta egon zen atzo: gehienak 15 eta 29 urte artekoak izan ziren (% 27); ondoren, 45 eta 59 urte artekoak (% 21); ondoren, 14 eta 44 urte artekoak (% 20). Azkenik, 60 eta 75 urte bitarteko taldea (% 9) eta 75 urtetik gorakoa (% 3). Kasu berrien batez besteko adina 34 urtera jaisten da. Generoari dagokionez, % 49 emakumeak dira eta % 51 gizonak.

Astelehen honetan 14 ospitaleratze berri izan ziren Nafarroan COVID-19ak jota, eta horietatik, bat ere ez zainketa intentsiboetako unitateetan.

Nafarroan 206 pertsona daude ospitaleratuta COVID-19arekin, atzo baino bat gutxiago. Osasun-sare integratuan, zentro publikoetan eta pribatuetan ospitaleratutako paziente guztiak sartzen dira. 25 zainketa intentsiboetako unitateetan daude eta 29 etxeko ospitalizazioan. Gainerako 152 pazienteak gela arruntetan daude.

Birusak eragindako infekzioen intzidentzia metatuari dagokionez, atzoko kasuak gehituz gero, 15.455 pertsona kutsatu eta, guztira, 562 hil egin dira.

Beste 10.799 kutsatze Espainian; horietako herena, Madrilen

Bestalde, Espainian beste 10.799 pertsona kutsatu dira (horietako 3.125 azken 24 orduetan), eta horietako % 30, Madrilen, Osasun Ministerioaren arabera.

Horrenbestez, guztira 682.267 pertsonak izan dute koronabirusa Estatuan, eta 30.663 hil dira (339 gehiago)-

Astelehenetik, Madril kutsatze berri gehien izan dituen erkidegoa da (3.652). Ondoren Nafarroa (348), Andaluzia (335) eta Aragoi (308) daude.