Test antigenikoak erabiltzen hasi da Osakidetza
Osakidetza gaur hasi da COVID-19a atzemateko test antigenikoak erabiltzen hainbat ospitaletan. "Pixkanaka", EAEko osasun-zentro guztietan egingo dituzte proba horiek, gaitza "berehala atzeman" eta kutsatze-katea lehenbailehen eteteko, Gotzone Sagardui Osasun sailburuak jakitera eman duenez. Koronabirusaren datuei buruz, Irekia atarian egunero argitaratzen duten txostenean jasoko dituzte test antigenikoen emaitzak, PCR probenekin batera.
Euskadiko Babes Zibileko Planaren aholku-batzordearen bileraren ostean agertu da hedabideen aurrera Sagardui, gaitzaren hedapena geldiarazteko Eusko Jaurlaritzak ezarriko dituen neurri murriztaileen berri ematera. Azken egunotan EAEn izaten ari den kutsatu kopuruaren gorakadaren aurrean, "neurri eraginkorragoak" iragarri ditu sailburuak.
Ildo horretan, test antigenikoak kutsatzeak geldiarazteko oso lagungarriak izango direla uste du, "infekzioa azkarrago atzemango delako", eta kutsatuta dagoen pertsona "azkarrago bakartuko" delako.
Koronabirusa inguratzen duen mintzaren proteina berehala atzematen da test antigenikoen bidez, bereziki sintomak agertu eta "lehendabiziko bost egunetan". Batez ere, positiboen kontaktu zuzenak izan direnei egingo zaizkie proba hauek, eta testa egiten duten egunean bertan jasoko dute emaitza; asko jota, 45 minutuan ematen du emaitza.
Sagarduiren hitzetan, "berme zientzifiko osoa" duten probak dira antigenikoak, eta Madrilgo Carlos III Osasun Institutuak egindako "balioztatze teknikoan" Osakidetzak ere parte hartu duela ziurtatu du.
Zertan datza test antigenikoa?
Test horien funtzionamendua ez da batere konplexua. PCR probak genoma atzematen duen eran, test antigenikoak birusaren proteina bat detektatzen du. Hain zuzen ere, kutsatuta dauden pertsona guztiek garatzen duten proteina berezi bat da proba horren bidez detektatzen dena.
Mikrobiologian asko erabiltzen den teknika bat da. Gripea atzemateko ere, gisa horretako probez baliatzen dira osasun arloko profesionalak.
Zure interesekoa izan daiteke
Haurrak protagonista Gasteizko jaietan, Edurne eta Zeledon Txikiren jaitsierarekin
Jaietako laugarren eguna haurrei eskainiko diote gaur, Edurne eta Zeledon Txikiren jaitsierarekin. Egun osoan zehar, jarduerak izango dira eta orain.eus-ek zuzenean eskainiko du jaitsiera Andre Maria Zuriaren plazatik.
Migratzaileek helmuga berri baterainoko bidea azaldu dute
Azaldu dutenez, askok saiakera bat baino gehiago egin behar izan zituzten aurreikusitako helmugara iritsi aurretik. Migratzaile batzuek egoera berean dauden beste pertsona batzuekin egiten dute ibilbidea.
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.