Covidak egun bakarrean utzi duen hildako kopururik handiena, atzo munduan
Pandemia hasi zenetik, SARS-CoV-2 koronabirusak eragindako eguneko hilkortasun datu larriena erregistratu zen atzo, urtarrilak 9. Izan ere, larunbat honetan 15.000 pertsona hil ziren covid-19 gaixotasunaren ondorioz. Halaber, 800.000 kutsatze berri erregistratu ziren, urtebetean egun bakarrean izan den zifrarik altuenetako bat.
Osasunaren Mundu Erakundeak (OME) jakinarazi duenez, dagoeneko 1,9 milioi pertsona hil dira covid-19arekin munduan, eta kutsatutakoak 87,5 milioi dira.
Europari dagokionez, 273.000 pertsona kutsatu eta 6.000 hil ziren ostiraletik larunbatera bitartean (28 milioi kasu eta 622.000 heriotza izan dira pandemia hasieratik), baina OMEren arabera, oraindik ez da argi ikusten igoera nabarmenik, aurreko asteekin alderatuta.
Amerika da kezka iturri nagusia. Atzo 440.000 diagnostiko positibo eta 7.800 heriotza izan ziren. Kontaketa osoa eginda, pandemia hasi zenetik, 38 milioi kutsatu eta 900.000 hildako baino gehiago izan dira kontinente honetan, orain arte.
Aditu gehienen arabera, Eguberrietako jaiek ospitaleratzeak ugaritzea ekarri dute munduan, oro har, eta ondorioz, osasun sistema asko kolapsatzeko zorian daude edo kolapsatu egin dira, Latinoamerikan batez ere.
AEBak dira herrialde kaltetuena (21 milioi kasu), ondoren India (10 milioi) eta Brasil (8 milioi).
Erresuma Batuan, Boris Johnson lehen ministroak koarentena zorrotza ezarri zuen urtarrilaren 4an, kasu eta heriotzen gorakada esponentzialaren aurrean. Izan ere, positiboen gorakadaren kurba entengabe igotzen ari da (2,9 milioi kutsatu). Errusian, berriz, 3,3 milioi kutsatu dituzten arren, kontrako norabidean doaz.
Frantzian (2,7 milioi kutsatu), Italian (2,2 milioi) eta Espainian (2 milioi) eguneko positiboen kurbak gora egin du berriro, baina oraindik ez dira azaroko maximoetara iritsi.
Alemania (1,8 milioi kasu guztira) nolabaiteko egonkortzea erakusten ari da, azken asteetan gorakada handia izan ondoren.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.