% 5etik behera jaitsi da positibotasun tasa Euskadin
Covid-19aren pandemiak 684 positibo berri utzi ditu (aurreko egunean baino 64 gutxiago) azken orduetan, % 4,9ko positibotasun tasarekin. Horrek esan nahi du bi hilabetetan lehen aldiz jaitsi dela % 5eko atalasea, hortik aurrera erkidegoaren transmisioa dagoela uste baita. Alde negatiboan, berriz ere gaixo kritikoen egoera dago, 167 paziente baitaude.
Eusko Jaurlaritzako Osasun Sailaren pandemiaren eraginari buruzko azken txostenaren arabera, joan den asteazkenean, 13.820 proba diagnostiko egin zituzten, aurreko eguneko 13.437 proben gainetik.
Horrela, positibotasun tasa % 5etik behera jaitsi da. Abenduaren 23tik, positibotasuna % 4,5ekoa izan zenetik, EAEn ez da kasu berrien hain ehuneko txikia erregistratu.
Positibo gehien Bizkaian eman dira berriro, 387 kutsatze berri izan baitira, asteartean baino 19 gutxiago; Gipuzkoan, berriz, 187 kasu berri erregistratu dituzte (aurreko egunean baino 21 gutxiago), eta Araban 100 kasu berri, aurreko egunean baino 21 gutxiago. Halaber, Euskaditik kanpo bizi diren pertsonei dagozkien beste hamaika kasu zenbatu dituzte, hau da, bi gutxiago.
Datu horiekin, 100 000 biztanleko 14 egunetan intzidentzia-tasa metatua 564,71koa da Euskadi osoan, aurreko egunean baino ia 27 puntu txikiagoa (591,49). Adierazle hori nabarmen hobetu da hiru lurraldeetan eta hiru hiriburuetan, eta Donostiak gune gorria delakoa uzteko zorian dago, 500,5 kasuko tasarekin itxi baitu eguna.
Alde negatiboan, zainketa intentsiboetako unitateetako okupazio-errekorra erregistratu dute berriro, 167 paziente ospitaleratuta (egun bat lehenago baino bi gehiago) baitaude, baina, oro har, asistentzia-presioa arindu egin da; izan ere, 512 paziente ospitaleratu dituzte (asteartean baino 35 gutxiago), azken egunean 70 ospitaleratze berri izan ondoren, aurreko egunean baino 29 gutxiago.
Koronabirusean positibo eman ostean, itxitako ikasgelak 202ra igo dira ostegun honetan, hau da, joan den asteazkenean baino 14 gehiago, eta klase guztien % 1,15 dira. Klaseren bat itxita duten zentroak 118ra igo dira (asteazkenean baino zortzi gehiago).
Gainera, aurrez aurreko hezkuntza-jarduerak etenda jarraitzen du Gasteizko Nuestra Señora del Carmen HHI ikastetxean.
Zure interesekoa izan daiteke
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.