Txertaketa egutegia: Nortzuk izango dira txertoa jasotzen hurrengoak?
Sendagaien Europako Agentziak, oraingoz, lau txerto baimendu ditu covid-19ari aurre egiteko: Pfizer-BioNTech, Moderna, AstraZeneca eta Janssen.
Pfizerren txertoa merkaturatu zuten lehendabizi. Euskal Herrira 2020ko abenduaren 27an iritsi zen eta erresidentzietako egoiliarrei eta langileei emateko erabili zuten.
Moderna konpainiaren txertoa urtarrilaren 13az geroztik dago erabilgarri. Koronbirusaren aurka lehen lerroan aritzen diren Osakidetzako profesionalei jarri zieten. Txertaketa prozesua urtarrilaren 15ean abiatu zen.
80 urtetik gorako pertsonak immunizatzeko Pfizer nahiz Moderna enpresa-farmazeutikoen txertoak erabili zituzten. Kanpaina hori otsailaren 24an jarri zuten martxan.
AstraZenecaren lehenengo dosiak otsailaren 10ean heldu ziren eta funtsezko kolektiboetako 55 urtetik beherako profesionalak txertatzeko erabili zituzten: ertzainak, udaltzainak, suhiltzaileak, irakasleak eta lehenengo taldean sartu ez ziren osasun arloko eta esparru sozio-sanitarioko beharginak.
Martxoaren 15ean, baina, txertaketa kanpaina aldi baterako eten zuten, Europako zenbait herrialdetan 30 bat tronbosi kasu agertu zirelako. Sendagaien Europako Agentziak kasu horiek guztiak banaka ikertu zituen eta txertoa "segurua eta eraginkorra" zela berretsi zuen. Horrela, bada, txertoa jartzeari ekin zioten berriro.
Halaber, osasun agintariek txerto horren erabilera 65 urte arteko pertsonei zabaltzea erabaki zuen funtsezko kolektiboetan. Ildo berean, AstraZenecarekin hasitako txertaketa gizarte osora hedatzea erabaki zuen Eusko Jaurlaritzak. Kanpaina hori martxoaren 29ko astean jarriko dute martxan.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtekoetara zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira talde biolentoetako kideak, Ertzaintzaren uruaren arabera
"Elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi zitzaizkien, eta azkenean liskarra gertatu zen. Ertzaintzaren buruak adierazi du atxilotuek ez dutela banda edo talde biolentoekin loturarik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.