Euskadiko intzidentzia metatua beste 15 puntu jaitsi da, 478 kasuraino
Euskadiko egoera epidemiologikoaren larritasunak beheranzko joerari eusten dio; izan ere, covid-19aren intzidentzia-tasa metatuak behera egin du, eta birsorkuntza tasa (R0), zainketa intentsiboetako gaixoak, ospitaleratze berriak eta gela arruntetako ospitaleratzeak ere jaitsi dira.
Osasun Sailak ostegun honetan emandako datuen arabera, atzo 11.268 test diagnostiko egin zituzten eta 673 pertsonak positibo eman zuten, aurreko egunean baino 3 gehiagok; beraz, positibotasuna % 6ra jaitsi da.
Lurraldez lurralde aztertuta, 673 kutsatze berrietatik 358 Bizkaian diagnostikatu zituzten, 237 Gipuzkoan, 66 Araban eta 12 EAEtik kanpo bizi direnen artean.
Datu horiekin, astearteko 100.000 biztanleko 494,4 kasutik asteazkeneko 478,9ra jaitsi da intzidentzia, beste 15 puntu gehiago.
Jaitsiera hori orokorra izan da hiru lurraldeetan: Araban, 320,7 kasu izan dira (bezperan baino 10 gutxiago); Bizkaian, 443,8 (ia 10 gutxiago); eta Gipuzkoan, 592,5 (29 gutxiago).
Hiru hiriburuetan ere bilakaera ona izan du tasa horrek: Gasteizen 311,5 kasu metatu dira bi astetan, Bilbon 527,8 eta Donostian 574.
Gainera, oinarrizko birsorkuntza tasak behera egiten jarraitzen du eta 0,87an dago, aurreko eguneko 0,88aren aldean.
Araban, R0k apur bat egin du gora, 0,79tik 0,82ra; Bizkaian, 0,95ean mantendu da; eta Gipuzkoan, azken bost egunetako jaitsierari eutsi dio, 0,79an baitago.
Pandemiaren bilakaera positibo hori asistentzia-egoeran islatzen ari da, 40 gaixo gutxiago baitaude EAEko ospitaleetan.
Zainketa intentsiboak behar dituzten pertsonen kopurua 183ra jaitsi da (asteartean baino 2 gutxiago) eta gela arruntetan daudenak 425 dira, 38 gutxiago. Gainera, atzo 50 pertsona ospitaleratu zituzten, eta 75 izan ziren bezperan.
Hezkuntza Sailak pandemiaren inguruko datuak eguneratu ditu ikastetxeen sarean, ez baitago pandemiaren jarduera presentziala erabat etenda duen ikastetxerik.
Ostegun honetan, 106 ikasgela itxi dituzte, atzo baino 9 gehiago. 68 ikastetxetan dute gelaren bat itxita, asteazkenean baino 5 gehiago.
Zure interesekoa izan daiteke
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitza tasatua da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestu bat eskuratzeko baremoen gainetik dago, baina merkatu libreko prezioen azpitik".
Normaltasuna berreskuratu dute Bi-30 errepidean, auto-istripu batek Avanzadan eta Txorierrin hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten den iruzurrarekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago iruzurra egitea babes ofizialeko etxebizitzak saltzean, eta ezkutuan erosleari gainbalio bat eskatzea. Babes ofizialeko etxeak espekulazioaren aurka egiteko sortu zirela defendatu du eta praktika horien aurka gogor egingo dutela jakinarazi du.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.