Koronabirusaren semaforoa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Oiartzunen gorri jarri da semaforoa

Pasaian ere egoerak okerrera egin du eta horitik laranjara igaro da, eta Lazkaok ere ez dio berdeari eutsi. Bizkaian, berriz, Sopelak eremu laranja uztea lortu du.
Eusko Jaurlaritzako Osasun Sailaren semaforoa
Eusko Jaurlaritzako Osasun Sailaren semaforoa
author image

A. S. | EITB MEDIA

Azken eguneratzea

OHARRA: Koloretako semaforoak Arabako, Bizkaiko eta Gipuzkoako 5.000 biztanletik gorako udalerrien egoera epidemiologikoa adierazten du, baina ez dakar herriak perimetralki ixtea, mugikortasuna librea baita alarma-egoera amaitu ondoren.

Oiartzun eremu gorrian sartu da gaur, covid-19ak EAEn herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera. Sopela, bestalde, eremu laranjatik atera da, eta Pasaia bertan sartu da, egoerak okerrera egin eta gero.

Arabak (143 kasu 100.000 biztanleko) eremu horian jarraitzen du, baita Amurriok, Gasteizek eta Laudiok ere. Agurainek, berriz, ez du gorritik irtetea lortu.

Bizkaiak ere horiari eutsi dio (100.000 biztanleko 226 kasu). Bi udalerrik jarraitzen dute gorri; Trapagaranek eta Zallak.

Laranjan, berriz, Arrigorriaga, Galdakao, Santurtzi eta Sestao daude.

Hori dauden udalerriak hauek dira: Abadiño, Abanto, Balmaseda, Barakaldo, Basauri, Bermeo, Berango, Bilbo, Derio, Durango, Erandio, Ermua, Etxebarri, Gernika-Lumo, Getxo, Gorliz, Gueñes, Leioa, Mungia, Muskiz, Ondarroa, Ortuella, Portugalete eta Zornotza. Lekeitio gehitu zaio zerrendari azken orduetan, datuek okerrera egin eta gero. Gainera, Sopelak laranja atzean uztea lortu du, eta hori jarri da semaforoa bertan.

Elorriok eta Markina-Xemeinek berdeari eutsi diote.

Gipuzkoak eremu horiari eutsi dio (211 kasu 100.000 biztanleko), eta Azkoitiak eta Tolosak ez dute eremu gorritik irtetea lortu. Azken orduetan beste udalerri bat gehitu zaie: Oiartzun.

Azpeitia eta Legazpi daude laranjaz margotuta, eta, gaurtik aurrera, baita Pasaia ere.

Andoain, Aretxabaleta, Arrasate, Astigarraga, Beasain, Bergara, Deba, Donostia, Errenteria, Elgoibar, Hernani, Hondarribia, Irun, Lasarte-Oria, Lazkao, Lezo, Oiartzun, Oñati, Ordizia, Orio, Urnieta, Usurbil, Villabona, Zarautz eta Zumaia, berriz, hori daude.

Eibarrek, Mutrikuk eta Urretxuk berde jarraitzen dute.

Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Zure interesekoa izan daiteke: Honela funtzionatzen du covid-19aren semaforoak eta hauek dira irizpideak

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
21 pertsona hil dira EAEn azken astean covid-19agatik, aurrekoan baino hiru gehiago
Gizartea Bilbo Araba Bizkaia Gipuzkoa Santurtzi Osakidetza Azpeitia Elgoibar Tolosa Euskal Autonomia Erkidegoa Sopela Eusko Jaurlaritza Gaixotasunak Arrasate Oñati Beasain Lekeitio Gasteiz Agurain Astigarraga Durango Eguneko Titularrak Zumarraga Azkoitia Ordizia Medikuak Derio Sendagaiak Erizaintza Alarma-egoera Covid-19aren aldaera berriak

Zure interesekoa izan daiteke

Gehiago ikusi
Publizitatea
X