287 kasu berri zenbatu dira EAEn, eta positibotasun tasa % 3,5era jaitsi da
Covid-19aren transmisioaren inguruko datuek behera egiten jarraitzen dute EAEn. Ostiralean, 287 kasu berri atzeman dituzte, bezperan baino 38 gutxiago.
Eusko Jaurlaritzako Osasun Sailak emandako datuen arabera, ostiral honetan 8.105 proba diagnostiko egin dituzte (7.864 izan ziren bezperan), eta 287 positibo berri atzeman dituzte, aurreko egunean baino 38 gutxiago. Hala, positiboen tasak behera egin du, % 4,1etik % 3,5era.
Positibo berrietatik, 31 Araban atzeman dituzte, 86 Gipuzkoan eta 170 Bizkaian, Osasun Sailaren datuen arabera.
EAEko ospitaleetan 28 pertsona ospitaleratu dituzte ostegunean, aurreko egunean baino lau gutxiago. Gainera, zainketa intentsiboetako unitateetan (ZIU) 83 gaixo daude guztira, aurreko egunean bezala.
Eusko Jaurlaritzak ez du intzidentzia metatuaren inguruko daturik emango astelehenera arte, baina, ostegunean, 100.000 biztanleko 204,5 kasu zeuden EAEn.
100.000 biztanleko intzidentzia metatuaren kasu positiboen tasari dagokionez, ostegun honetan 204,53an zegoen Euskadi osoan (bezperan, 207,75).
69 ikasgela itxita, guztizkoaren % 0,45
Osteguneko datuen arabera, 69 ikasgela itxi dituzte EAEn, bezperan baino zortzi gehiago (% 0,45), Eusko Jaurlaritzako Hezkuntza Sailaren datuen arabera.
Guztira 44 ikastetxek dituzte eskolak itxita, bost gehiagok.
Nafarroa
Kutsatzeek gora egin dute azken orduetan Foru Erkidegoan, eta 73 positibo berri atzemanda, Foru Gobernuak emandako datuen arabera. Azken 38 orduetako daturik txarrenak dira.
Zure interesekoa izan daiteke
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emaztea hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.