EAEk ia 1.000 positibo zenbatu ditu, transmisioaren katea ezin etenda
Ia 1.000 positibo (989) zenbatu dituzte Euskal Autonomia Erkidegoan (EAE) azken 24 orduetan, eta gune gorrian sartzear dago erkidegoa, 100.000 biztanleko 377ko pilatutako tasarekin. Alabaina, ifrentzuan, covid-19a dela eta, uztailaren 5etik 11ra doan astean ez zen inor hil. Datu historikoa da, pandemia hasi zenetik aste epidemiologiko batean ez baita inoiz halakorik gertatu.
Asteazkenero bezala, eguneko buletin epidemiologikoa eta astekoa kaleratu ditu Eusko Jaurlaritzako Osasun Sailak. Azken zazpi egunetan metatutako datuak aztertu ondoren, koronabirusagatik hildako lagunen kopurua zehaztu ohi du. Gotzone Sagardui Osasun sailburuak atzo aurreratu bezala, azken astean ez da inor zendu. Iazko martxotik lehen aldia da halakorik gertatzen dela. Egiari zor, hildakorik zenbatu gabe elkarren segidako hainbat egun izan dira izurria lehertu zenetik, iazko uztailaren 2tik 9ra, esaterako. Dena dela, zazpi egunen segida hori ez zenez igandetik igandera izan (hala dira aste epidemiologikoak), marka ez zuten bere horretan jaso.
Atzoko datuei dagokienez, 1.000 positiboetako langatik gertu geratu da EAE, 11.651 proba diagnostiko egin ostean (proben % 8,5 izan dira positibo). Lurraldeka, ohi bezala, Bizkaian atzeman dituzte gehien (462); Gipuzkoan, ondoren (398) eta Araban (94). EAEtik kanpo bizi diren 35k ere positibo eman dute proban.
Azken 14 egunetako intzidentzia tasa metatuak utzitako panorama ez da hobea: EAE bera eremu gorrian (400eko langa) sartzeko zorian dago, 377 kasu pilatu baititu 100.000 biztanleko, bezperan baino 31 puntu gehiago dira, gainera. Gipuzkoak asteon gainditu du muga, eta azken datua 463 puntukoa da. Arabakoa dezente beherago dago, ordea (277).
Udalerrietan ere ez da giro. Gero eta gehiago dira 400eko tasa gainditzen dutenak, eta gaurkoan beste zazpi udalerri margotu dituzte gorriz, tartean Donostia.
Erietxeetako egoera, okerrera
Transmisioaren igoera ospitaleetan igartzen hasi da. Hori horrela, 99 pertsona daude gela arruntetan (bezperan baino 12 gehiago) eta ZIUetan ere handitu zaie presioa, 26 gaixo daude larri (hiru gehiago). Astearte honetan 31 pertsona ospitaleratu behar izan zituzten, aurreko egunean baino bost gehiago.
Adin tarteei erreparatuta, azken egunetako joerari eutsi zaio, eta gogorren gazteria ari da erasaten izurria. Hori horrela, 17-18 urtekoen intzidentzia tasa metatua 2.772 kasukoa da 100.000 biztanleko (egun bakarrean 113 puntu igo da). Hain goren ez badago ere, kezkagarria da 13-16 urtekoen intzidentzia ere: 804 kasu (+72).
Positibo batek kutsatzen dituen pertsona kopuruari (R0 indizea) dagokionez, hazi egin da, ehunen bat bada ere, 1,30etik 1,31ra igarota. Azken bederatzi egunetako joera hautsi egin da, horrenbestez.
Zure interesekoa izan daiteke
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
3,5 kilometroko auto-ilarak AP-8an, Orioko zubian izandako istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.