Dosi sorta berri batek bultzada emango dio gazteen txertaketari
Aste honetan, Pfizer eta Modernaren txerto gehiago helduko dira Hego Euskal Herrira, eta azkartu egingo da txertaketa. Forondako Aireportura ohi baino 60.000 bat dosi gehiago iritsiko dira. Horrela, gaurtik aurrera Euskal Autonomia Erkidegoak Pfizerren eta Modernaren 180 000 txerto jasoko ditu, eta 70.000 inguru Nafarroak.
Dosi sorta horri esker, abuztuan hitzordu gehiago ematea eta gazteen txertaketari bultzada ematea espero dute.
30-39 urtekoen artean % 70ek jaso dute dosi bat gutxienez, eta % 55,3k pauta osoa. Adin nagusiagokoei dagokienez, dosi bat hartutakoak % 86tik gora dira 50-59 urtekoen artean eta % 90 baino gehiago 60tik gorakoen artean.
Gutxienez dosi bat jaso duten pertsonen kopuruak adinarekin batera egiten du behera. 20-29 urtekoen artean % 45era heltzen da ehunekoa, baina % 35,2an geratzen da 16-19 urtekoen artean eta % 13,5ekoa da 12 eta 15 urte arteko adingabeen kasuan.
| JARRITAKO TXERTOAK ADIN TALDEAREN ARABERA | 1. dosia | 2. dosia |
| 100 urte edo gehiago | % 95,2 | % 94,3 |
| 90-99 urte | % 93,1 | % 93 |
| 80-89 urte | % 97,1 | % 96,7 |
| 70-79 urte | % 95,6 | % 95,5 |
| 60-69 urte | % 92,7 | % 92,3 |
| 50-59 urte | % 91,5 | % 89,7 |
| 40-49 urte | % 86,4 | % 84,9 |
| 30-39 urte | % 70 | % 55,3 |
| 20-29 urte | % 45 | % 20,3 |
| 16-19 urte | % 35,2 | % 7,9 |
| 12-15 urte | % 13,5 | % 1,6 |
Aurreko astean, Gotzone Sagardui Osasun sailburuak esan zuen oraindik 20.000 hitzordu libre zeudela. Orain, agenda hori are gehiago zabaldu ahalko da. Gazteenei eta adingabeen gurasoei hitzordua eskatzeko eskatu zien Sagarduik.
EAEn, 12 urtetik gorakoen % 78k jaso dute gutxienez dosi bat, eta % 71,5i bi dosiak jarri dizkiete.
Asteburuan zehar guztiz edo partzialki itxi dituzten txertaketa guneak, Barakaldoko BEC edo Bilboko Casilla, kasu, berriz ireki dituzte gaur. Txerto gutxiago heldu eta hitzordu gutxiago eskatu ondoren, zentro batzuk itxi zituela baieztatu zuen asteburuan Osakidetzak, eta gaur ireki dituzte berriro. Goizean ireki dituzte berriro, baina ez da ilararik sortu.
Zure interesekoa izan daiteke
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, ibilgailuekin jarraitu dutelako, Eusko Jaurlaritzako Segurtasun Sailak jakinarazi duenez.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.
Monte Perdidon izandako elur-jausiak agerian utzi du Pirinioetan elur-jausiak gertatzeko arriskua handia dela
Azken egunetako elurte gogorrek metro erdiraino utzi dute elurra Aragoiko Pirinioetan, elur-jausien arriskua areagotuz. Astelehenean mendizale batek Monte Perdidon grabatu zuen elur-jausi berri bat, eta Aragoiko Gobernuak arreta handia eskatu die mendialdeetako bizilagun eta bisitariei.
Behin behineko espetxealdia ezarri diote Barakaldon emakume bat hiltzeagatik atxilotutako gizonari
Homizidioa eta eraso sexuala delituak leporatu dizkio epaileak biktimaren lankidea zen 27 urteko gazteari.