Amurrio, Derio eta Pasaia eremu gorritik atera dira
Covid-19aren intzidentzia hobera doa pixkanaka EAEn. Azken orduetan hiru udalerrik lortu dute eremu gorritik ateratzea: Amurriok, Deriok eta Pasaiak, hain zuzen, covid-19ak EAEn herriz herri izan duen eragina neurtzeko Eusko Jaurlaritzako Osasun Sailak erabiltzen duen semaforoaren arabera. Erandio eta Portugalete laranjatik irten eta horiz ageri dira gaur. Elgoibarren soilik egin dute okerrera datuek eta horitik laranjara pasa da.
Euskadik laranjan jarraitzen du. Azken datuen arabera, EAEn metatutako intzidentzia 377 kasukoa da 100.000 biztanleko. Gaixo kritikoen kopurua ere murriztu egin da, 72 pazienteraino.
Arabak (409 kasu 100.000 biztanleko) eremu gorrian jarraitzen du, baita Gasteiz hiriburuak ere.
Amurriok, aldiz eremu latzenetik irten du gaur eta Araban laranjaz ageri den udalerri bakarra da. Agurain eta Laudio, berriz, horiak dira, eta ez dago udalerririk ez eremu berdean.
Bizkaian (381 kasu 100.000 biztanleko) Derio eremu gorritik irten da, baita Bilbo ere, eta 12 dira eremu honetan jarraitzen duten udalerriak: Berango, Bermeo, Getxo, Gernika-Lumo, Gorliz, Güeñes, Leioa, Lekeitio, Ondarroa, Santurtzi, Sestao eta Sopela.
Eremu laranjan, berriz, Abanto, Arrigorriaga, Barakaldo, Bilbo, Erandio, Galdakao, Mungia, Muskiz, Portugalete eta Zornotza daude.
Horian, bestalde, Abadiño, Balmaseda, Basauri, Durango, Elorrio, Ermua, Etxebarri, Markina-Xemein, Ortuella eta Trapagaran daude; gaurtik baita Erandio eta Portugalete ere.
Ez dago herri bakar bat ere berdean.
Gipuzkoan (327 kasu 100.000 biztanleko) eremu gorritik kanpo dago, baita Donostia hiriburua ere. Pasaia eremu gorritik atera denez, zazpi dira eremu horretan dauden udalerriak: Deba, Irun, Lazkao, Mutriku, Oiartzun, eta Usurbil.
Laranjaz margotuta ageri dira Andoain, Azpeitia, Donostia, Eibar, Hernani, Hondarribia, Lasarte-Oria, Legazpi, Lezo, Ordizia, Urnieta, Villabona, Zarautz eta Zumaia. Gaurtik baita Elgoibar ere, egoera okertu eta horitik laranjara pasa baita.
Arrasate, Astigarraga, Azkoitia, Beasain, Bergara, Errenteria, Hernani, Oñati, Orio, Tolosa, Urretxu eta Zumarraga horian jarraitzen dute.
Ez dago udalerririk eremu berdean.
Europar Batasunak onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.