N-1 errepidea itxi egingo dute gaur gauean Lasarte-Orian, arku bat jartzeko
Bidegik AT Sistemako lau arku berrietatik hirugarrena jarriko du asteburu honetan N-I errepidean, Lasarte-Orian (Gipuzkoa), eta, lanok direla eta, larunbateko 22:00etatik igandeko 06:00etara errepidea itxita egongo da bi noranzkoetan.
Arkua Urnietara doan GI-3832 errepideko goiko pasabidearen parean jarriko dute, 452,500 kilometroan, eta, ahal den neurrian, toki horretako joan-etorriak aurreratzea edo atzeratzea gomendatu du Aldundiak.
Alternatiba gisa, Irungo noranzkoan doazen ibilgailuak 451. irteeratik bideratuko dira Lasarte-Oriako hirigunea N-I zaharretik zeharkatuz eta Goiegiko biribilgunearen parean berriz ere autobidean sartzeko.
Donostiatik Gasteizerantz doazenek GI-11 errepideko 1. irteera erabili beharko dute eta ibilbide bera egin kontrako noranzkoan Zubietako biribilguneraino. Irundik AP-8tik eta Donostiako bigarren ingurabidetik Lasarte-Oriara doazenek 19. irteera erabili beharko dute eta A-15 errepidetik jarraitu Andoaineraino eta Bazkardoko lotunean Lasarte-Oriarantz hartu. Mozketak eta desbideratzeak seinaleztatuta egongo dira.
Etzegaraten, Ordizian, Andoainen, Astigarragan, Beasainen edo Tolosan daudenen ezaugarri berberak izango ditu arku berriak: ia 30 metroko luzera eta 16 tonatik gorako pisua. Matrikulak irakurtzeko eta ibilgailuaren jarraipena egiteko 12 kamera izango ditu, argi infra-gorriarekin, sei noranzko bakoitzean, eta 12 antena TAGak irakurtzeko eta ibilgailuak kokatzeko, hauek ere sei noranzko bakoitzean.
Era berean, sei laser detektagailu izango ditu, noranzko bakoitzeko hiru, eta horiek egingo dute ibilgailuak sailkatzeko detekzio bolumetrikoa. Aurreikuspenen arabera, azaroaren amaieran altxatuko da arkuetan azkena A-15 autobidean, Belabietako tunelaren parean.
Zure interesekoa izan daiteke
Bilboko Da Vinci diskotekako sabaia erori da
Bilboko Da Vinci pub ezaguna itxita dago, lokaleko sabaiaren zati bat behera etorri ondoren. Antza denez, etxebizitza taldeko ur-hodi batek huts egin du eta erorikoa eragin du. Behin behinean itxita dago diskoteka, eta konpontze lanek bi hilabete iraungo dutela aurreikusten dute arduradunek. Zorionez, ez da zauriturik izan istripuan.
Joxerramon Bengoetxea: “Plazak behin behinekoak dira, nahiz eta propio sortu zitzaien”
Joxerramon Bengoetxeak, Euskal Herriko Unibertsitateko errektoreak, adierazi du euskarazko kalifikazio baxuengatik errekurtsoa aurkeztu zuten ikasleentzako plazak "behin-behinekoak" direla, eta guzti hori "auto judizialetan jasota" dagoela ziurtatu du. Horrenbestez, plaza horiek ez dute bermatzen unibertsitatean jarraitzea; izan ere, euskarako notak batez bestekorako balioko balu, askok plazarik gabe geratuko lirateke. Gainera, errektoreak azaldu duenez, "normaltasunez" ari da aurrera egiten matrikulazio prozesua eta mozketak notak, beste urte batez.
Jaurlaritzak ezingo dizkie funtzionarioen "hizkuntza baldintza berak" eskatu azpikontratutako enpresei
CC.OO. sindikatuaren helegite bati erantzunez, EAEko Justizia Auzitegi Nagusiak emandako epai bat berretsi du Gorenak. Behin betikoa da erabakia.
BetiON zerbitzuak ahots bidezko abisuak bidaliko ditu, ezohiko egoeren berri emateko
EAEko Telelaguntza Zerbitzu Publikoak, betiONek, ahots-mezuak bidaliko dizkie erabiltzaileei, ezohiko egoeren berri emateko: bero-bolada bat, sute bat edo etxetik gertu izandako isuri toxiko bat, adibidez. Nerea Melgosa Eusko Jaurlaritzkao Ongizatea, Gazteria eta Erronka Demokrafikoaren sailburuak aurkeztu du ekimena.
Eklipsea ikusteko abuztuaren 12an joan-etorriak saihestea eskatu du Eusko Jaurlaritzak
Betaurreko homologatuekin eta norbera dagoen lekuan ikustea gomendatu du; hain zuzen, errepideetan trafiko sarria aurreikusten baita. Bestalde, Hiruk, garraiolari autonomoen sindikatuak, zirkulazioa debekatzeko erabakiaren aurka egin du.
Edadekoak, sanferminetako azken txanparen protagonista: adinak ez du festarako gogoa zapuzten
Gaur adinekoen eguna da sanferminetan. San Lorentzo elizan meza eman dute goizean, eta Iruñeko Udaletxean harrera ofiziala egin zaie ehun urtetik gorako herritarrei. Erritmoa eta alaitasuna Kasinora ere eraman dira ohiko Alpargataren Dantzarekin. Egunari amaiera Orquesta Mondragonen kontzertuak emango dio, arratsaldean.
Sanferminetako "Gaixoa ni", zuzenean
Udaletxeko plazatik zuzenean.
Euskadi Urdina estrategia aurkeztu du Eusko Jaurlaritzak, itsas eta arrantza-sektorearen belaunaldi-erreleboa bermatzeko
Talentu gaztea erakartzea, berrikuntza bultzatzea, portuak modernizatzea eta itsasoari lotutako aukera ekonomiko berriak sortzea dira helburu nagusiak.
Almeriako sutean hildako sei pertsona identikatu dituzte
Juanma Moreno Andaluziako presidenteak herritarrei ohartarazi die klima aldaketak bere erkidegoan duen eragina "oso handia" dela, eta kontzientziazioa eta "sentsibilitatea" eskatu die.
Ondarroan falta zen urpekari baten gorpua aurkitu dute
Ertzaintza eta larrialdi zerbitzuak Ondarroako uretan desagertutako 57 urteko gizonaren bila aritu dira igandetik.