Azken berriak

Guggenheimen proiektuaren harira abian jarritako entzute prozesuaren azken txostena aurkeztu du gaur Bizkaiko Aldundiak. Ondorioen artean, adostasun bat nabarmendu dute: parte-hartzaile gehienak bat etorri dira biosfera babesteko eta eskualdeko eredu sozioekonomikoa birpentsatzeko beharra nabarmentzean. 

Epaileak delitu zantzuak ikusi ditu eraikina eraisteagatik. Eraikinak babes maila lokala zuen, eta 10 pertsona ikertzen ari da, horietatik 3 EAJko zinegotziak.

Buesa Arena pabilioitik abiatuko dira protestak bi egunotan, baina asteazkenekoa Eusko Jaurlaritzaren egoitzaren atarian amaituko da, eta ostegunekoa, berriz, Espainiako Gobernuak EAEn duen ordezkaritzaren aurrean.   

Juntsek Salvador Illa Generalitateko presidentea egin du Rodaliesen krisiaren erantzule, eta, ERCrekin batera, Silvia Paneque Lurralde kontseilariaren eta Oscar Puente Garraio ministroaren kargugabetzea eskatu du.

Euskadiko 80 upategi, edari enpresak, nazioarteko inportatzaileak... guztira 700 bat profesional batu dira Gure Ardoak azokan, Euskalduna Jauregian. Euskal ekoizleen eta bertako zein nazioarteko inportatzaileen topagune bat da, lurraldeko eskaintza hobeto ezagutzeko eta elkarlan komertzialerako aukerak garatzeko

Haize-boladek 100 km/h-ko abiadura gaindi dezakete Araban eta Bizkaian, eta 70 km/h-koa Nafarroako Kantauri isurialdean.

Ran Gvili polizia israeldarraren gorpuzkiak berreskuratuta, bahitutako guztien hilotzak Israelgo Estatuaren esku geratu dira. Pauso hau ezinbesteko baldintza zen Israelek Rafahko pasabidea zabaltzeko, eta Trumpek sustatutako bake planaren bigarren faseari ekiteko.

Familiak omenaldi instituzionalak amai daitezen nahi duenez gero, Donostiako Loiolatarra Kirol Elkarteak azken aldiz omendu du astelehen honetan ETAk duela 25 urte hil zuen Ramon Diaz Garcia bazkidea eta Donostiako Itsas Komandantziako sukaldaria.

Dagoeneko hasi dituzte 100 megawatteko (MW) eskala handiko bigarren elektrolizagailua eraikitzeko lanak Petronorreko findegian, Muskizen (Bizkaia). Aurreikuspenen arabera, 2029an jarriko dute martxan, eta hasierako inbertsioa 300 bat milioi eurokoa izango da.

Era berean, ez da baztertzen gurpiletan "akatsa" izatea, nahiz eta CIAFek, oraingoz, errailaren hausturaren aukera lehenetsi.