Zigor Kodearen erreforma defendatu du Calvok, "jokabide demokratikoetara egokitzeko"
Carmen Calvo Espainiako Gobernuko presidenteordeak Zigor Kodea erreformatu eta matxinada eta sedizio delituen gaur egungo araudia berrikusteko beharra nabarmendu du, "Espainiako eguneroko bizitzan onartutako jokabide demokratikoak eta Europako zuzenbidean jasotako delitu penalak hobeto egokitzeko asmoz".
"Konstituzioa onartu aurretik aurreikusitako delitu batzuk jasota daude Zigor Kodean, inoiz gertatzea nahi ez ditugun jazoerekin bat ez datozenak (…) Guk, alderdi politiko gisa, beti izan dugu gure gobernu-programan eta lege-erreformarako proiektuen baitan Zigor Kodearen aldaketa gauzatzeko asmoa, Espainian eguneroko bizitzan onartutako jokabide demokratikoekin bat etorri behar dela uste dugulako. Izan ere, Alemaniako Justiziak emandako epairen batean, gure Zigor Kodean jasotako delitu batzuk arrotzak direla ohartarazi zigun", azpimarratu du Calvok asteazken honetan, Ser irratian egindako elkarrizketa batean.
Zehazki, Pablo Llarena epaileak Carles Puigdemont Kataluniako presidente ohia Espainiaratzeko egindako eskaerari uko egin zion Alemaniako Justiziaren erabakiaz hitz egin du Calvok.
Halaber, Espainiako Gobernuko presidenteordeak gogora ekarri duenez, "herrialde honetako egoera batzuekin gutxi egokitzen diren delitu penalak" daudela ohartarazi zuen Sanchezen Exekutiboak proces auziko buruzagiak epaitu zituen prozesu judizialean, Estatuko Abokatutzaren bitartez, urriaren 14ko epaian egiaztatu zen moduan. Izan ere, proces auziaren lehen epaian, Kataluniako buruzagi independentistak sedizioagatik kondenatu zituztela gogoratu du, Fiskaltzak matxinada leporatzen zien arren.
Arrazoi horregatik, Pedro Sanchez Espainiako Gobernuko presidenteak matxinada eta sedizio delituen tipifikazioa eguneratzeko proposamena egingo du Kongresuan, "egungo errealitatera hobeto egokitu daitezen". Oraingoz ez du xehetasunik eman, baina gainerako talde parlamentarioen babesa beharko du Zigor Kodearen balizko erreforma aurrera eramateko.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.