Memoriaren lege proiektuak frankismoa goratzen duten taldeak debekatuko ditu
Espainiako Gobernuaren Ministroen Kontseiluak Memoria Demokratikoaren lege proiektua onartuko du gaur. 2007tik indarrean dagoen legea ordezkatuko du, Zapateroren exekutiboak onartutakoa. Legeak ekarriko dituen berrikuntzen artean, diktadurari gorazarre egiten dioten eta "biktimak gutxiesten" dituzten fundazio edo elkarteak desegin eta debekatu egingo dira; Francisco Franco Fundazioa, esaterako.
Arauak 1936ko uztailaren 18ko estatu kolpea eta ondorengo diktadura gaitzetsi eta frankismo garaian egindako epaiketa errepresiboak baliogabe utziko ditu. Frankismoaren apologia egiten duten elkarteak debekatzeaz gain, biktimen gorpuzkiak berreskuratzeko lanak bultzatzea eta desagertuta dauden pertsonak identifikatzeko DNA bankuak sortzea proposatzen du legeak. Halaber, Auzitegi Gorenean fiskaltza berezi bat sortzea aurreikusi du biktimen eskubideak babesteko eta frankismoko krimenak ikertzeko.
Erorien Harana ere jomugan jarriko du legeak, eta hori kudeatzen duen fundazioa (Santa Cruz Fundazioa) bertan behera uztea ekarriko du. Horrela, bertan dauden monje beneditarrek Harana utzi beharko dute (edozein kasutan, azken kontu hori Elizarekin negoziatu nahi du Espainiako Gobernuak). Akordio hori heldu bitartean Espainiako Ondareak hartuko du horren ardura.
2007ko legeak ez zituen arau-hausteak zigortzen, baina honakoak 140.000 eurorainoko isunak aurreikusi ditu urratze larrienetarako; hobiei eraso egiteagatik edo frankismoa goratzeagatik, adibidez.
Lege proiektua behin onartuta, Gorteetara bidaliko dute izapidetzen hasteko. Kongresura irailean helduko da. Arrazoi ezberdinak tarteko, testua ez da taldeen guztiz gustukoa. Unidas Podemosen arabera, legea "positiboa da, baina hankamotz" geratzen da hainbat esparrutan; beraz, hobetzen saiatuko direla iragarri du. Besteak beste, biktimentzako kalte-ordainak eskatuko ditu eta "trantsizio garaian egindako eskubide urraketak diktatura krimentzat" hartzea galdegingo du. Alderdi Popularrari, ordea, ez zaio batere gustatu, eta boterera heltzen denean beste bat onartuko duela iragarri du ("Adiskidetasun Legea" izango dela esan dute). Voxek, berriz, Auzitegi Konstituzionalera joko duela esan du.
Podemosen antzera, frankismoaren kontrako elkarteek adierazi dute Espainiak memoria historikoaren lege berria behar duela, baina lege proiektu horrek "hutsuneak" dituela salatu dute.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.