Hauteskunde orokorretan posta bidez bozkatzeko epea, irekita
Gaurtik hasita, uztailaren 23an izango diren hauteskunde orokorretarako posta bidezko botoa emateko eskaera egin daiteke, hauteskunde-hitzordua aurreratzeko errege dekretua Estatuko Aldizkari Ofizialean, BOEn, argitaratu ondoren. Uztailaren 13ra arte egin daiteke eskaera, Correosen edozein bulegotan, legeak ezartzen duenaren arabera.
Hala, udal eta autonomia hauteskundeen emaitzak ezagutu eta astebete baino gutxiagora, herritarrek posta bidezko botoa emateko eskaera egin ahal izango dute hurrengo hauteskundeetarako. Uda sasoian egiten diren lehen Espainiako hauteskundeak izango dira. 2020ko EAEkoak ere uztailean izan ziren.
Hain zuzen ere, uztailaren 13ra arte egongo da eskaera egiteko epea zabalik. Norberak bere NANarekin egin beharko du eskaera, Espainian botoa posta bidez emateko eskaera egiteko. Uztailaren 19a baino lehen bidali beharko da, bidalketa ziurtatu bidez.
Eskabide-orria Espainiako Gobernuaren Barne Ministerioaren webgunean eskura daiteke, eta bide telematikoz aurkezteko aukera dago Correosen webgunean edo aurrez aurre, horren bulegoetan.
Egun batzuk geroago, eskaera egiten duen pertsonak gutun bat jasoko du etxean, alderdi politiko bakoitzaren boto-txartelak, erroldako inskripzio-ziurtagiria eta botoa ematea dagokion hauteskunde-mahaiko datuak jakinarazteko.
Boto-txartela aukeratu eta dagokion gutun-azalean sartuta, herritarrak itxi egingo du, hauteskunde-mahaiari zuzendutako beste gutun-azalean sartzeko. Gutun-azal horretan, gainera, erroldako inskripzio-ziurtagiria sartu behar du. Botoa igorri ondoren, hautesleak ezin du botoa aurrez aurre eman.
Beste herrialdeetan bizi diren herritarrak
Hautesle Erroldaren Bulegoak ofizioz bidaltzen du beharrezko dokumentazioa, eta lehen aldiz txartelak ere telematikoki eskuratu ahal izango dituzue.
Posta ziurtatuaren bidez bozkatzen bada, atzerriko egoiliarrak dagokion boto-txartela sartu behar du bozkatzeko gutun-azalean, eta, hori, beste gutun-azal batean sartu, Probintziako Hauteskunde Batzordeari zuzenduta. Bertan, erroldako inskripzio-ziurtagiria, pasaportearen edo NANaren fotokopia bat edo nazionalitate-ziurtagiria ere sartu behar dira, besteak beste.
Dena dela, kanpoan bizi diren espainiarrek Espainiako enbaxada, kontsuletxe edo horretarako gaitutako zentroetan ere eman dezakete botoa, uztailaren 20ra arte.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.