EAJren Aberri Batzarrak aho batez onartu ditu talde jeltzalearen zerrendak U23ko bozetarako
EAJren Aberri Batzarrak aho batez onartu ditu uztailaren 23ko hauteskunde orokorretara alderdi jeltzaleak aurkeztuko dituen hautagaiak, larunbat honetan egindako ezohiko bileran.
Andoni Ortuzar EBBko presidentearen arabera, "ondo pentsatu behar da nork defendatu eta kudeatuko dituen hoberen Euskadin bizi garen pertsonen interesak. EAJk ibilbide luze eta oparoa egin du Madrilen euskal interesen defentsan, 100 urte baino gehiago dira". Testuinguru horretan, buruzagi jeltzaleak adibide gisa jarri ditu "handik, Madrildik, kudeatzen diren euskal herritarren inbertsioak, proiektuak, azpiegiturak eta, jakina, euskal herritarron eskubideak, ongizatea, eskubideak eta askatasunak".
Bestalde, Aitor Esteban Kongresurako EAJren Bizkaiko zerrendaburuak azpimarratu duenez, uztailaren 23an "ez dira Sanchez edo Feijoo aukeratzen, datozen lau urteetan Kongresuan eta Senatuan lau lurraldeak ordezkatuko dituzten pertsonak baizik". "Helburua ez da zuria edo beltza aukeratzea, kolore gehiago daude, besteak beste, EAJren berdea; EAE, herritarrak, erakundeak, autogobernua eta ongizatea defendatzeko talderik onena duena", gaineratu du jeltzaleak.
"Azken urteotan, Kontzertu Ekonomikoa blindatu dugu, Kupoaren Bosturteko Legea berritu dugu, Bizitzeko Gutxieneko Diru-sarreraren transferentzia lortu dugu, pentsioak hobetu ditugu, Abiadura Handiko Trena gure hiriburuetara heldu behar den bezala iristea lortu dugu, surfeko eta pilotako euskal selekzioen ofizialtasuna ahalbidetu dugu (...) Gauza horiek guztiak egin ditugu, eta gauza asko gehiago egingo ditugu, talde onena izango dugulako Madrilen", esan du hautagai jeltzaleak.
Maribel Vaquero EAJk Gipuzkoan Kongresurako aurkeztuko duen zerrendaburuak bere aldetik adierazi duenez, "asko dago jokoan Madrilen" eta EAJ "lanaren, elkarrizketaren eta akordioaren eredu" argia dela nabarmendu du. Mikel Legarda Kongresurako Arabak aurkeztuko duen zerrendaburuak, berriz, Herrialdea hurrengo lau urteotan ordezkatzeko aukera eskertu du, "zerbitzu publikoa izateko asmo berrituarekin, aurrean ditugun erronkak zein diren argi izanik eta konfiantza osoa izanik Euskadirengan, herritarrengan eta alderdiarengan".
Aitor Esteban será el cabeza de la lista por Bizkaia al Congreso, Maribel Vaquero ocupará la primera posición en Gipuzkoa y Mikel Legarda será el número uno en la lista de Araba/Álava. Asimismo, el primer lugar en la candidatura al Congreso por Navarra lo ocupará María Solana, si bien el PNV concurrirá en la Comunidad Foral en el seno de Geroa Bai y la lista definitiva será resultado de un proceso negociador entre los agentes que conforman la coalición
Hauek dira EAJren Aberri Batzarrak onartutako zerrendak
Aitor Esteban izango da Kongresurako Bizkaiko zerrendaburua, Maribel Vaquero lehena Gipuzkoan jeltzaleen zerrendan eta Mikel Legarda lehena Araban. Era berean, Maria Solanak izango du Kongresurako Nafarroako hautagaitzaren lehen aukera, baina EAJ Geroa Bairen baitan aurkeztuko da Foru Erkidegoan, eta behin betiko zerrenda koalizioa osatzen duten eragileen arteko negoziazio-prozesu baten emaitza izango da.
Araba
- Kongresua: Mikel Legarda Uriarte, Ane Miren Atin Ruiz de Viñaspre, Anartz Gorrotxategi Elorriaga eta Maite Cortazar Aguera
- Senatua: Almudena Otaola Urquijo, Rosa Peral Diez eta Juan Carlos Medina Martinez
Bizkaia
- Kongresua: Aitor Esteban Bravo, Idoia Sagastizabal Unzeta-barrenetxea, Imanol Landa Jauregi, Nerea Renteria Lasanta, Ager Izagirre Loroño, Maitane Ipiñazar Miranda, Amaia del Campo Berasategi eta Oihane Agirregoitia Martínez
- Senatua: Nerea Ahedo Ceza, Maria Dolores Etxano Varela eta Igotz Lopez Torre
Gipuzkoa
- Kongresua: Maribel Vaquero Montero, Joseba Andoni Agirretxea Urresti, Josu Arraiz Aranburu, Olatz Peón Ormazabal, Loreto Osa Ocon eta Iñigo Barandiaran Benito
- Senatua: Luke Uribe-Etxebarria Apalategi, Mertxe Garmendia Bereciartu eta Rafa Uribarren Axpe
Nafarroa
- Kongresua: Maria Solana Arana, Amaiur Guindeo Arandigoien, Idoia De Carlos Espartero eta Daniel Innerarity Grau
- Senatua: Ana Lujan Martinez eta Javier Ollo Martínez
Zure interesekoa izan daiteke
Nafarroako ikastolek uste dute oraindik badagoela "negoziatzeko tarterik" hezkuntza itunen inguruan
Nafarroako Parlamentuak UPNren lege-proposamena eztabaidatuko du ostegun honetan, ikasgelak aldatzeko irizpideak finkatzea helburu duena.
Pradalesek uste du Vatikanora egindako bisitarekin Euskadiren eta Egoitza Santuaren arteko harremana indartu egin dela
Imanol Pradales lehendakariak Leon XIV.a aita santua agurtu du Vatikanoko audientzia orokorrean, eta, ondoren, ia ordubetez bildu da Pietro Parolin Estatu idazkariarekin. "Balio sinboliko eta instituzional handiko topaketa izan da, Euskadiren eta Egoitza Santuaren arteko harremana sendotzeko aukera" ematen duela ziurtatu du.
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".
Chivitek bere "zintzotasuna" jarri du "berme" gisa: "Inork ez du nire jardunean deliturik aurkitu, ezta aurkituko ere"
Nafarroako Gobernuko presidenteak agerraldia egin du Nafarroako Parlamentuko ikerketa batzordean, eta azpimarratu du bere gobernuan ez dagoela ustelkeriarik.
Pradalesek aita santua Euskadira gonbidatu du, eta "Gernika" lanarekin eta euskararekin lotutako opariak eman dizkio
Eusko Jaurlaritzak oparien balio sinbolikoa nabarmendu du, memoria historikoa, bakearen defentsa eta kultura- eta hizkuntza-aniztasunaren babesa aldarrikatzen baitute.
Geroa Baik akordioa bultzatu nahi du sozialistekin, itunpeko ikastetxeetako ikasgelak ixtea saihestu eta hezkuntza sistema soseguz berrantolatzeko
Unai Hualde, Geroa Bairen Nafarroako Parlamentuko Presidenteak aitortu du tentsio handia sortu duela PSNren eta Geroa Bairen artean, Hezkuntza kontseilariak ikasgelak ixteari buruz egindako iragarpenak, batez ere ikastolak ahulduko dituelako. Geroa Baik ikasgelarik ez ixteko eta hezkuntza sistema soseguz berrantolatzeko denbora eskatu dio alderdi sozialistari. Bihar bozkatuko dute Foru Gobernuan UPNk itunpeko ikastetxeak blindatzeko aurkeztu duen lege proposamena, eta, hori bozkatu beharrik ez izateko, biharko bozketaren aurretik gobernuko taldeen artean akordioa lortzea nahi du Hualdek.
Albiste izango dira: Pradales lehendakariaren eta Leon XIV.a aita santuaren arteko bilera, Trumpen bidaia Txinara eta "Enarak" dokumentalaren estreinaldia ETB1en eta ETBONen
Orain-ek gaur landuko dituen albiste nagusien laburpena.
Pradales lehendakaria Leon XIV.a aita santuarekin bilduko da gaur, Vatikanoan
Imanol Pradales lehendakariak audientzia orokorrean parte hartuko du, Leon XIV.a aita santuak gonbidatuta. Eusko Jaurlaritzaren arabera, balio handiko bilera izango da, eta Euskadik nazioartean duen presentzia instituzionala indartuko du.
Otxandianok euskararen gaian berdinen arteko negoziazioa egin dadila eskatu du, eta Olanok erantzun du prozesuan ados jar daitezkeela
EH Bilduk Enplegu Publikoaren lege proposamenak parekotasunez negoziatzea eskatu dio EAJri. Jeltzaleek, ordea, edukiei dagokionez elkarrengandik oso urrun ikusten ditu bi proposamenak.
Uxue Barkosek ukatu egin du bere agintaldian ustelkeriarik izan zela, eta zirutatu du ez duela Cerdanekin sekula negoziatu
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko ikerketa batzordean.