Hezkuntza Legea onartu dute Legebiltzarrean, euskal hezkuntza sistema datozen 20 urteetan arautuko duen testua
Eusko Legebiltzarrak gaur onartu du Euskal Autonomia Erkidegoko Hezkuntza Legea, euskal hezkuntza sistema datozen 20 urteetan arautuko duen testua. Aurreikuspenak bete dira eta EAJren eta PSE-EEren aldeko botoekin bakarrik atera da aurrera, oposizioko talde guztiek (EH Bildu, Elkarrekin Podemos-Ezker Anitza kontra bozkatu baitute.
Gaurko osoko bilkuran, oposizioko talde parlamentarioek araua kritikatu dute.
Jose Manuel Gil Ciudadanoseko legebiltzarkideak adierazi duenez, gaur onartutako Hezkuntza Legea "txarra" da eta aurrekoa "hobea" zela aldarrikatu du. Gaineratu duenez, testua "kutsatuta" dago EH Bilduren zuzenketekin eta uste du hobe izango zela "prozesu berri bat" abiatzea.
Amaia Martinez Voxeko legebiltzarkide bakarraren esanetan, koalizio gobernuaren Hezkuntza Legea da, "berea bakarrik", nahiz eta EAJk eta PSE-EEko EAEko herritarren erdia baino apur bat gehiago ordezkatzen duten.
Carmelo Barriok (PP) azpimarratu du lege "txarra" eta "negatiboa" izango dela, benetako hezkuntza beharrak beteko ez dituela iritzita. Horren ustez, ikasle euskaldunei eta baliabide ekonomikoak dituztenei bakarrik bermatuko die arrakasta. "Ez da Hezkuntza Lege bat, hizkuntza politikako lege bat baizik", gehitu du.
Miren Gorrotxategi Elkarrekin Podemos-Ezker Anitza talde parlamentarioko bozeramailearen arabera, euskal hezkuntza sistema hobetzeko "aukera galdu" da, sistemaren arazoei aurre egin beharrean "betikotu" egingo dituelako. "Europako hezkuntza sistemarik pribatizatuena daukagu eta betikotu egingo du segregazioa", gaineratu du.
Maria Jesus San Jose PSE-EEko legebiltzarkidearen iritziz, sozialistek tinko eutsi diete beren eskariei, eta hezkuntza eraikuntza nazionalera bideratzea eragotzi dute.
EH Bildutik Ikoitz Arrese legebiltzarkidearen arabera, koalizio gobernuaren "porrota" da legea EAJren eta PSE-EEren botoekin bakarrik onartzea. Halaber, EH Bildu Hezkuntza Legearen testutik "baztertu" dutela kritikatu du.
Gorka Alvarez EAJren talde parlamentarioaren izenean esan du gaurkoa "egun garrantzitsua" dela euskal hezkuntza sistemarentzat, lege berriak "datozen hamarkadetako hezkuntza erronkei aurre egiteko bidea errazten duelako". Gainera, EH Bilduri erantzun dio "gustatu ala ez" lege hori beraiekin adostutakoa dela.
Luzea izan da legeak egindako bidea, baita malkartsua ere. 2022ko apirilaren 7an Eusko Legebiltzarrak etorkizuneko Hezkuntza Legearen oinarriak onartu zituen, hezkuntza ituna sinatu zuten lau taldeen aldeko botoei esker (EAJ, EH Bildu, PSE-EE eta Elkarrekin Podemos-IU). PP, Ciudadanos eta Vox hasieratik agertu ziren legearen kontra, "nazio eraikuntzarako" erabili nahi zela argudiatuta.
Legebiltzarreko tramitazioaren hasieran adostasun maila handia bazen ere, bidean babesak galtzen joan da lege testua. Elkarrekin Podemos-IU izan zen akordiotik kanpo geratzen lehena, eta ituna haustea egotzi zion Jaurlaritzari. Azken hilabeteotan heldu da EH Bilduren ezezkoa, EAJk eta PSE-EEk araudiaren hitzaurrean hizkuntza ereduei buruz sartu duten aipamena tarteko. Hala, oposizioak salatu du legeak hizkuntza ereduak betikotzen dituela eta hezkuntza publikoa lehenesten ez duela.
Gasteizko ganberatik kanpo, Kontseilua, Eskola Publikoaz Harro, eta euskalgintzako beste eragile batzuk ere azaldu dira legearen kontra. Hain justu, Euskal Herrian Euskaraz eta Euskal Eskola Publikoaz Harro taldeek elkarretaratze bana egin dute Legebiltzarraren atarian.
Zure interesekoa izan daiteke
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.
Espainiako Gobernuak hesi bat jarri du Ceutan, mugako morruan
Auzitegi Gorenak ebatzi zuen berehalako itzulketak soilik egin daitezkeela "mugako elementuak" gainditzen dituztenen kasuan. Hesia jarrita baldintza hori bete nahi du.
Ceutako muga normaltasuna berreskuratzen ari da pixkanaka, eta hildakoak 67 dira jadanik
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Milaka migratzaile Marokora itzuli dira jada, Ceutara masiboki iritsi ondoren
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.
Italiak Schengen akordioa eten du Espainiarekin, eta kontrolak ezarri ditu portu eta aireportuetan
Gutxienez hilabetez, kontrolak ezarriko dizkie Espainiatik doazen eta europar jatorria ez duten bidaiariei; Europar Batasuneko gainerako herrialdeetatik doazenek, berriz, ez dituzte kontrol horiek gainditu beharko.
Puyko jaitsiera bertan behera utzi dute Lizarran, hirugarrenez
Uztailaren 29an egindako osoko bilkuran, oposizioko taldeek bat egin zuten bozketan, eta UPNri erabakia zuzentzeko eskatu zioten mozio bat aurkeztuta. Iaz bezala, Marta Ruiz de Alda alkateak kotxez egin du jaitsiera, txosnak beste toki batean jartzea aldarrikatzen ari ziren herritarrak zeuden kaletik ez jaisteko.
Milaka migratzaile Marokora itzultzen hasi dira
50.000 migratzaile baino gehiago Ceutan sartu ostean, hiri autonomoa gainezka dago, eta askok Marokora itzultzeari ekin diote.
Jaurlaritzak ukatu egin ditu Solariak Araban parke fotovoltaikoak eraikitzeko eskatutako 19 baimenak
Industria, Trantsizio Energetiko eta Jasangarritasun Sailak argudiatu du iraungi egin direla garraio-sarera sartu eta konektatzeko emandako baimenak.
Feijook "salbuespenezko" neurriak eskatu ditu migrazio krisiaren aurrean, lehen erreakzio politikoak iritsi diren bitartean
PPko buruak Ceutako segurtasuna indartzeko, Atzerritarren Legea erreformatzeko eta Pedro Sanchezek Kongresuan agertzeko eskatu du. ERCk, Voxek eta IUk ere migrazio krisiaren inguruko jarrera azaldu dute.