Apirilaren 21eko hauteskundeei begira ospatuko dute Aberri Eguna EAJk eta EH Bilduk
EAJk eta EH Bilduk euskal nazioa aldarrikatuko dute Aberri Egunaren harira igande honetan, martxoaren 31n, egingo dituzten ekitaldietan, baina apirilaren 21eko hauteskundeak izango dituzte jomugan, kanpaina hastear den honetan.
Jeltzaleek hautesleak mugiarazteko deia egingo dute gaurkoan, hauteslekuetan garaipena lortzeko helburuarekin, eta horixe bera egingo du koalizio independentistak, aldarrikatzen ari diren "ziklo aldaketa" gauzatzeko.
Ekitaldi, eszenatoki eta lelo desberdinekin, EAJk eta EH Bilduk hauteskunde lehia betean ekingo diote Aberri Egunari, apirilaren 4tik 5erako gauean hasiko den hauteskunde-kanpainari begira, dirudienez erabakigarria izango baita jeltzaleek garaipena berresteko edo independentistek 'sorpassoa' lortzeko. Inkestek berdinketa teknikoa aurreikusi dutenez, badirudi herritarrak mobilizatzea eta zalantzatien botoak eskuratzea izango dela giltza.
Aurtengo Aberri Egunean ere, EAJk eta EH Bilduk Bilbo eta Iruñea aukeratu dituzte, hurrenez hurren, Aberri Eguna ospatzeko. Bilboko Plaza Barriak hartuko du jeltzaleen ekitaldi politikoa, eta Imanol Pradales izango du protagonista.
EAJ eta EH Bildu Euskal Herria Baterak Aberri Egun "bateratua" eskatzeko egindako ekitaldian izan dira
EAJk "Indar berria, Euskadi berria" leloa aukeratu du aurtengorako, Pradales lehendakarigaiak kanpainaurreko ekitaldietan aipatu ohi duen ideia. Pradalesen estreinaldia izango da hautagai gisa, aurreko urteetan ikusle izan ostean.
EAJk hauxe azpimarratuko du 2024 honetarako prestatu duen adierazpenean: "Euskal herritarrek erabakiko dute une oro erabateko askatasunera iristeko bidea". Euskadi "egunetik egunera nazioago" dela iritzita, "adostasun zabala" lortu nahi du EAJk EAEn autogobernuan sakontzeko, ondoren "indar nahikoarekin" defendatu ahal izateko Estatuan.
11:30ean hasiko den ekitaldi politikoan, Iñigo Urkullu, Andoni Ortuzar, Beatriz Berlanga EGIren Aberri Kontseiluko idazkaria eta Oihane Agirregoitia Europako hauteskundeetarako zerrendaburua igoko dira eszenatokira Pradalesekin batera.
EH Bilduk, berriz, 'Nazioa gara' izango du lelo Iruñean egingo dituen ekitaldietan. "Berdinen arteko euskal errepublika" aldarrikatuko du, euskal herritarrek "etorkizunaz libre eta demokratikoki" erabaki dezaten.
Nafarroako hiriburuan, koalizio subiranistak zenbait eremu eta jai giroko ekitaldi antolatu ditu. Eguerdian, manifestazioa abiatuko da Golem zinemetatik Antoniutti parkeraino, eta bertan, besteak beste, Arnaldo Otegi EH Bilduren koordinatzaile nagusiak hartuko du hitza.
Aberri Egunean parte hartuko duten milaka herritarrekin batera egongo dira Diana Riba Giner ERCko eurodiputatua eta Ruben Cela BNGko kidea, Europako hauteskundeetan elkarrekin aurkezteko akordioa egin ostean.
Ohikoa den legez, Ipar Euskal Herrian EH Baik egingo du ekitaldia, Uztaritzen hain zuzen ere, eta "euskal nazioarekiko errespetua" eskatuko du.
Ahal Dugu eta Sumar
Ahal Duguk eta Sumarrek ere egingo dituzte ekitaldi edo adierazpenak Aberri Egunaren harira. Alderdi morea 2016an hasi zen Aberri Egunean parte hartzen, eskubide sozialei lotutako "erabakitzeko eskubidea" aldarrikatuz. Azken urteetan, adierazpen bat kaleratu du.
Bestalde, Alba Garcia Sumarreko lehendakarigaiak agerraldia egingo du Bilbon, 11:30ean.
Zure interesekoa izan daiteke
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak ukatu egin du CNIren txostenik egon zenik.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.