Atzerriko botoak ez du eraginik izan apirilaren 21eko hauteskundeetako eserlekuen banaketan
Hauteskunde Batzordeek ostiral honetan ekin diote EAEtik kanpo bizi diren Arabako, Bizkaiko eta Gipuzkoako hautesleen botoak zenbatzeari. 2024ko apirilaren 12ko Eusko Legebiltzarrerako hauteskundeetarako, 8.000 boto inguru iritsi dira atzerritik.
Bizkaiko eta Arabako botoak zenbatu dituzte dagoeneko, eta ez dute aldaketarik eragin igandeko hauteskundeetako emaitzek lurralde horietan utzitako eserlekuen banaketan. Gipuzkoako botoak zenbatzeko lana gehiago luzatu da.
Bizkaiko Hauteskunde Batzordeak igorritako datuen arabera, EAJk lortu ditu atzerrian bizi diren bizkaitarren boto gehien, 1.017; EH Bilduk, 604; PSE-EEk, 531; PPk, 511; Voxek, 168; Sumarrek, 100, eta Podemosek, 87. Beste hautagaitzek, batuta, 98 boto lortu dituzte. 13 boto zuri jaso dira.
Araban, EAJk 173 boto jaso ditu, EH Bilduk 160, PSE-EE 143, PPk 129, Elkarrekin Podemosek 37, Voxek 33 eta Sumarrek 27. Beste hautagaitzek, guztira, 29 boto eskuratu dituzte, 4 boto zuri zenbatu dituzte eta bat baliogabea izan da.
Gipuzkoan, EH Bilduk 986 boto jaso ditu, EAJk 672, PSE-EEk 419, PPk 347, Elkarrekin Podemosek 85 eta Voxek 96.
Behin betiko zenbaketaren arabera, beraz, Bizkaian, EAJk 11 legebiltzarkide lortu ditu, EH Bilduk 8, PSE-EEk 4 eta PPk 2.
Araban, EH Bilduk igandean lortutako 8 eserlekuei eutsi die, EAJk 7 izango ditu, PSE-EEk 4, PPk 4, eta Sumarrek eta Voxek bana.
Gipuzkoan, EH Bilduk 11 legebiltzarkide lortu ditu, EAJk 9, PSE-EEk 4 eta PPk 1.
Bizkaian, Sumarrek 738 boto behar zituen PSE-EEri eserleku bat kentzeko, eta EH Bilduk 1.360 behar zituen Gipuzkoan sozialisten eserleku bat bereganatzeko. Araban, are zailagoa zen eserlekua lortzea, EAJk 3.714 boto behar baitzituen legebiltzarkide bat gehiago irabazteko.
Gaurko botoak zenbatu ostean, hautagaitzek erreklamazioak aurkeztu ahalko dituzte lurralde bakoitzeko hauteskunde batzordearen aurrean, eta EAEko Hauteskunde Batzordera bideratu ahalko dituzte ondoren.
Helegiteak argitutakoan, hautagaitzak izendatuko dituzte, eta zazpi egun igaro aurretik, EAEko Aldizkari Ofizialean argitaratuko dituzte, baita lurralde bakoitzeko Aldizkarietan ere.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.