Gernikako Estatutuaren 46. urteurrenean, alderdi politikoek uste dute berritu beharra dagoela
Testua berritzeko negoziazioek markatutako testuinguru batean, buruzagi politikoek aukera baliatu dute Estatutua berritu beharraz duten iritzia emateko.
Euskadiko alderdi politikoek ekitaldiak egin dituzte Gernikako Estatutuaren 46. urteurrenean, testua berritzeko negoziazioek markatutako testuinguruan.
Euskal herritarrek testua bozkatu zutenean Euskadiko alderdiak zatituta zeuden arren, argazkia bestelakoa da orain: balorazio orokorra positiboa da. Hala eta guztiz ere, alderdi politiko guztiek azpimarratu dute beharrezkoa dela testua berritzea.
Aitor Esteban EAJko buruak esan du espero duela Espainiako Gobernuak negoziazioetan aurrera egitea urtea amaitu baino lehen. Estebanek gogorarazi duenez, eskumenak eskualdatzeko "egutegi bat" adostu zuten, eta Espainiako Gobernuak hitza bete beharko duela erantsi du.
Bestalde, EH Bilduk ekitaldi politikoa egin du Amaiurreko monolitoan (Nafarroa), "nazioaren erresistentziaren ikurrean".
Bertan, Pello Otxandiano koalizioaren bozeramaileak eta Laura Aznal Nafarroako bozeramaileak autogobernua eta foraltasuna hobetzeko beharra azpimarratu dute.
Koalizio abertzalearen arabera, iritsi da "herri honen subiranotasunean aurrera egiteko garaia".
Eneko Andueza PSE-EEko idazkari nagusiak, bere aldetik, autogobernua "tresna erabilgarria" dela esan, eta baztertu egin du "alegiazko subirotasuna" lortzeko nahia.
Euskal sozialisten idazkariak Estatutua berritzea eskatu du, euskal gizartearen "benetako beharrei" erantzuteko.
Euskadiko Alderdi Popularra Gernikako Batzar Etxean bildu da Gernikako Estatutua omentzeko.
Javier De Andres euskal popularren presidenteak adierazi du akordio berriak ez duela "independentziarik" aurreikusiko, eta "pertsonen askatasuna" bermatuko duen Estatutuaren alde egin du.
Azkenik, Podemos Euskadik azpimarratu du Gernikako Estatutuak autogobernua garatzeko balio dezakeela, eta erantsi duenez, "ez ditu indartu behar elite ekonomikoen pribilegioak, EAJk ulertzen duen bezala".
Zure interesekoa izan daiteke
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.
Otegik dio sailburuarekin baieztatu ondoren zabaldu zutela txertoen gaineko informazioa
EH Bildu arduraz aritu dela afera honetan jakinarazi du Arnaldo Otegik, haurrei eragiten dien arazoa delako. Sailburuarekin hitz egin ondoren errejistratu zituztela galderak Legebiltzarrean azaldu du.
Amaia Agirre, Getxoko alkatea: "Oposizioak dimititu dezadan eskatzen duelako ez dut dimitituko"
Oposizioko hiru taldeek (PP, EH Bildu eta Elkarrekin Podemos) talde moreak aurkeztutako premiazko mozio bat onartu dute, EAJko alkatearen kargugabetzea eskatzeko, Irurak Bat jauregiaren eraisketari lotuta egindako kudeaketagatik.
Donostiako Udalak ez du lizentzia gehiago emango tentsionatutako auzoetan hotelak eta pisu turistikoak ezartzeko
Donostiako Udalbatzak aho batez onartu du hotel eta ekipamendu turistikoei mugak ezartzen dizkien plan orokorraren aldaketa. EH Bilduk uste du berandu datorrela aldaketa.