Bero-boladak, Non eta noiz izango da hurrengo uda mina? |Orain

2024/08/11 - 15:59

Hondartza, igerilekua, terraza, eliza... edozein leku da egokia bero zakarretik babesteko

Laudioko Udalak elizaren ordutegia luzatu du, babesleku gisa erabili ahal izateko. Bestalde, hondartzak eta igerilekuak, gaur bezalako egunetan ohikoa denez, jendez lepo daude.

2024/08/11 - 13:43

Bero-kolpea izan duten hiru pertsona erreskatatu dituzte Nafarroako suhiltzaileek mendian

Horietako bat Okolin-Saioa ibilbidean erreskatatu dute. Bestalde, Ezkaurren galdutako eta deshidratatutako bi mendizale ere artatu dituzte. Nafarroako suhiltzaileek grabatutako irudiak.

2024/08/10 - 14:05

Alerta laranja ezarri dute iganderako Hego Euskal Herrian tenperatura altuengatik

Euskadin, 40 graduko tenperatura izango da, eta 27-28ra iritsiko dira mendi inguruetan. Nafarroan, tenperatura are altuagoak espero dira. Giroa freskatu egingo da igande arratsaldean, ipar-mendebaldeko haizeari esker. Abisu horia beroagatik astehelenera arte luzatu dute.

2024/08/10 - 13:05

Norbera eta pertsona zaurgarriak berotik babesteko gomendioak

Gehiegizko tenperaturak herritarren osasunean duen eragina prebenitzea eta murriztea helburu Osasun Sailak eta Osakidetzak Beroaren Aurkako Plana argitaratu dute. Beroaren ondorioei buruzko informazioa zabaldu eta horiek saihesteko neurriak zerrendatu dituzte. Hona hemen gako nagusiak.

Eguraldia Tiempo calor beroa abisu horia aviso amarillo

2024/08/09 - 13:48

40 gradu inguruko tenperatura izango da Euskadin asteburuan

Eusko Jaurlaritzako Segurtasun Sailak alerta laranja aktibatu du iganderako, eta ez da baztertu alarma gorrira zabaltzea.

2024/07/30 - 09:48

Albiste izango dira: Sanchezen deklarazioa, alerta laranja beroagatik eta transferentzien inguruko bilera

Gaurkoan albiste izango direnen laburpena, bi hitzetan.

2024/07/30 - 00:51

Euskal Herriaren zatirik handiena alerta laranjan, astearte honetan tenperatura altuak errepikatuko direlako

Horrela, tenperatura altuengatik ezarritako alerta laranja asteartean mantenduko da Euskal Autonomia Erkidego osoan, Nafarroako Erriberan eta Ipar Euskal Herrian. Kaseda (Nafarroa) 41 gradurekin tenperaturarik altuena izan zuen astelehenean. Orozkon (Bizkaia) 39,7 graduraino igo zen termometroa.

2024/07/29 - 16:08

Alerta laranja indarrean da muturreko tenperaturengatik

Alerta 13:00etan sartu da indarrean Hego Euskal Herrian, 40 gradutik gertu ibiliko baitira tenperaturak. Kostaldean eta Iparraldean abisu horia izango da, baina horietan ere bero sapa izango da nagusi.

2024/07/29 - 11:56

Gau tropikala atzean utzita esnatu da Hego Euskal Herria

Urteko gaurik beroenetako izan da gaurkoa 20 gradutik gorako tenperaturekin ia leku guztietan. Barnealdeko hainbat lekutan 25-27 graduraino ere iritsi dira.

2024/07/29 - 09:43

Albiste izango dira: Alerta laranja beroagatik, Panaman desagertutako bizkaitarra, eta PSC-ERC negoziazioak

Gaurkoan albiste izango direnen laburpena, bi hitzetan.

2024/07/28 - 21:29

Casedan neurtu da Euskal Herriko tenperaturarik altuena, 38,4 ºC

Ia Euskal Herria osoan gainditu dira igandean 30 ºC-ak, baina are gehiago berotuko du astelehenean eta alerta laranja egongo da ezarria Hego Euskal Herrian eta horia Iparraldean.

2024/07/28 - 16:39

Esako urtegia aukeratu dute batzuek 39 graduko tenperatura maximoari aurre egiteko

Nafarroa erdialdea, Erribera eta Pirinioak alerta laranjan daude, muturreko tenperatura maximoengatik. Sute-arriskua ere oso handia da lurraldean.

calor beroa salburua vitoria gasteiz efe

2024/07/28 - 15:03

Alerta laranja muturreko beroagatik ia Euskal Herri osoan

Alerta gaur hasi da Nafarroan, eta bihar, astelehenan helduko da txarrena Euskal Autonomia Erkidegora. Barnealdean ia 40 graduko tenperatura maximoak aurreikusten dira.

2024/07/27 - 19:42

Hiriguneetako zuhaitzak gero eta lehorrago eta eskasago zergatik dauden aztertzen ari dira adituak

Klima-aldaketa errealitate bat da, eta horren ondorioak uste duguna baino agerikoagoak dira. Zuhaitz horiek hiltzen ari dira, bai beroagatik, bai lurrik gabe geratzen ari direlako. Gasteizen, Udalak azterlana abiatu du arrazoiak identifikatu eta berdeguneak kontserbatzeko neurriak hartzeko.

2024/07/19 - 19:20

Nola babes ditzakegu gure maskotak bero-bolada batean?

Espainiako Gobernuak etxeko animaliei bero-boladak eramangarriagoak egiteko gomendioz osatutako gida bat publikatu du.

2024/07/19 - 16:08

Arnaitz Fernandez: ''Jaitsiera termiko orokorra igandean iritsiko da''

Bihar, bero handia egingo du Nafarroa erdialdean eta hegoaldean, baina jaitsiera termikoa Euskal Herri osora iritsiko da igandean. Kostaldean, 20 graduren bueltan ibiliko dira termometroak, eta Araban eta Nafarroa erdialdean, 25 ºC inguruan. Erriberan, berriz, 25-26 gradu izango dituzte.

2024/07/18 - 16:17