Eguneko Titularrak
2025/05/31 - 19:17
''La infiltrada'' pelikularen lantaldeak Coviteren XXIV. Nazioarteko Saria jaso du Donostian
ETAn infiltratu zen polizia nazionalaren historia kontatzen duen filmak Covite elkartearen saria jaso du. Maria Luisa Gutierrez produktoreak jaso du saria, eta biktimei eskaini die. Consuelo Ordoñez Coviteko presidenteak esan du horrelako filmak beharrezkoak direla gertatutakoa ez ahazteko.
2025/05/31 - 19:06
Gerra Zibilean eraildako pertsona baten gorpuzkiak berreskuratu dituzte Genevillan
Bizilagunen lekukotzen arabera, mendabiar baten gorpuzkiak dira. Batzuek zehaztu dute Mendabiako alkate izandako gizon batenak izan litezkeela. Oraingoz, baina, ez dute identifikatu.
2025/05/31 - 18:59
46 urteko gizon bat hil da Ollaranen, erorikoa izanda
Arroila-jaitsiera egiten ari zela, 20 metro inguruko altueratik erori da, SOS Nafarroak jakitera eman duenez.
2025/05/31 - 18:13
Kalera itzultzeko eta "entzuteko, partekatzeko eta taldea eraikitzeko" deia egin die Ansolak alderdikideei
Jeltzaleek Ezkerralde-Meatzaldeko Alderdikide Eguna ospatu dute Muskizen. Bertan, alderdikideek EBBko presidente ohi Andoni Ortuzar eta Antolakuntzako burukide ohi Joseba Aurrekoetxea omendu dituzte.
2025/05/31 - 18:06
EH Bilduk elkarlanerako deia egin dio EAJri, Euskal Herriaren aitortza nazionalean aurrera egiteko
EH Bilduk Arabako Mahai Politiko berria aurkeztu du larunbat honetan, 22 kidek osatutako organoa. Ibon San Saturnino Arabako arduradun politikoak aldarrikatu du "ohiko politika" egitera etorri ez diren "militante politikoak" direla.
2025/05/31 - 16:52
Egungo estatusa ez da nahikoa herritarren nahiei eta beharrei erantzuteko, Gure Eskuren aburuz
Datorren larunbatean Bilbon egingo duen herri manifestazioaren atarian, erabakitzeko eskubidearen aldeko ekimenak konferentzia antolatu du Gure Eskuk, Euskal Herriak ahalmen politiko gehiago izatea ardatz hartuta. Besteak beste, EAJ, EH Bildu eta Podemoseko ordezkariak izan dira bertan.
2025/05/31 - 16:02
Behar baino siesta luzeagoak eta eguerdi aldera egindakoak heriotza-arrisku handiagoarekin lotzen dira
Ikerketa baten arabera, siesta luzeak, egunean zehar egiten diren iraupen aldakorrekoak eta eguerdi aldera edo arratsaldeko lehen orduan egiten direnak heriotza-arrisku handiagoarekin lotzen dira.
2025/05/31 - 16:00
''Muga-zergak baliatu ditu Trumpek AEBrekin merkataritza harremanak izango dituzten herrialdeak hautatzeko''
Massimo Cermelli ekonomialari eta Deusto Bussiness Schooleko irakaslearen aburuz, altzairuaren muga-zerga % 25etik % 50era igota, "ezinezkoa izango da AEBri altzairua saltzea, AEBn bakarrik ekoitzi beharko dute".
2025/05/31 - 15:34
''Elkarrekin, salto euskarara!'', Kilometroak 2025eko bideoklipa
Gipuzkoako ikastolen jaiaren aurtengo bideoklipa Aitor Nova elgoibartarrak sortu du, eta hainbat musikarik hartu dute parte grabazioan. Kilometroak jaia urriaren 5ean izango da, Elgoibarren.
2025/05/31 - 14:44
Bi pertsona atxilotu dituzte Tolosan, edukiontziak erretzen ari zirenean
Lau kiskali dira guztira, eta gertu aparkatuta zegoen auto batek kalteak izan ditu.
2025/05/31 - 14:21
Abisu horia arratsaldean Hego Euskal Herrian, zaparrada mardul eta ekaitz arriskuagatik
Nafarroa erdialdean eta hegoaldean, 15:00etatik 23:00etara egongo da indarrean, eta EAEn, 18:00etatik gauerdira. Euri zaparrada handiak bota ditzake eta orduko 15 litro ere pila litezke zenbait puntutan. Gainera, kazkabarra ere egin dezake.
2025/05/31 - 13:36
1.900 emakumek jarri dute salaketa indarkeria matxistagatik urteko lehenengo lauhilekoan EAEn
Sexu askatasunaren aurkako delituak, bikotekideen edo bikotekide ohien erasoak edo senideenak biltzen ditu datu horrek. Bizkaian % 29 hazi da sexu erasoen kopurua.
2025/05/31 - 11:44
Guardia Zibilak gizon bat atxilotu du Bilbon, adingabeak galbideratzea egotzita
Atzemandako materialen artean haur-pornografia erakusten zuten argazki eta bideo ugari aurkitu zituzten, tartean haurtxoenak.
2025/05/31 - 11:28
Gizon bat atxilotu dute Bilbon, adingabeak galbideratzea eta material pedofiloa izatea leporatuta
Droga-trafikoagatik atxilotutako pertsona baten ordenagailuan artxibo pedofiloak aurkitu ostean, polizia-operazioa abiatu zuten. Guztira, 25 argazki eta 467 bideo pedofilo aurkitu zituzten. Adin desberdinetako adingabeak agertzen ziren horietan, tartean haurtxoak.
2025/05/31 - 10:46
Trumpek iragarri du % 25etik % 50era igoko dituela altzairuaren muga-zergak
"Industria siderurgiko indartsua edukitzea ez da duintasun, oparotasun eta harrotasun kontu hutsa. Segurtasun nazionala da bereziki", adierazi du US Steelek eta Nippon Steelek egindako itunaren harira.
2025/05/31 - 00:56
BBCk 100.000 euroko kalte-ordaina eman beharko dio Gerry Adams Sinn Feineko presidente ohiari difamazioagatik
BBCk Denis Donaldson alderdikidearen hilketa baimentzea leporatu zion errepublikanoen buruzagi historikoari telebista saio batean. Donaldson 2006an tirokatu zuten, bi hamarkada baino gehiagoz Erresuma Batuko segurtasun indarrentzat espiatu zuela aitortu ondoren.
2025/05/30 - 23:27
31 urteko motozale bat hil da, Artaxoan auto baten aurka talka egin ostean
Ezbeharra ostegunean gertatu zen, 22:27 aldera, NA-6030 Mendigorria-Tafalla errepideko 9,4. kilometroan. Nafarroako Unibertsitate Ospitalera eraman zuten anbulantziaz, larri, baina gaur hil egin da.
2025/05/30 - 23:09
Muskek Etxe Zuria utziko du murrizketa ugari egin ostean, baina Trumpen aholkulari izaten jarraituko du
Munduko gizonik aberatsenak azaldu duenez, Gobernua utziko du "130 eguneko aldi baterako kontratua" amaitu zaiolako, baina "hau ez da DOGEren amaiera", Administrazio Federala murrizteko sortu zuen Gobernuaren Eraginkortasunerako Departamentua, erantsi du.
2025/05/30 - 22:59
Sanchez Galan: ''Nuklearrak dira zerbitzu elektrikoari eusteko irtenbide ekonomikorik onena''
Ignacio Sanchez Galanek esan duenez, "Iberdrola da mundu osoan energia berriztagarrietan gehien inbertitu duen enpresa". Iberdrolako presidenteak berriztagarrien alde egiten jarraituko dutela berretsi du, baina "nuklearrek 'mix' energetikoaren parte" izan behar dutela uste du.
2025/05/30 - 22:16
Txingor eta haize ekaitz bortitzak Arabako Lautada eta Gasteiz hiriburua astindu ditu
Gasteizko suhiltzaileek 25 irteera egin behar izan dituzte, batez ere ur-putzu handiak sortu eta ura lokal eta lonjetan sartu baita, hustubideek ezin zutelako euri guztia jaso.