Ertzaintza
2025/05/18 - 14:20
Gizon bat atxilotu dute Bilbon zenbait pertsonak lo egiteko erabiltzen zuten pabiloi bati su emateagatik
Dirudienez, atxilotuak ere bertan egiten zuen lo, eta beste batekin eztabaidatu ostean piztu zuen sua.
2025/05/17 - 13:15
Lapurretan egin dute Arabako dozena batetik gora industria pabiloitan gau berean
Ostiralean izan ziren lapurretak Agurainen, Legution, Gamarran eta Adurtzan, eta, besteak beste, dirua, eguzki-panelak, auto bat eta txatarra ostu dituzte.
2025/05/16 - 19:43
Euskal Poliziaren IV. promozioko agenteek euren egiaztagiriak jaso dituzte
Ertzaintzaren eta udaltzaingoen 400 agentek jaso dituzte egiaztagiriak. Emakumeak gero eta pisu handiagoa hartzen ari dira Euskal Polizian. Aurten, esaterako, promozioaren % 37 baino gehiago emakumeak dira.
2025/05/16 - 19:18
Gizonezko bat atxilotu dute Irungo kiroldegi bateko gizonezkoen aldageletan mugikorrarekin grabatzea egotzita
Oraingoz, sei biktima identifikatu dituzte, guztiak helduak, eta horiek salaketak aurkeztu dituzte dagoeneko.
2025/05/12 - 15:47
Emakume bat ikerketapean dago, Diru-sarrerak Bermatzeko Errentarekin 46.000 euroko iruzurra egitea egotzita
Ertzaintzak uste du 2020ko azaroan hasi zela iruzurra, eta DSBEz gain, Etxebizitza Gastuetarako Prestazio Osagarriarekin ere iruzur egin duela.
2025/05/11 - 19:54
Kobre lapurretek etorkizunik gabe utzi dute Urrestillako Surco Interiors enpresa
Azpeitiko Urrestilla auzoan dagoen Surco Interiors enpresan lauzpabost aldiz sartu zaizkie hilabete bakarrean eta 4.000 kilo kobre lapurtu dizkiete. Dena galdu dute, babesgabe sentitzen dira, eta itxi egingo dute. Lapurren irudiak ere badituzte, eta kritiko dira polizia ikerketarekin.
2025/05/11 - 15:20
Enpresari bat atxilotu dute Idiazabalen, langile atzerritarrak esplotatzeagatik zuntz optikoa instalatzeko
32 urteko emakume bat atxilotu dute Logroñon, kasuarekin zerikusia duelakoan. Ikerketa urtarrilean hasi zen, pertsona batek salatu zuenean egunean 10 ordu baino gehiago lan egin arren, asteburuak barne, ez zuela nahikoa baliabide, "ezta jateko ere". Bost salaketa daude, baina gehiago espero dira.
2025/05/09 - 22:48
Bilboko ile-apaindegi batean Ertzaintzak egindako ''eraso arrazista'' salatu dute
Ertzaintza barrura sartu zen, ustez, gaztea identifikatzeko, eta hark ezetz esan zionean, agente batek eraso egin zion. Duela bi aste gertatu zen, baina bideoa orain zabaldu da. Arratsaldean elkarretaratzea egin dute San Frantzisko auzoan gertatutakoa salatzeko.
2025/05/09 - 19:31
Gizon bat zauritu dute Bilboko Somera kalean, sastatuta
Erasoa 16:15 aldera jazo da, eta zauritua Basurtuko ospitalera eraman behar izan dute. Ertzaintzak 26 urteko gizon bat atxilotu du arratsaldean, arma zuriz egindako erasoa egotzita. Susmagarriak ustez erabilitako labana kalean botata aurkitu dute, gertakariaren lekutik hurbil.
2025/05/09 - 18:51
Gizon bat atxilotu dute Getxon emakume bati sexu-erasoa egitea egotzita
Asteazken gauean gertatu zen erasoa. Emakumeak salaketa jarri zuen ertzain-etxean, eta Getxoko Udalak indarkeria matxistaren aurrean jarduteko eta koordinatzeko protokoloa aktibatu du.
2025/05/08 - 14:02
Gidatzean distrakzioak saihesteko kontrolak indartuko ditu Ertzaintzak maiatzaren 9tik 11ra
Euskadin, 2024an, zirkulazio-istripuen ia heren bat gidatzean gertatutako distrakzioek eragin zuten, eta, horren ondorioz, Ertzaintzak eta udaltzaingoek errepideetako zaintza areagotuko dute funtsezko hiru egunetan.
2025/05/07 - 20:52
Errekalden zauritutako gaztea foam pilota batek jo zuen, Ertzaintzaren behin-behineko ikerketaren arabera
Zupiria sailburuaren esanetan, zauritutako gaztea ez zegoen "istiluak gertatzen ari ziren tokian" Ertzaintzaren foam jaurtigai baten inpaktua jaso zuenean.
2025/05/07 - 12:39
Ertzaintzak N-1ean, Andoainen, kontrako noranzkoan eta alkoholaren eraginpean zihoan gidari bat atxilotu du
Atxilotuak ez zien jaramonik egin agenteek gelditzeko emandako aginduei, eta autoarekin poliziaren ibilgailua jo zuen. Gizona, 48 urtekoa, aurretik ere atxilotu edo ikertu izan du Ertzaintzak, alkoholaren eraginpean gidatzeagatik.
2025/05/07 - 00:41
Bi emakume ertzainen aurkako "lan- eta sexu-jazarpen kasu larriak" salatu dituzte
Ertzaintzaren Sindikatu Profesionala (Si.P.E.) "berehalako kargugabetzeak eta erantzukizun politikoak" eskatu ditu, "indarkeria instituzionalaren kasu nabarmena" delako.
2025/05/06 - 13:04
Kontrako noranzkoan eta edanda zihoan gidari bat atxilotu dute Gasteizen
Ertzaintzak 44 urteko gidari bat atxilotu zuen atzo, Altubeko autobidean kontrako norabidean gidatzeagatik. Horrez gain, alkohol eta droga testetan positibo eman zuen, eta agenteek kokaina atzeman zioten.
2025/05/04 - 15:25
Gizon bat atxilotu dute Gasteizen 4 egun geroago ZIUn jarraitzen duen beste bati labankada bat emateagatik
Ikerketa egin ondoren, Ertzaintzak ustezko erasotzailea aurkitu eta atxilotu zuen atzo, eta igande honetan utziko dute Guardiako Epaitegiaren esku.
2025/05/04 - 11:59
Gazte bat atxilotu dute Irunen beste bati arma zuriz zauriak egiteagatik
Biktima Donostia Ospitalera eraman zuten. Herriaren erdigunean izan zen gertakaria.
2025/05/03 - 20:20
Kirola egiten ari ziren bi emakume erreskatatu dituzte Nafarroan, eta hirugarren bat Gipuzkoan
Udalatx mendian jazo da lehen ezbeharra. Geroago, emakume bat erori da Mezkiritzen, eta 14:20 aldera hirugarren emakume batek kolpe handia hartu du aldakan Domikon.
2025/05/02 - 15:42
Bi gazte atxilotu dituzte Bilbon, gizon bat jo eta beste bat labanarekin zauritzeagatik
Erasoa 02:45ak aldera gertatu da Abandon, eta zauritutako bi lagunak ospitalera eraman behar izan dituzte. Atxilotuak datozen orduetan utziko dituzte epailearen esku.
2025/05/02 - 13:59
Bi atxilotu eta bi ikertu Bilbon, Athletic eta Manchesterren arteko partidaren ostean izandako istiluetan
Istiluak goizaldean gertatu dira Poza Lizentziatuaren kale inguruan, gazte talde batek kalean zeuden pertsonei botilak jaurti dizkienean. Hainbat pertsona zauritu dira eta emakume bat ospitalera eraman dute hankan egindako zauria sendatzeko.