Euskal Autonomia Erkidegoa
2025/06/03 - 23:12
Sexu-esplotazio sare bateko erakunde kriminal bat desegin dute
Ertzaintzak eta Espainiako Polizia Nazionalak 19 pertsona atxilotu dituzte luxuzko prostituzio sare baten aurkako operatibo batean. Guztira 34 emakume askatu dituzte Estatu osoan, 14 Euskadin. Erakundeak sare sozialen bidez eskaintzen zituen sexu-zerbitzuak.
2025/06/03 - 23:02
Prostituzioa Hego Euskal Herrian, analisi laburra: EAEk Espainiako bosgarren tasarik altuena du
Gutxienez 5.158 emakume egongo lirateke prostituzioan (3.421 Bizkaian, 1.053 Gipuzkoan eta 684 Araban), eta % 15 inguru sareetan aritzen dira. Nafarroan, 817 emakume prostituzio egoeran daudela uste dute. Hala ere, Askabide bezalako elkarteek salatu dutenez, kopuru horiek errealitatetik urrun daude.
2025/06/03 - 20:28
Hasi dituzte Unibertsitatera sartzeko probak Hego Euskal Herrian
Deialdia LOMLOEk bultzatutako gaitasunetan oinarritutako proben eredu berriarekin egingo den lehena da. Ekainaren 5a bitartean egingo dira azterketak. Aldaketa metodologikoak dakartza probak, eta, memorizazioaren ordez, analisia eta aplikazio praktikoa lehenetsiko dira. 17.000 ikasle daude deituta.
2025/06/03 - 19:55
Osasun Itunak akordioa lortu du 24 ildo estrategikoetako 22tan, eta "azken fasean" sartu da jada
Alberto Martinez sailburuak "historiko"tzat jo du akordioa. Sailburua Itunaren Mahaiaren bederatzigarren bileraren buru izan da gaur, Gasteizko Europa Jauregian. Bilera horretan, zortzi dokumentu berri onartu dira.
2025/06/03 - 16:24
Osakidetzak 24 ordura luzatuko ditu etxeko zainketa aringarri pediatrikoak
Protokolo berriaren helburua da lan ordutegitik kanpoko arreta espezializatua aitortu eta arautzea, langileek bidezko ordainsariak jasotzea eta gaixoentzako asistentzia jarraitua eta antolatua bermatzea.
2025/06/03 - 15:40
Mitxel Lakuntza ELAko idazkari nagusi aukeratu dute berriro, % 90,37ren babesarekin
Halaber, ELA sindikatuak datozen lau urteetarako lan ildoak ezarriko dituen ponentzia onartu du, eta helburu gisa jarri ditu sindikalismo feministarantz bidea egitea eta bere jarduna esparru sozial eta politikoetara zabaltzea.
2025/06/03 - 14:31
EAJk eta PSE-EEk etxebizitza-eraikuntza bizkortzeko lege-proposamena erregistratu dute
Zehazki, sei lege aldatuko dira eskaintza zabaltzeko, lurzoruak mobilizatzeko, prozedura-kopurua murrizteko eta izapideak bizkortzeko. Aitor Esteban (EAJ) eta Eneko Andueza (PSE-EE) Eusko Jaurlaritza osatzen duten bi alderdien buruzagien arabera, "laster ikusiko dira" neurrien ondorioak.
2025/06/03 - 13:29
Prezipitazio handiak aurreikusi dira Araban eta Nafarroan datozen orduetarako
Ordubetean 15 milimetroko prezipitazioak eta ekaitzak izan daitezkeela ohartarazi dute, eta txingorra eta haize-bolada bortitzak edo oso bortitzak izan daitezkeela.
2025/06/03 - 11:28
Langabeziak % 2 egin du behera maiatzean Euskadin, eta % 1,8, Nafarroan
Erkidego bietan beherako joera izan da hilabete honetan, eta zortzigarren hilabetez jarraian etorri da. Hortaz, datuek argi islatzen dute merkatua supertzen ari dela.
2025/06/03 - 09:50
Albiste izango dira: Unibertsitatera sartzeko probak, gobernu kontseilua Añanan eta Osasun Itunaren bilera
Gaurkoan albiste izango direnen laburpena, bi hitzetan.
2025/06/02 - 19:06
Ertzaintzak zenbait aldiz tiro egin du droga-trafikoaren aurkako operazio batean, Lezon
Hiru pertsona atxilotu dituzte. Susmagarrietako bat autoz ihes egiten saiatu da, eta agenteek tiro egin dute, "ibilgailuak harrapatzea saihesteko".
2025/06/02 - 16:15
Osakidetzak kargu hartu dio pediatra bati, hil hurren zegoen haur bat lanorduetatik kanpo artatzeagatik
Osasun Sailak azaldu du "segurtasun ohartarazpena" egin ziola langileari, ibilgailu korporatiboa ordutegitik kanpo eta aldez aurretik abisatu gabe erabiltzeagatik.
2025/06/02 - 14:20
1.960 pertsona artatu ditu Bilboko Harreraguneak lehen sei hilabeteetan
Azaroan ireki zituen ateak Bilbon pertsona migranteei harrera eta informazioa eman eta orientatzen laguntzeko Euskadiko lehen bulegoak, eta sei hilabeteotan 70 herrialdetako jendea hurbildu da bertara laguntza eske, hala nola Maroko, Kolonbia, Aljeria, Venezuela eta Perutik etorritakoak.
2025/06/02 - 13:01
ELAk bere XVI. Kongresu konfederalari ekin dio, Mitxel Lakuntza berriz idazkari nagusi izateko hautagai dela
Euskadin indar gehien duen sindikatua da ELA (104.000 afiliatu eta % 40ko ordezkaritza). Kongresua Bilbon egingo dute astelehen eta astearte honetan, 'Langileria antolatu, gizartea eraldatu' leloari helduta.
2025/06/02 - 00:10
''Se llamaba como yo'' podcasta estreinatu du GUAUk, Begoña Urrozen kasua argitara ateraz
Begoña Urroz DRILek hil zuen neskatoren ahizpari izen berdina jarri zioten. GUAU plataformak dokumentala estreinatu du, podcast formatuan, izen bereko bi ahizpei buruz. Indarkeria politikoaren biktima izandakoa, urteetan isilpean izan den kasua, eta politikoki ere erabilia izan dena.
2025/06/01 - 20:44
Zallako Juantxu Harategia eta Zarauzko Gesalaga Okelan garaile, Euskadiko Autore Hanburgesen III. Lehiaketan
Euskadiko Autore Hanburgesen III. Lehiaketa egin dute Amurrion, Tolosan bi edizio egin ondoren. Juantxu Harategiak irabazi du Hanburgesa berritzaileen kategorian eta Gesalaga Okelanek irabazi du Hanburgesa tradizionalen kategorian. Irabazleek gustura hartu dituzte oroigarriak.
2025/06/01 - 18:00
Abian dira Bilbo eta New York arteko zuzeneko hegaldiak
Igande goizean iritsi da AEBtik zuzenean etorri den lehen hegazkina Bilboko aireportura, eta eguerdian abiatu da hemendik harako lehena. Astean hiru joan-etorri izango ditu Bilbo-New York ibilbideak, 700 euro inguruko prezioan.
2025/06/01 - 14:03
Abisu horia gaur ere ekaitzengatik: 15 litro bota ditzake ordubetean
Ekialdean joko du gogorren ekaitzak, eta ez da txingorra botatzea baztertzen. Datorren astea hezetik hasiko da, baina eguzkitsu amaitzea espero da.
2025/05/31 - 23:33
Euskal enpresak kezkatuta daude Trumpek altzairuari jarritako zergekin, merkatu handienen artean baitute AEB
Iaz 385 milioi euroko altzairu eta aluminio esportazioak egin zituen Euskadik AEBra. Enpresa askori eragingo dizkie Trumpen muga-zergek, Sidenor, ArcelorMittal, Tubacex eta Tubos Reunidos enpresei, besteak beste.
2025/05/31 - 14:21
Abisu horia arratsaldean Hego Euskal Herrian, zaparrada mardul eta ekaitz arriskuagatik
Nafarroa erdialdean eta hegoaldean, 15:00etatik 23:00etara egongo da indarrean, eta EAEn, 18:00etatik gauerdira. Euri zaparrada handiak bota ditzake eta orduko 15 litro ere pila litezke zenbait puntutan. Gainera, kazkabarra ere egin dezake.